Sveitarstjórn

2204006F

2204008F

• 2.2 2204057 Stöðugildi í Skýjaborg fyrir haust 2022-2023.
  Fræðslunefnd - 39 Fræðslunefnd leggur til við sveitarstjórn samþykkja stöðugildi í Skýjaborg fyrir skólaárið 2022-2023. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar varðandi fjölda stöðugilda í leikskólanum Skýjaborg fyrir skólaárið 2022-2023."
  Tillagan borin undir atkvæði og samþykkt með 7 atkvæðum.
• 2.3 2204058 Kennslustundaúthlutun - ósk um tímaúthlutun 2022-2023 í Heiðarskóla
  Fræðslunefnd - 39 Fræðslunefnd leggur til við sveitarstjórn að samþykkja óbreytta kennslustundaúthlutun og starfshlutfall almennra starfsmanna fyrir skólaárið 2022-2023 í samræmi við þau gögn sem skólastjóri lagði fram. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um óbreytta kennslustundaúthlutun og starfshlutfall almennra starfsmanna við grunnskólann Heiðarskóla fyrir skólaárið 2022-2023."
  Tillagan borin undir atkvæði og samþykkt með 7 atkvæðum.
• 2.4 2204056 Samningur um skólaþjónustu við Leik- og grunnskóla, rannsóknir og úttektir.
  Fræðslunefnd - 39 Fræðslunefnd leggur til við sveitarstjórn að gera samning um skólaþjónustu leik- og grunnskóla við Miðstöð skólaþróunar við Háskólann á Akureyri. Er sú þjónusta á grundvelli 21.-23. gr. laga um leikskóla nr. 90/2008, 40.gr, laga um grunnskóla nr. 91/2008 og reglugerðar um skólaþjónustu sveitarfélaga við leik- og grunnskóla og nemendaverndarrað í grunnskólum nr. 444/2019. Beinist þjónustan að því að efla leik- og grunnskóla sem faglegar stofnanir sem geti leyst flest þau viðfangsefni sem upp koma í skólastarfi og nýtt eigin bjargir. Þjónusta við skólana tekur til stjórnunar, kennsluráðgjafar og starfsþróunar. Slíkur samningur mun styðja við starfsemi leik- og grunnskóla Hvalfjarðarsveitar og hægt að nýta til fagþróunar- og úrbótaverkefna. Til að mynda við gerð og framkvæmd starfsþróunaráætlana, úttektar á skólastarfi í samræmi við niðurstöður foreldra- og starfsmannakannana og innleiðingu nýrrar menntastefnu
  Fræðslunefnd leggur til að gerður verði samningur sem nemur 100 klst á ári til þriggja ára. Kostnaður við samninginn er um kr. 1.440.000,- á ári.
  Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að gera samning um skólaþjónustu fyrir leik- og grunnskóla Hvalfjarðarsveitar, eins og fram kemur í bókun nefndarinnar. Sveitarstjóra er falið að vinna málið áfram í samráði við formann fræðslunefndar."
  Tillagan borin undir atkvæði og samþykkt með 7 atkvæðum.
• 2.5 2203040 Vor - og haustfrístund 2022
  Fræðslunefnd - 39 Fræðslunefnd fagnar því að búið er að skipulegggja vor- og haustfrístund fyrir börn í 1. - 4. bekk í Hvalfjarðarsveit. Nefndin tekur jafnframt undir tillögu stjórnar foreldrafélags Leik- og grunnskóla Hvalfjarðarsveitar að gerð verði samantekt í lok vor- og haustfrístundar um hvernig tiltókst og hún tekin fyrir í fræðslunefnd sem og fjölskyldu- og frístundanefnd.
  Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar, jafnframt samþykkir sveitarstjórn að daggjald vegna frístundar verði kr. 2000.- á dag sbr. framlagt skráningarblað í vorfrístund."
  Tillagan borin undir atkvæði og samþykkt með 7 atkvæðum.
• 2.6 2203037 Lógó Leik- og grunnskóla Hvalfjarðarsveitar
  Fræðslunefnd - 39 Fræðslunefnd leggur til við sveitarstjórn að samið verði við Önnu Kristínu Ólafsdóttur um gerð lógós fyrir Leik- og grunnskóla Hvalfjarðarsveitar með gerð viðauka við fjárhagsáætlun kr. 154.440- Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að samið verði við Önnu Kristínu Ólafsdóttur um gerð merkis fyrir Leik- og grunnskóla Hvalfjarðarsveitar, jafnframt samþykkir sveitarstjórn gerð viðauka nr. 10 við fjárhagsáætlun ársins 2022 vegna þessa að fjárhæð kr. 154.440.- á deild 04020, lykil 4980, auknum útgjöldum verður mætt með lækkun á handbæru fé."
  Tillagan borin undir atkvæði og samþykkt með 7 atkvæðum.
• 2.7 2202016 Leikskólahúsnæði - þarfagreining 2022
  Fræðslunefnd - 39 Fræðslunefnd tekur undir niðurstöður starfshóps um framtíðarsýn í leikskólamálum og leggur til við sveitarstjórn að hafist verði handa við undirbúning og framkvæmd við lausa kennslustofu á lóð leikskólans Skýjaborgar sem allra fyrst. Jafnframt leggur fræðslunefnd áherslu á að hafin verði undirbúningur að byggingu nýs leikskóla í Melahverfi strax að því loknu. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar og starfshópsins að hafinn verði strax undirbúningur að því að koma fyrir lausri kennslustofu á lóð leikskólans Skýjaborgar sbr. álit starfshópsins. Einnig að hafinn verði undirbúningur að byggingu nýs leikskóla í Melahverfi að því loknu sbr. álit starfshópsins."
  Tillagan borin undir atkvæði og samþykkt með 7 atkvæðum.
• 2.10 2204059 Frístundastefna - viljayfirlýsing
  Fræðslunefnd - 39 Fráfarandi fulltrúar í fræðslunefnd og fjölskyldu- og frístundanefnd telja mikilvægt að unnin verði frístundastefna fyrir Hvalfjarðarsveit á næsta kjörtímabili (2022-2026) sem tekur til fjölbreytts og skapandi frístundastarfs í sveitarfélaginu fyrir alla aldurshópa en þó með sérstaka áherslu á börn, ungmenni og eldri borgara. Slík stefnumótunarvinna mun styðja við og efla þróun frístundastarfs í sveitarfélaginu og styrkja forvarnir, heilsueflingu og almenna lýðheilsu íbúa Hvalfjarðarsveitar.
  
