Sveitarstjórn

2503002F

2502006F

• 2.2 2001040 Göngu og reiðhjólastígar í sveitarfélaginu
  Mannvirkja- og framkvæmdanefnd - 79 Opnun tilboða í verkið Göngustígur við Eiðisvatn fór fram föstudaginn 07.03.2025.
  Eftirfarandi tilboð bárust:
  
  Miðfellsbúið ehf kr. 20.368.000,-
  Fagurverk ehf kr. 23.990.500,-
  Þróttur ehf kr. 19.945.500,-
  Jónas Guðmundsson ehf 17.481.000,-
  Gísli Jónsson ehf kr 24.199.660,-
  Hróarstindur ehf kr. 17.554.540,-
  Jarðlist ehf kr. 17.334.083,-
  
  Kostnaðaráætlun verkkaupa kr 17.799.470,-
  
  Öll tilboðin hafa verið yfirfarin með hliðsjón af skilmálum útboðsgagna og gildandi lögum og reglum. Í yfirferðinni kom í ljós að í tilboði frá Jónasi Guðmundssyni var reiknivilla sem hafði áhrif á heildarverð tilboðssins.
  
  Samkvæmt staðli IST 30:2012 skal í slíkum tilfellum einingarverð í tilboðsskrá ráða og skal tilboðið leiðrétt með tilliti til þess. Við leiðréttingu kom í ljós að Jarðlist ehf var ekki lengur með lægsta tilboðið, heldur Jónas Guðmundsson ehf kr. 17.231.000 eða 96,8% af kostnaðaráætlun.
  
  Í ljósi þess samþykkir Mannvirkja- og framkvæmdanefnd til að tilboð Jónasar Guðmundssonar ehf verði leiðrétt í samræmi við IST 30:2012.
  
  Mannvirkja- og framkvæmdanefnd leggur til við sveitastjórn að tilboð Jónasar Guðmundssonar ehf verði samþykkt og verkefnastjóra framkvæmda og eigna verði falið að ganga frá verksamningi. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir að ganga til samninga við lægstbjóðanda, Jónas Guðmundsson ehf. í verkið „Göngustígur við Eiðisvatn“ og felur verkefnastjóra framkvæmda og eigna að ganga frá verksamningi þar um."
  Tillagan borin undir atkvæði og samþykkt með 7 atkvæðum.

2503003F

• 3.1 2502031 Vindorkugarður á Þorvaldsstöðum - Umsagnarbeiðni.
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd Hvalfjarðarsveitar vísar til stöðuskýrslu starfshóps sem umhverfis-, orku og loftslagsráðherra skipaði sumarið 2022, sem hafði m.a. það hlutverk að skoða og gera tillögur til ráðherra um nýtingu vindorku, þar á meðal um lagaumhverfi hennar og hvernig tekið verði á ýmsum álitamálum. Í skýrslu starfshópsins sem kom út í apríl 2023 kemur m.a. fram að skýra og greinargóða heildarstefnumörkun vanti frá íslenskum stjórnvöldum um virkjun vindorku og hefur þess verið beðið í Hvalfjarsveit að slík stefna verði samþykkt á Alþingi.
  Verkefnisstjórn rammaáætlunar kynnti (fyrra umsagnarferlið skv. ákvæðum laga um verndar og orkunýtingaráætlun) í samráðsgátt stjórnvalda, drög að tillögum verkefnisstjórnar sem er flokkun tíu vindorkukosta og var frestur til að veita umsögn um drögin að flokkun 10 virkjunarkosta til og með 10. janúar sl.
  Skv. tillögum verkefnisstjórnar 5. áfanga rammaáætlunar eru tillögur um eftirfarandi vindorkuverkefni þ.e. Alviðra, Garpsdalur, Hnotasteinn, Hrútavirkjun, Hrútmúlavirkjun, Mosfellsheiðarvirkjun I, Mosfellsheiðarvirkjun II, Reykjanesgarður, Sólheimar og Vindheimavirkjun.
  Ljóst er að vindorkugarður á Þorvaldsstöðum er ekki hluti af þeim 10 vindorkukostum sem verkefnisstjórn rammaáætlunar hefur sett fram til þessa og því ítrekar USNL-nefnd að skýra og greinargóða heildarstefnumörkun vantar frá íslenskum stjórnvöldum / Alþingi um virkjun vindorku á Íslandi og telur USNL-nefnd það vera grundvöll þess að hægt sé að gefa umsagnir um einstök vindorkuverkefni.
  
