Sveitarstjórn

2203006F

2203004F

• 2.1 2201032 Beiðni um undirbúningstíma.
  Fræðslunefnd - 38 Fræðslunefnd leggur til við sveitarstjórn að veita leikskólastjóra heimild til að bæta við 0,15 stöðugildum frá 1. maí - 31. desember 2022 til að mæta undirbúningstímum leiðbeinenda í Skýjaborg. Leikskólastjóri getur þá ráðstafað þeim tímum eins og hann telur gagnast starfsemi leikskólans sem best hverju sinni. Frekari útfærslu eða aukningu undirbúningstíma fyrir leiðbeinendur leggur fræðslunefnd til að verði endurskoðað við gerð fjárhagsáætlunar fyrir árið 2023. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar í heild sinni."
  Tillagan borin undir atkvæði og samþykkt með 7 atkvæðum.

2204001F

• 3.4 2011001 Jafnréttisstefna Hvalfjarðarsveitar
  Fjölskyldu- og frístundanefnd - 33 Gerðar voru smávægilegar breytingar á jafnréttisstefnu Hvalfjarðarsveitar og jafnframt lagt fram framkvæmdaráætlun 2019-2023. Nefndin samþykkir þessar breytingar og vísar henni til sveitastjórnar. Bókun fundar Oddviti lagði fram eftirfarandi tillögu:
  "Sveitarstjórn samþykkir breytingar nefndarinnar á jafnréttisstefnu Hvalfjarðarsveitar."
  Tillagan borin undir atkvæði og samþykkt með 7 atkvæðum.

2203005F

• 4.1 2001042 Íþróttahús - undirbúningur framkvæmda.
  Mannvirkja- og framkvæmdanefnd - 48 Mannvirkja- og framkvæmdanefnd leggur til við sveitarstjórn að gengið verði til samninga við lægstbjóðanda þ.e. Al-Hönnun og verkefnastjóra framkvæmda og eigna verði falið að ganga frá verksamningi. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að gengið verði til samninga við lægstbjóðanda, Al-Hönnun og að fela verkefnastjóra framkvæmda og eigna að ganga frá verksamningi."
  Tillagan borin undir atkvæði og samþykkt með 5 atkvæðum, RÍ og EÓG voru á móti.
  
  Til máls tók Elín Ósk Gunnarsdóttir og lagði fram eftirfarandi breytingartillögu:
  "Þar sem stutt er í kosningar þá tel ég ekki hæft að fara að samþykkja svo miklar fjárhæðir og skuldbindingu til framtíðar. Fyrir liggur að endurnýjun sveitarstjórnar verður mikil ef ekki algjör og engan veginn við hæfi fyrir sitjandi sveitarstjórn að taka slíka ákvörðun korter í kosningar. Undirrituð leggur til að málinu verður frestað og nýrri sveitarstjórn verði falið að taka ákvörðun um framhaldið vonandi með meira samráði við íbúa sveitarfélagsins."
  Tillagan felld með 5 atkvæðum BH, DO, GJ, HH og BÞ.
• 4.2 2008023 Heiðarskóli - Þak
  Mannvirkja- og framkvæmdanefnd - 48 Mannvirkja- og framkvæmdanefnd leggur til við sveitastjórn að gengið verði til samninga við lægstbjóðanda Negla og Saga slf og HD-smiðir ehf, verkefnastjóra framkvæmda og eigna verði falið að ganga frá verksamningi. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að gengið verði til samninga við lægstbjóðanda, Negla og saga slf. og HD smiði ehf. og að fela verkefnastjóra framkvæmda og eigna að ganga frá verksamningi."
  Tillagan borin undir atkvæði og samþykkt með 6 atkvæðum.
  