  
  Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar og samþykkir að vísa erindinu til umfjöllunar hjá fræðslunefnd og fjölskyldu- og frístundanefnd að afloknum kosningum."
  Tillagan borin undir atkvæði og samþykkt með 7 atkvæðum.

2205001F

• 3.5 2205011 Samstarfssamningur milli Hvalfjarðarsveitar og Íþróttabandalag Akraness
  Fjölskyldu- og frístundanefnd - 34 Fjölskyldu- og frístundanefnd samþykkir drögin fyrir sitt leyti. Samningur þessi er mikilvægur liður í að styðja við öflugt íþrótta, forvarna- og félagsstarf fyrir samfélagið í Hvalfjarðarsveit.
  
  Nefndin vísar drögunum til staðfestingar hjá sveitastjórn. Bókun fundar Oddviti lagði fram eftirfarandi tillögu:
  "Sveitarstjórn samþykkir drög að samstarfssamningi milli Hvalfjarðarsveitar og Íþróttabandalags Akraness. Með samningnum styður sveitarfélagið Hvalfjarðarsveit við fjölbreytt íþrótta-, forvarnar- og félagsstarf sem Íþróttabandalag Akraness stendur fyrir. Jafnframt er tryggt aðgengi íbúa Hvalfjarðarsveitar að öllu starfi sem fram fer hjá Íþróttabandalagi Akraness. Sveitarstjórn felur sveitarstjóra að undirrita samninginn."
  Tillagan borin undir atkvæði og samþykkt með 7 atkvæðum.
  
  Til máls tók DO.

