Fræðslunefnd

Fræðslunefnd samþykkir menntastefnu Hvalfjarðarsveitar 2022-2030 og færir þakkir til allra þeirra er komu að gerð hennar. Fræðslunefnd felur skólastjórn Leik- og grunnskóla Hvalfjarðarsveitar ásamt frístunda- og menningarfulltrúa að stýra innleiðingu stefnunnar sem hefst nú í haust og gerð gæðaviðmiða.

Fræðslunefnd vill vekja sérstaka athygli á því að að menntastefnan gerir ráð fyrir því að Barnasáttmáli Sameinuðuþjóðanna verði innleiddur í sveitarfélaginu á gildistíma stefnunnar.

Fræðslunefnd leggur til við sveitarstjórn samþykkja stöðugildi í Skýjaborg fyrir skólaárið 2022-2023.

Fræðslunefnd leggur til við sveitarstjórn að samþykkja óbreytta kennslustundaúthlutun og starfshlutfall almennra starfsmanna fyrir skólaárið 2022-2023 í samræmi við þau gögn sem skólastjóri lagði fram.

Fræðslunefnd leggur til við sveitarstjórn að gera samning um skólaþjónustu leik- og grunnskóla við Miðstöð skólaþróunar við Háskólann á Akureyri. Er sú þjónusta á grundvelli 21.-23. gr. laga um leikskóla nr. 90/2008, 40.gr, laga um grunnskóla nr. 91/2008 og reglugerðar um skólaþjónustu sveitarfélaga við leik- og grunnskóla og nemendaverndarrað í grunnskólum nr. 444/2019. Beinist þjónustan að því að efla leik- og grunnskóla sem faglegar stofnanir sem geti leyst flest þau viðfangsefni sem upp koma í skólastarfi og nýtt eigin bjargir. Þjónusta við skólana tekur til stjórnunar, kennsluráðgjafar og starfsþróunar. Slíkur samningur mun styðja við starfsemi leik- og grunnskóla Hvalfjarðarsveitar og hægt að nýta til fagþróunar- og úrbótaverkefna. Til að mynda við gerð og framkvæmd starfsþróunaráætlana, úttektar á skólastarfi í samræmi við niðurstöður foreldra- og starfsmannakannana og innleiðingu nýrrar menntastefnu
Fræðslunefnd leggur til að gerður verði samningur sem nemur 100 klst á ári til þriggja ára. Kostnaður við samninginn er um kr. 1.440.000,- á ári.

Fræðslunefnd fagnar því að búið er að skipulegggja vor- og haustfrístund fyrir börn í 1. - 4. bekk í Hvalfjarðarsveit. Nefndin tekur jafnframt undir tillögu stjórnar foreldrafélags Leik- og grunnskóla Hvalfjarðarsveitar að gerð verði samantekt í lok vor- og haustfrístundar um hvernig tiltókst og hún tekin fyrir í fræðslunefnd sem og fjölskyldu- og frístundanefnd.

Fræðslunefnd leggur til við sveitarstjórn að samið verði við Önnu Kristínu Ólafsdóttur um gerð lógós fyrir Leik- og grunnskóla Hvalfjarðarsveitar með gerð viðauka við fjárhagsáætlun kr. 154.440-

Fræðslunefnd tekur undir niðurstöður starfshóps um framtíðarsýn í leikskólamálum og leggur til við sveitarstjórn að hafist verði handa við undirbúning og framkvæmd við lausa kennslustofu á lóð leikskólans Skýjaborgar sem allra fyrst. Jafnframt leggur fræðslunefnd áherslu á að hafin verði undirbúningur að byggingu nýs leikskóla í Melahverfi strax að því loknu.

Helstu niðurstöður foreldrakannanna og aðgerðaráætlun lögð fram mars 2022.
Fræðslunefnd þakkar skólastjórnendum fyrir greinargóða kynningu á aðgerðaráætlunum í kjölfar foreldrakannana Leik- og grunnskóla Hvalfjarðarsveitar.

Fræðslunefnd felur skólastjórn að vinna aðgerðaráætlun í tengslum við niðurstöður starfsmannakannana 2022 og kynna fyrstu drög á næsta fundi nefndarinnar.

Fráfarandi fulltrúar í fræðslunefnd og fjölskyldu- og frístundanefnd telja mikilvægt að unnin verði frístundastefna fyrir Hvalfjarðarsveit á næsta kjörtímabili (2022-2026) sem tekur til fjölbreytts og skapandi frístundastarfs í sveitarfélaginu fyrir alla aldurshópa en þó með sérstaka áherslu á börn, ungmenni og eldri borgara. Slík stefnumótunarvinna mun styðja við og efla þróun frístundastarfs í sveitarfélaginu og styrkja forvarnir, heilsueflingu og almenna lýðheilsu íbúa Hvalfjarðarsveitar.