  Ragna Ívarsdóttir vék af fundi undir umræðum og afgreiðslu málsins.
• 4.3 2001040 Göngu og reiðhjólastígar í sveitarfélaginu
  Mannvirkja- og framkvæmdanefnd - 48 Mannvirkja- og framkvæmdanefnd leggur til við sveitarstjórn að gengið verði til samninga við Mannvit og verkefnastjóra framkvæmda og eigna verði falið að ganga frá verksamningi. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að gengið verði til samninga við verkfræðistofuna Mannvit vegna hönnunar á göngustíg við Eiðisvatn og að fela verkefnastjóra framkvæmda og eigna að ganga frá verksamningi."
  Tillagan borin undir atkvæði og samþykkt með 7 atkvæðum.
• 4.4 2001041 Melahverfi - Opin svæði
  Mannvirkja- og framkvæmdanefnd - 48 Mannvirkja- og framkvæmdanefnd leggur til við sveitarstjórn að verkefnastjóra framkvæmda og eigna sé falið að fá hönnuði til að uppfæra gögn miðað við umræður á fundinum. Rýmt verði fyrir framtíðarsvæði á lengingu götu Innrimels að framtíðarsvæði fyrir leikskóla ofan við byggðina sem gert er ráð fyrir í tillögu að nýju Aðalskipulagi Hvalfjarðarsveitar 2020-2032. Lagt er til að hóll verði felldur út og færsla verði á körfuboltavelli / fótboltavelli og ærslabelg.
  Verkefnastjóra framkvæmda og eigna verði falið að bjóða verkið út að þessum breytingum loknum. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar í heild sinni."
  Tillagan borin undir atkvæði og samþykkt með 7 atkvæðum.
  
  Til máls tók RÍ.

2203001F

• 5.3 2203069 Sorphirðusamningur - framlenging.
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd Hvalfjarðarsveitar leggur til við sveitarstjórn að nýta framlengingarákvæði í verksamningi um sorphirðu í Hvalfjarðarsveit og Skorradalshreppi, en það getur verkkaupi gert einhliða a.m.k. sex mánuðum áður en samningurinn rennur út. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að framlengja verksamning um sorphirðu í Hvalfjarðarsveit og Skorradalshreppi, umhverfisfulltrúa falið að vinna málið áfram."
  Tillagan borin undir atkvæði og samþykkt með 7 atkvæðum.
• 5.6 2011019 Umsagnarbeiðni vegna efnistöku í landi Skorholts í Hvalfjarðarsveit
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd gerir ekki athugasemdir við umhverfismatsskýrslu um efnistöku úr Skorholtsnámu í Hvalfjarðarsveit, en áréttar eftirtalin atriði:
  - Mikilvægt er að huga vel að umgengni á rekstrartíma, sér í lagi þar sem framkvæmdatíminn er langur og lokafrágangur ekki fyrirhugaður fyrr en í lok vinnslutímans. Sérstaklega þarf að huga að ásýnd (landslag og sjónrænir þættir), foki og umferð. Einnig þarf að tryggja að umgengni um framkvæmdasvæðið sé ávallt til fyrirmyndar.
  - Mikilvægt er að viðhalda samráði við landeigendur, sveitarfélagið og eftir atvikum aðra hagsmunaaðila, þar sem fyrirhugaður framkvæmdatími er 30-40 ár. Gott samstarf þarf að ríkja um vinnsluna allan vinnslutímann.
  - Frágangur. Gert er ráð fyrir því að frágangi verði þannig háttað að raskað svæði falli sem best að umhverfi sínu. Hér er um gríðarlegt efnismagn að ræða og aðeins hægt að ganga frá hverjum hluta námunnar að litlu leyti, þar til í lok framkvæmdatíma. Tryggja þarf að frágangi svæðisins verði þannig háttað að svæðið komi til með að líkjast sem mest þeim landformum sem umhverfis það eru. Frágangsáætlun þarf einnig að taka mið af landnotkun í framtíðinni og óskum landeiganda. Afar brýnt er að ganga frá svæðinu jafn óðum að svo miklu leyti sem hægt er.
  - Í tillögu að nýju aðalskipulagi Hvalfjarðarsveitar er gert ráð fyrir efnistöku í landi Skorholts, enda hefur verið unnið í námunni síðan 1954.
  