2204007F

• 4.2 2203065 Umsögn um umhverfismatsskýrslu vegna endurnýjunar búnaðar og aukna framleiðslugetu eggjabús Vallár á Kjalarnesi.
  Umhverfis- skipulags- og náttúruverndarnefnd - 159 Umhverfis-, skipulags- og náttúruverndarnefnd leggur til við sveitarstjórn að samþykkja umsögn nefndarinnar um umhverfismatsskýrslu vegna endurnýjunar búnaðar og aukna framleiðslugetu eggjabús Vallár á Kjalarnesi.
  
  Umsögn umhverfis-, skipulags- og náttúruverndarnefndar:
  
  Erindið: Skipulagsstofnun fer fram á að umsagnaraðilar veiti umsögn um mat á umhverfisáhrifum umræddrar framkvæmdar í samræmi við 16. gr. reglugerðar nr. 1381/2021 um umhverfismat framkvæmda og áætlana.
  
  Framkvæmdin og eggjaframleiðslan er öll utan Hvalfjarðarsveitar en fyrirtækið hyggst losa sig við hænsnaskít af búinu með því að dreifa honum sem áburði á land Geldingaár í Hvalfjarðarsveit (og á fleiri svæði, en þetta er eina svæðið sem nýtt verður til dreifingar innan Hvalfjarðarsveitar).
  
  Þeir framkvæmdaþættir sem hafa áhrif á umhverfið eru hænsnaskítur og fráveituvatn vegna fjölgunar á fuglum á búinu. Umhverfisþættirnir sem metnir eru í umhverfismatsskýrslunni eru: lyktarmengun, yfirborðsvatn og grunnvatn og sýkingarhætta.
  
  Í gildandi aðalskipulagi Hvalfjarðarsveitar 2008-2020 eru merkt inn þó nokkur vatnsból og brunnsvæði í landi Geldingaár þar sem fyrirhugað er að dreifa hænsnaskít. Stór hluti svæðisins er einnig skilgreindur sem vatnsverndarsvæði. Samkvæmt umræddu skipulagi er dreifingarsvæðið við Geldingaá innan skilgreinds vatnsverndarsvæðis. Við austurjaðar afmarkaðs svæðis er brunnsvæði vatnsbóls við Bugalæk þar sem fyrirhugað er að dreifa hænsnaskít. Hluti afmarkaðs svæðis er einnig innan skilgreinds grannsvæðis vatnsbóls. Þá eru samkvæmt auðlindakorti aðalskipulagsins tilgreind nokkur brunnsvæði til viðbótar bæði innan afmarkaða svæðisins og sunnan við það. Í aðalskipulagi er tekið fram að innan grannsvæðis vatnsbóls skuli áburðarnotkun vera undir ströngu eftirliti.
  
  Vatnsbólin í landi Geldingaár eru nýtt af nærliggjandi bæjum og hafa verið það frá árinu 1964.
  Jarðfræðilegar aðstæður eru þannig að efsta jarðlagið (þ.e.a.s. undir jarðvegi, þar sem hans nýtur við) er möl, yfirleitt 1-2 metrar að þykkt. Hún er hriplek og tekur vel við öllu yfirborðsvatni. Undir henni er þéttur jökulruðningur sem hleypir vatni illa í gegnum sig. Vatn sem kemur að ofan stoppar því á þessum lagmótum og rennur um mölina sem grunnvatn. Landslagið bendir til þess að grunnvatnsrennsli frá landgræðslusvæðinu (áburðardreifingarsvæðinu) sé til suðurs í átt að vatnsbóli Skipaness. Vera kann að skurðirnir umhverfis mýrina, sem vatnsbólið er í, hafi einhver áhrif. Það þyrfti að kanna og meta betur. Samkvæmt áliti jarðfræðings sem Hvalfjarðarsveit leitaði til, er lagt til að svæðið sé skoðað með tilliti til þess að mengun sé möguleg frá dreifingasvæðinu, þar sem dreifing hænsnaskíts liggur ofar í landinu og því getur mengað vatn sigið niður í grunnvatnið sem leiðir að brunnsvæði. Mikilvægt er talið að sérfræðingar á þessu sviði meti hvort hætta sé á mengun.
  
  Um landið rennur samnefnd á, Geldingaá, og hún fellur í Grunnafjörð. Sveitarfélagið áréttar að Grunnafjörður er svokallað Ramsar svæði, sem þýðir að um það gilda ákveðnar reglur sem alþjóðlega mikilvægt votlendi. Þá er óraskað votlendi við suðurjaðar svæðisins, sem nýtur sérstakrar verndar skv. Náttúruverndarlögum og skv. gildandi aðalskipulagi.
  
  Í reglugerð um neysluvatn (nr. 536/2001) segir í 9. gr.: Umhverfis hvert vatnsból skal heilbrigðisnefnd ákvarða vatnsverndarsvæði sem skiptist í brunnsvæði, grannsvæði og fjarsvæði, sbr. reglugerð um varnir gegn mengun vatns. Brunnsvæði skal vera algjörlega friðað fyrir óviðkomandi umferð og framkvæmdum öðrum en þeim sem nauðsynlegar eru vegna vatnsveitunnar. Heilbrigðisnefnd skal, þar sem þörf krefur, krefjast þess að svæðið skuli girt gripa- og mannheldri griðingu, sem sé minnst 5 metra frá vatnsbóli.
  
  Í umhverfismatsskýrslunni kemur fram að skíturinn sem fellur til á eggjabúinu á Vallá fari í gám og sé fjarlægður þaðan eigi sjaldnar en tvisvar í viku og fluttur að Geldingaá. Einnig kemur fram að þar (á Geldingaá) sé hauggeymsla til geymslu á skít sem rúmar um 120 tonn af skít. Hvalfjarðarsveit óskar eftir nánari upplýsingum um hauggeymsluna á Geldingaá og flutning og flutningsmáta gámanna á milli svæða.
  
  Í reglugerð um varnir gegn mengun vatns af völdum köfnunarefnissambanda frá landbúnaði og öðrum atvinnurekstri (nr. 804/1999) segir í 7.gr. að: Í starfsleyfi fyrir starfsleyfisskylda búfjárframleiðslu skulu vera ákvæði um söfnun, geymslu og dreifingu búfjáráburðar sem taki mið af starfsreglum um góða búskaparhætti.
  
  Í kynningarferlinu varðandi tillögu að matsáætlun, benti Hvalfjarðarsveit á að mikilvægt væri að umfjöllun yrði um lyktarmengun við Geldingaá vegna þess magns af skít sem dreifa á þar ár hvert. Óskar sveitarfélagið eftir rökstuðningi fyrir því hvers vegna það er ekki gert. Í reglugerð um varnir gegn mengun vatns af völdum köfnunarefnissambanda frá landbúnaði og öðrum atvinnurekstri (nr. 804/1999) segir í grein 7.2 að í umsókn um starfsleyfi fyrir starfsleyfisskylda búfjárframleiðslu eigi fyrirtæki að gera ráðstafanir til að draga úr óþægindum m.a. vegna lyktarvandamála vegna geymslu og dreifingar búfjáráburðar.
  
  Búfjáráburður getur verið uppspretta sýkla en í kafla um sýkingarhættu er niðurstaðan sú að sýkingarhætta frá starfseminni sé óveruleg. Í ábendingum sínum um tillögu að matsáætlun, benti Hvalfjarðarsveit á sýkingarhættu og smitleiðir vegna fugla sem dreifing á hænsnaskít gæti haft í för með sér og óskaði eftir því að nánari grein væri gerð fyrir þessum þáttum í frummatsskýrslu.
  
  Hvað varðar dreifingu hænsnaskíts í landi Geldingaár, þarf að sækja um starfsleyfi fyrir henni til Heilbrigðiseftirlits Vesturlands.
  