  Framkvæmdin er háð eftirfarandi leyfum:
  1. Framkvæmdaleyfi, útgefið af Hvalfjarðarsveit, veitt á grundvelli staðfests aðalskipulags og niðurstöðu mats á umhverfisáhrifum.
  2. Starfsleyfi frá Heilbrigðiseftirliti Vesturlands.
  
  Bókun fundar Oddviti lagði fram eftirfarandi tillögu:
  "Sveitarstjórn samþykkir bókun nefndarinnar og tekur undir öll þau atriði sem þar koma fram."
  Tillagan borin undir atkvæði og samþykkt með 7 atkvæðum.
• 5.7 2203018 Háimelur 1 - Deiliskipulagsbreyting
  Umhverfis- skipulags- og náttúruverndarnefnd - 157 Samþykkt að auglýsa breytingu á deiliskipulagi Háamels með áorðnum breytingum skv. 1. málsgrein 41. greinar skipulagslaga nr. 123/2010. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að auglýsa breytingu á deiliskipulagi Háamels með áorðnum breytingum skv. 1.málsgrein 41. greinar skipulagslaga nr. 123/2010."
  Tillagan borin undir atkvæði og samþykkt með 7 atkvæðum.
• 5.8 2203004 Lóðir við Lyngmel.
  Umhverfis- skipulags- og náttúruverndarnefnd - 157 Umhverfis-, skipulags- og náttúrverndarnefnd hafnar erindinu.
  
  Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að hafna erindinu."
  Tillagan borin undir atkvæði og samþykkt með 7 atkvæðum.
• 5.9 2203027 Flæðigryfjur Grundartanga - Umsagnarbeiðni.
  Umhverfis- skipulags- og náttúruverndarnefnd - 157 Borist hefur erindi Skipulagsstofnunar er varðar útvíkkun á flæðigryfjum á hafnarsvæði Grundartanga í Hvalfjarðarsveit. Óskað er eftir umsögn sveitarfélagsins um hvort sveitarfélagið telji að nægjanlega sé gerð grein fyrir framkvæmdinni, umhverfi hennar, mótvægisaðgerðum og vöktun. Einnig er óskað eftir að Hvalfjarðarsveit geri grein fyrir þeim leyfum sem framkvæmdin er háð og eru á starfssviði sveitarfélagsins.
  Hvað varðar hvort sveitarfélagið telji að nægjanlega sé gerð grein fyrir framkvæmdinni, umhverfi hennar, mótvægisaðgerðum og vöktun, bendir nefndin á eftirfarandi: Tryggt verði að allur farmur sem fluttur er að flæðigryfjunum sé varinn bæði í flutningi og við losun, þannig að ekkert efni losni í andrúmsloft, hvorki í flutningi né við losun í gryfjurnar.
  Tryggt verði að einungis sá úrgangur sem starfsleyfi heimilar sé losaður í flæðigryfjurnar.
  Sækja þarf um framkvæmdarleyfi til Hvalfjarðarsveitar og tryggja þarf að framkvæmdin sé í samræmi við skipulag.
  Umhverfis-, skipulags - og náttúruverndarnefnd samþykkir að vísa umsögninni til sveitarstjórnar. Bókun fundar Oddviti lagði fram eftirfarandi tillögu:
  "Sveitarstjórn samþykkir umsögn nefndarinnar vegna erindisins og gerir hana að sinni."
  Tillagan borin undir atkvæði og samþykkt með 7 atkvæðum.
• 5.10 2111023 Leirá - lýsingartillaga að deiliskipulagi - Réttarhaga I og II
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd hefur lagt mat á framkomnar ábendingar vegna lýsingar og eftir atvikum brugðist við þeim/tekið tillit til þeirra.
  