  Að lokum vill umhverfis-, skipulags- og náttúruverndarnefnd Hvalfjarðarsveitar ítreka áður fram komnar ábendingar um að fenginn verði óháður aðili til að meta hvort hætta sé á að vatnsbólin í nágrenni við dreifingasvæðið mengist. Einnig að ítarlegri grein sé gerð fyrir flutningum á þessu magni af skít, hvernig þeim verði háttað og mögulegum áhrifum á umferð og umferðaröryggi í Hvalfjarðarsveit.
  Bókun fundar Oddviti lagði fram eftirfarandi tillögu:
  "Sveitarstjórn samþykkir umsögn nefndarinnar um umhverfismatsskýrslu vegna endurnýjunar búnaðar og aukna framleiðslugetu eggjabús Vallár á Kjalarnesi."
  Tillagan borin undir atkvæði og samþykkt með 7 atkvæðum.
  
  Umsögn umhverfis-, skipulags- og náttúruverndarnefndar: Erindið: Skipulagsstofnun fer fram á að umsagnaraðilar veiti umsögn um mat á umhverfisáhrifum umræddrar framkvæmdar í samræmi við 16. gr. reglugerðar nr. 1381/2021 um umhverfismat framkvæmda og áætlana. Framkvæmdin og eggjaframleiðslan er öll utan Hvalfjarðarsveitar en fyrirtækið hyggst losa sig við hænsnaskít af búinu með því að dreifa honum sem áburði á land Geldingaár í Hvalfjarðarsveit (og á fleiri svæði, en þetta er eina svæðið sem nýtt verður til dreifingar innan Hvalfjarðarsveitar). Þeir framkvæmdaþættir sem hafa áhrif á umhverfið eru hænsnaskítur og fráveituvatn vegna fjölgunar á fuglum á búinu. Umhverfisþættirnir sem metnir eru í umhverfismatsskýrslunni eru: lyktarmengun, yfirborðsvatn og grunnvatn og sýkingarhætta. Í gildandi aðalskipulagi Hvalfjarðarsveitar 2008-2020 eru merkt inn þó nokkur vatnsból og brunnsvæði í landi Geldingaár þar sem fyrirhugað er að dreifa hænsnaskít. Stór hluti svæðisins er einnig skilgreindur sem vatnsverndarsvæði. Samkvæmt umræddu skipulagi er dreifingarsvæðið við Geldingaá innan skilgreinds vatnsverndarsvæðis. Við austurjaðar afmarkaðs svæðis er brunnsvæði vatnsbóls við Bugalæk þar sem fyrirhugað er að dreifa hænsnaskít. Hluti afmarkaðs svæðis er einnig innan skilgreinds grannsvæðis vatnsbóls. Þá eru samkvæmt auðlindakorti aðalskipulagsins tilgreind nokkur brunnsvæði til viðbótar bæði innan afmarkaða svæðisins og sunnan við það. Í aðalskipulagi er tekið fram að innan grannsvæðis vatnsbóls skuli áburðarnotkun vera undir ströngu eftirliti. Vatnsbólin í landi Geldingaár eru nýtt af nærliggjandi bæjum og hafa verið það frá árinu 1964. Jarðfræðilegar aðstæður eru þannig að efsta jarðlagið (þ.e.a.s. undir jarðvegi, þar sem hans nýtur við) er möl, yfirleitt 1-2 metrar að þykkt. Hún er hriplek og tekur vel við öllu yfirborðsvatni. Undir henni er þéttur jökulruðningur sem hleypir vatni illa í gegnum sig. Vatn sem kemur að ofan stoppar því á þessum lagmótum og rennur um mölina sem grunnvatn. Landslagið bendir til þess að grunnvatnsrennsli frá landgræðslusvæðinu (áburðardreifingarsvæðinu) sé til suðurs í átt að vatnsbóli Skipaness. Vera kann að skurðirnir umhverfis mýrina, sem vatnsbólið er í, hafi einhver áhrif. Það þyrfti að kanna og meta betur. Samkvæmt áliti jarðfræðings sem Hvalfjarðarsveit leitaði til, er lagt til að svæðið sé skoðað með tilliti til þess að mengun sé möguleg frá dreifingasvæðinu, þar sem dreifing hænsnaskíts liggur ofar í landinu og því getur mengað vatn sigið niður í grunnvatnið sem leiðir að brunnsvæði. Mikilvægt er talið að sérfræðingar á þessu sviði meti hvort hætta sé á mengun. Um landið rennur samnefnd á, Geldingaá, og hún fellur í Grunnafjörð. Sveitarfélagið áréttar að Grunnafjörður er svokallað Ramsar svæði, sem þýðir að um það gilda ákveðnar reglur sem alþjóðlega mikilvægt votlendi. Þá er óraskað votlendi við suðurjaðar svæðisins, sem nýtur sérstakrar verndar skv. Náttúruverndarlögum og skv. gildandi aðalskipulagi. Í reglugerð um neysluvatn (nr. 536/2001) segir í 9. gr.: Umhverfis hvert vatnsból skal heilbrigðisnefnd ákvarða vatnsverndarsvæði sem skiptist í brunnsvæði, grannsvæði og fjarsvæði, sbr. reglugerð um varnir gegn mengun vatns. Brunnsvæði skal vera algjörlega friðað fyrir óviðkomandi umferð og framkvæmdum öðrum en þeim sem nauðsynlegar eru vegna vatnsveitunnar. Heilbrigðisnefnd skal, þar sem þörf krefur, krefjast þess að svæðið skuli girt gripa- og mannheldri griðingu, sem sé minnst 5 metra frá vatnsbóli. Í umhverfismatsskýrslunni kemur fram að skíturinn sem fellur til á eggjabúinu á Vallá fari í gám og sé fjarlægður þaðan eigi sjaldnar en tvisvar í viku og fluttur að Geldingaá. Einnig kemur fram að þar (á Geldingaá) sé hauggeymsla til geymslu á skít sem rúmar um 120 tonn af skít. Hvalfjarðarsveit óskar eftir nánari upplýsingum um hauggeymsluna á Geldingaá og flutning og flutningsmáta gámanna á milli svæða. Í reglugerð um varnir gegn mengun vatns af völdum köfnunarefnissambanda frá landbúnaði og öðrum atvinnurekstri (nr. 804/1999) segir í 7.gr. að: Í starfsleyfi fyrir starfsleyfisskylda búfjárframleiðslu skulu vera ákvæði um söfnun, geymslu og dreifingu búfjáráburðar sem taki mið af starfsreglum um góða búskaparhætti. Í kynningarferlinu varðandi tillögu að matsáætlun, benti Hvalfjarðarsveit á að mikilvægt væri að umfjöllun yrði um lyktarmengun við Geldingaá vegna þess magns af skít sem dreifa á þar ár hvert. Óskar sveitarfélagið eftir rökstuðningi fyrir því hvers vegna það er ekki gert. Í reglugerð um varnir gegn mengun vatns af völdum köfnunarefnissambanda frá landbúnaði og öðrum atvinnurekstri (nr. 804/1999) segir í grein 7.2 að í umsókn um starfsleyfi fyrir starfsleyfisskylda búfjárframleiðslu eigi fyrirtæki að gera ráðstafanir til að draga úr óþægindum m.a. vegna lyktarvandamála vegna geymslu og dreifingar búfjáráburðar. Búfjáráburður getur verið uppspretta sýkla en í kafla um sýkingarhættu er niðurstaðan sú að sýkingarhætta frá starfseminni sé óveruleg. Í ábendingum sínum um tillögu að matsáætlun, benti Hvalfjarðarsveit á sýkingarhættu og smitleiðir vegna fugla sem dreifing á hænsnaskít gæti haft í för með sér og óskaði eftir því að nánari grein væri gerð fyrir þessum þáttum í frummatsskýrslu. Hvað varðar dreifingu hænsnaskíts í landi Geldingaár, þarf að sækja um starfsleyfi fyrir henni til Heilbrigðiseftirlits Vesturlands. Að lokum vill umhverfis-, skipulags- og náttúruverndarnefnd Hvalfjarðarsveitar ítreka áður fram komnar ábendingar um að fenginn verði óháður aðili til að meta hvort hætta sé á að vatnsbólin í nágrenni við dreifingasvæðið mengist. Einnig að ítarlegri grein sé gerð fyrir flutningum á þessu magni af skít, hvernig þeim verði háttað og mögulegum áhrifum á umferð og umferðaröryggi í Hvalfjarðarsveit.
  