  Umhverfis-, skipulags- og náttúruverndarnefnd telur að heimila þurfi lagningu vegar gegnum land sveitarfélagsins vegna vegtengingar við Réttarhaga I og II.
  Heimildin verði á grundvelli 2. málsgreinar 43. greinar skipulagslaga nr. 123/2010, en skv. henni þarf að grenndarkynna óverulega breytingu á gildandi deiliskipulagi en með hliðsjón af notkun, nýtingarhlutfalli, útliti og formi viðkomandi svæðis, telst breytingin óverulega að mati Umhverfis-, skipulags- og náttúruverndarnefndar.
  
  Umhverfis-,skipulags-og náttúruverndarnefnd leggur til við sveitarstjórn að hún heimili lagningu vegar í gegnum land sveitarfélagsins vegna vegtengingar fyrir Réttarhaga I og II. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að heimila lagningu vegar í gegnum land sveitarfélagsins og að breyting deiliskipulags verði grenndarkynnt samkvæmt 2. málsgrein 43. greinar skipulagslaga nr. 123/2010 þar sem um er að ræða óverulega breytingu á deiliskipulagi."
  Tillagan borin undir atkvæði og samþykkt með 7 atkvæðum.
• 5.11 2104052 Erindi frá Veiðifélaginu Leirá
  Umhverfis- skipulags- og náttúruverndarnefnd - 157 Í gildi er deiliskipulag fyrir hluta jarðarinnar Vestri-Leirárgarða frá árinu 2010 og skv. deiliskipulaginu er kvöð um gegnumakstur eins og komið hefur fram. Umrædd kvöð samræmist sjónarmiðum og skipulagsmarkmiðum sveitarfélagsins á því svæði sem tillagan nær til enda tillagan samþykkt og staðfest af sveitarfélaginu á sínum tíma.
  Á milli aðila málsins er ágreiningur, sem sveitarfélagið er ekki aðili að og telur sér ekki fært að taka afstöðu til enda um einkamál að ræða á landi í einkaeigu og hvetur sveitarfélagið aðila málsins til að leysa úr sínum ágreiningi.
  Fyrir liggur tillaga að nýju vegstæði sem leysir af hólmi hið umdeilda vegstæði sem verið hefur að nokkru leyti lokað síðast liðið ár. Hefur sveitarfélagið tekið jákvætt í lagninu hins nýja vegar og hvatt landeigendur til að sækja um styrk í Styrkvegasjóð Vegagerðarinnar vegna lagningu hans og liggur fyrir að sótt hefur verið í þann sjóð en niðurstaða um styrkveitingu liggur ekki fyrir.
  