• 4.3 2204050 Umsóknir um stofnun vegsvæðis úr Áslandi, L1986331, L195902 og L198633
  Umhverfis- skipulags- og náttúruverndarnefnd - 159 Umhverfis-, skipulags- og náttúruverndarnefnd leggur til við sveitarstjórn að samþykkja stofnun lóðanna. Bókun fundar Oddviti lagði fram eftirfarandi tillögu:
  "Sveitarstjórn samþykkir stofnun lóðanna sbr. meðfylgjandi erindi og gögn frá Direkta lögfræðiþjónustu fyrir hönd Vegagerðarinnar."
  Tillagan borin undir atkvæði og samþykkt með 7 atkvæðum.
• 4.5 2205006 Gröf 2, umsókn um landskipti stofnun lögbýlis
  Umhverfis- skipulags- og náttúruverndarnefnd - 159 Umhverfis-, skipulags- og náttúruverndarnefnd leggur til við sveitarstjórn að gefa jákvæða umsögn um stofnun lögbýlis að Gröf 2, landeignanúmer L207694 sbr. 17. gr. jarðalaga nr. 81/2004.
  Nefndin telur æskilegt að föst búseta fylgi stofnun lögbýlis.
  Bókun fundar Oddviti lagði fram eftirfarandi tillögu:
  "Sveitarstjórn veitir jákvæða umsögn um stofnun lögbýlis að Gröf 2, landeignanúmer L207694 sbr. 17. gr. jarðarlaga nr. 81/2004. Sveitarstjórn tekur undir bókun nefndarinnar um að æskilegt sé að föst búseta fylgi stofnun lögbýlis."
  Tillagan borin undir atkvæði og samþykkt með 7 atkvæðum.
• 4.6 2006009 Aðalskipulagsbreyting í Reykjavík - Nýi Skerjafjörður.
  Umhverfis- skipulags- og náttúruverndarnefnd - 159 Umhverfis-, skipulags- og náttúruverndarnefnd leggur til við sveitarstjórn að gefa jákvæða umsögn með tillögu að breytingu á aðalskipulagi í Reykjavík er varðar nýja Skerjafjörð. Bókun fundar Oddviti lagði fram eftirfarandi tillögu:
  "Sveitarstjórn veitir jákvæða umsögn um tillögu að breytingu á aðalskipulagi Reykjavíkur er varðar Nýja Skerjafjörð."
  Tillagan borin undir atkvæði og samþykkt með 7 atkvæðum.
• 4.9 2205007 Söfnun og eyðing dýraleifa í Hvalfjarðarsveit
  Umhverfis- skipulags- og náttúruverndarnefnd - 159 Umhverfis-, skipulags- og náttúruverndarnefnd leggur til við sveitarstjórn að fela Umhverfisfulltrúa að móta tillögur um hvernig hægt sé að standa að söfnun og eyðingu dýraleifa í Hvalfjarðarsveit hjá dýraeigendum og bændum sem ekki reka starfsleyfisskyldan rekstur. Skoðaðir verði kostir þess að fara í samstarf við nágrannasveitarfélög um verkefnið.
  Umhverfisfulltrúa falið að vinna áfram að málinu í samræmi við umræður á fundinum. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að fela Umhverfisfulltrúa að móta tillögur um hvernig hægt sé að standa að söfnun og eyðingu dýraleifa í Hvalfjarðarsveit hjá dýraeigendum og bændum sem ekki reka starfsleyfisskyldan rekstur. Skoðaðir verði kostir þess að fara í samstarf við nágrannasveitarfélög um verkefnið. Umhverfisfulltrúa falið að vinna málið áfram og skila tillögum sínum til USN nefndar fyrir lok ágúst næstkomandi."
  Tillagan borin undir atkvæði og samþykkt með 7 atkvæðum.

2204004F

• 5.1 2204031 Framkvæmdaleyfi - lagning ljósleiðara.
  Mannvirkja- og framkvæmdanefnd - 49 Öllum tilskyldum leyfum hefur verið skilað inn til sveitarfélagsins vegna útgáfu framkvæmdaleyfis. Mannvirkja- og framkvæmdanefnd leggur til við sveitarstjórn að samþykkja leyfi fyrir tengingu við ljósleiðarakerfi sveitarfélagsins. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að heimila tengingu við ljósleiðarakerfi sveitarfélagsins vegna lagningar ljósleiðarakerfis í landi Bjarteyjarsands. Félagið tekur að sér að leggja lögnina en að lagningu lokinni verður hún eign sveitarfélagsins og hluti af ljósleiðarakerfi sveitarfélagsins. Framkvæmdin skal unnin í samráði við og undir verkeftirliti verkefnastjóra framkvæmda og eigna sveitarfélagsins sem mun að framkvæmd lokinni taka hana út áður en kerfið er afhent sveitarfélaginu til eignar."
  Tillagan borin undir atkvæði og samþykkt með 7 atkvæðum.
• 5.2 2009013 Hitaveita
  Mannvirkja- og framkvæmdanefnd - 49 Mannvirkja- og framkvæmdanefnd leggur til við sveitarstjórn að samþykkja framlagða gjaldskrá og samþykktir Heiðarveitu. Bókun fundar Oddviti lagði fram eftirfarandi tillögu:
  "Sveitarstjórn samþykkir framlagða gjaldskrá og samþykktir vegna Heiðarveitu."
  Tillagan borin undir atkvæði og samþykkt með 7 atkvæðum.
• 5.3 2202005 Varmadælur í Hvalfjarðarsveit.
  Mannvirkja- og framkvæmdanefnd - 49 Mannvirkja- og framkvæmdanefnd leggur til við sveitarstjórn að samþykkja meðfylgjandi reglur í samræmi við umræður á fundinum. Bókun fundar Oddviti lagði fram eftirfarandi tillögu:
  "Sveitarstjórn samþykkir framlagðar reglur um styrki vegna uppsetningar varmadæla í Hvalfjarðarsveit. Reglurnar taka gildi við samþykkt þeirra."
  Tillagan borin undir atkvæði og samþykkt með 5 atkvæðum, RÍ og EÓG sátu hjá.
  
  Til máls tók DO.
• 5.4 2202016 Leikskólahúsnæði - þarfagreining 2022
  Mannvirkja- og framkvæmdanefnd - 49 Mannvirkja- og framkvæmdanefnd tekur undir niðurstöður starfshóps um framtíðarsýn í leikskólamálum og leggur til við sveitarstjórn að hafist verði handa við undirbúning og framkvæmd við lausa kennslustofu á lóð leikskólans Skýjaborgar sem allra fyrst. Jafnframt leggur Mannvirkja- og framkvæmdanefnd áherslu á að hafin verði undirbúningur að byggingu nýs leikskóla í Melahverfi strax að því loknu. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar og starfshópsins að hafinn verði strax undirbúningur að því að koma fyrir lausri kennslustofu á lóð leikskólans Skýjaborgar sbr. álit starfshópsins. Einnig að hafinn verði undirbúningur að byggingu nýs leikskóla í Melahverfi að því loknu sbr. álit starfshópsins."
  Tillagan borin undir atkvæði og samþykkt með 7 atkvæðum.
• 5.7 1910031 Snjómokstur og hálkueyðing 2019-2022
  Mannvirkja- og framkvæmdanefnd - 49 Mannvirkja- og framkvæmdanefnd leggur til við sveitarstjórn að samþykkja framlagðar breytingu á viðmiðunarreglum varðandi snjómokstur í Hvalfjarðarsveit. Bókun fundar Oddviti lagði fram eftirfarandi tillögu:
  "Sveitarstjórn samþykkir framlagðar viðmiðunarreglur varðandi snjómokstur í Hvalfjarðarsveit með áorðnum breytingum."
  Tillagan borin undir atkvæði og samþykkt með 7 atkvæðum.

2205024

2204044

2205022

2204043

2205021

1801024

2205016

2205019

2205020

2205014

2205023

2205009

2204054

2205003

2205005

2205015

2205001