  Í bréfi formanns Veiðifélagsins Leirár er gerð krafa um að sveitarfélagið beiti sér fyrir beitingu þvingunarúrræða í því skyni að opna akstursleið á landi Vestri-Leirárgarða. Telur sveitarfélagið sér ekki fært að hlutast um þetta deilimál milli aðila, sem er land í einkaeigu og málefnið því einkamál, hinsvegar telur sveitarfélagið að það hafi lagt sitt af mörkum við lausn málsins m.a. með með því að funda með málsaðilum og leita sátta, með því að taka jákvætt í lagningu nýs vegar osfrv.
  Erindinu hafnað.
  Bókun fundar Oddviti lagði fram eftirfarandi tillögu:
  "Sveitarstjórn tekur undir og samþykkir bókun nefndarinnar vegna erindisins."
  Tillagan borin undir atkvæði og samþykkt með 7 atkvæðum.
• 5.12 2203054 Melahverfi-Endurskoðun gildandi deiliskipulags.
  Umhverfis- skipulags- og náttúruverndarnefnd - 157 Samþykkt að ganga til samninga við Eflu um gerð nýs endurskoðaðs deiliskipulags fyrir Melahverfi. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að gengið verði til samninga við verkfræðistofuna Eflu um endurskoðun deiliskipulags Melahverfis."
  Tillagan borin undir atkvæði og samþykkt með 7 atkvæðum.
• 5.14 2203052 Háhóll-Nafnabreyting-Hóll 1 F 2504870.
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd samþykkir erindið. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að samþykkja nafnabreytinguna."
  Tillagan borin undir atkvæði og samþykkt með 7 atkvæðum.
• 5.16 2202023 Ályktun frá fundi stjórnar Faxaflóahafna sf., 18. febrúar 2022.
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd samþykkir að beina því til sveitarstjórnar að leita til Ísor, Íslenskra orkurannsókna varðandi samstarf um framtíðarvatnsöflun neysluvatns fyrir Hvalfjarðarsveit. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að leita til Ísor, Íslenskra orkurannsókna, um samstarf vegna framtíðarvatnsöflunar neysluvatns fyrir Hvalfjarðarsveit."
  Tillagan borin undir atkvæði og samþykkt með 7 atkvæðum.
• 5.18 2102151 Deiliskipulag Melahverfis, 3. áfangi.
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd hefur lagt mat á framkomnar ábendingar og eftir atvikum brugðist við þeim/tekið tillit til þeirra.
  Samþykkt að hefja vinnu við gerð deiliskipulags fyrir Melahverfi III. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að hafin verði vinna við gerð deilskipulags fyrir Melahverfi III á grundvelli fyrirliggjandi lýsingar, með áorðnum breytingum (á grundvelli lýsingar og þeim athugasemdum sem fram hafa komið og taka þarf tillit til)."
  Tillagan borin undir atkvæði og samþykkt með 7 atkvæðum.
• 5.22 2204002 Ósk um stofnun lóðar umhverfis íbúðarhúsið Gandheimum
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd samþykkir stofnun lóðarinnar. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að stofnuð verði 3 ha. lóð umhverfis íbúðarhús og bílskúr Gandheima sbr. meðfylgjandi uppdrátt, hin nýja lóð fær heitið Gandheimar 1."
  Tillagan borin undir atkvæði og samþykkt með 7 atkvæðum.
• 5.25 2203043 Umsögn um tillögu að breytingu á aðalskipulagi Kjósarhrepps 2017-2029-Ásgarðsland.
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd hefur ekki athugasemd og gefur jákvæða umsögn. Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar og gerir ekki athugasemdir vegna breytinga aðalskipulagsins og veitir jákvæða umsögn vegna málsins."
  Tillagan borin undir atkvæði og samþykkt með 7 atkvæðum.
• 5.26 2203062 Litlu-Tunguskógur - ósk um umsögn - skipulagslýsing fyrir aðalskipulagsbreytingu
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd hefur ekki athugasemd og gefur jákvæða umsögn. Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar og gerir ekki athugasemdir við lýsingu vegna fyrirhugaðrar breytingar aðalskipulagsins og veitir jákvæða umsögn vegna málsins."
  Tillagan borin undir atkvæði og samþykkt með 7 atkvæðum.
• 5.27 2203061 Breiðabólsstaður 2 - ósk um umsögn - skipulags- og matslýsing fyrir aðalskipulagsbreytingu
  Umhverfis- skipulags- og náttúruverndarnefnd - 157 Umhverfis-, skipulags- og náttúruverndarnefnd hefur ekki athugasemd og gefur jákvæða umsögn. Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar og gerir ekki athugasemdir við lýsingu vegna fyrirhugaðrar breytingar aðalskipulagsins og veitir jákvæða umsögn vegna málsins."
  Tillagan borin undir atkvæði og samþykkt með 7 atkvæðum.

2204005

2009038

2101013

2204029

2204010

2204011

2204001

1801015

2203042

2203045

2204007

2203067

2203049

2203058

2203066

2204017

2203015

2202027

2203064