  Umhverfis-, skipulags-, náttúruverndar- og landbúnaðarnefnd gerir þó á þessu stigi málsins eftirfarandi ábendingar/athugasemdir við umhverfismatsáætlunina.
  Vill nefndin benda á hvort meta þurfi samlegðaráhrif vegna áforma um aðra vindorkugarða á Norðvesturlandi svo sem við Garpsdal, Hróðnýjarstaði, Grjótháls, Múla, Tjörn á Vatnsnesi, Hælsheiði í Flókadal og fl. Þótt uppskipun og flutningur vindmyllu og vindmylluspaða um Grundartangahöfn og þjóðvegakerfið sé úrlausnarefni framkvæmdaraðila í nánu samstarfi við Grundartangahöfn, Vegagerð og eftir atvikum lögreglu, og hafi að því að best verður séð ekki áhrif á skipulagsmál sveitarfélags Hvalfjarðarsveitar að því að best verður séð, er um að ræða aukinn flutning á framkvæmdatíma sem mun hafa tímabundin áhrif á aðliggjandi svæði og aðra vegfarendur. Telur nefndin að meta þurfi samlegðaráhrif allra þeirra vindmyllukosta sem þegar eru í undirbúningi.
  Nefndin telur hins vegar að aðstæður í Grundartangahöfn séu góðar en vill þó beina því til framkvæmdaraðila að leitast verði við að tímasetning flutninga verði þannig að þeir hafi sem minnst áhrif á aðra vegfarendur.
  
  Í matsáætlun um vindmyllugarð á Þorvaldsstöðum í Borgarbyggð segir að fyrirhugað framkvæmdasvæði verði í um 400 m hæð yfir sjó.
  Gerð hafi verið frumathugun á fræðilegum sýnileika til vindmylla á svæðinu sem sjá má á mynd 5.1. Myndin sýnir á hvaða svæðum gæti fræðilega sést til vindmyllanna þegar tekið er tillit til landslags, en sýnileikakortið sýnir 45 km áhrifasvæði vindmyllanna með spaða í hæstu stöðu u.þ.b. 250 m.
  
  Skv. sýnileikakorti sést að áhrifasvæði vegna vindmyllanna nær yfir í sveitarfélagið Hvalfjarðarsveit.
  Því óskaði deildarstjóri Umhverfis- og skipulagsdeildar eftir ítarlegri gögnum vegna sýnileika til að hægt sé að átta sig betur á þeim sýnileikasvæðum sem eru innan marka sveitarfélagsins Hvalfjarðarsveitar.
  
  Hefur nefndin komist að þeirri niðurstöðu að óska eftir því að Hvalfjarðarsveit verði bætt við á lista yfir myndatökustaði fyrir ásýndarmyndir sbr. tafla 5.1.
  
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.3 2503022 Verklagsreglur - Styrkveiting fyrir nýbyggingar í Hvalfjarðarsveit
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd samþykkir að fela Umhverfis- og skipulagsdeild að ljúka við verklagsreglurnar til samræmis við umræður á fundinum.
  
  Endanlegri afgreiðslu vísað til sveitarstjórnar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir framlögð og uppfærð drög að reglum um styrki vegna rotþróa og/eða hreinsistöðva."
  Tillagan borin undir atkvæði og samþykkt með 6 atkvæðum, BSG var á móti.
  
  Til máls tók BSG.
• 3.5 2503013 Framkvæmdaleyfi - Færsla Járnblendilínu 1 - Klafastaðir spennistöð
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd samþykkir fyrir sitt leyti veitingu framkvæmdaleyfis vegna fyrirhugaðra framkvæmda sem er tímabundin uppsetning bráðabirgðalínu á um 550 m kafla á Grundartanga, skv. því fyrirkomulagi sem lýst er í umsóknargögnum og tilheyrandi fylgiskjölum og á grundvelli 13. gr. skipulagslaga nr. 123/2010 og reglugerðar um framkvæmdaleyfi nr. 772/2012. Gildistími leyfisins verði 1 ár frá samþykki sveitarstjórnar Hvalfjarðarsveitar. Gerð verði úttekt af hálfu sveitarfélagsins, þar sem þess verði gætt að framkvæmd sé í samræmi við umsókn framkvæmdaleyfis og hjálagðra gagna hennar. Kostnaður við framkvæmdaleyfi og áfangaúttektir sveitarfélagsins eru skv. gjaldskrá sveitarfélagsins.
  
  Endanlegri afgreiðslu vegna framkvæmdaleyfis vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.8 2411019 Hafnarberg Hafnarland L 208217 - deiliskipulag
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd samþykkir fyrir sitt leyti deiliskipulag Hafnarbergs með áorðnum breytingum skv. ábendingum Skipulagsstofnunar og skv. uppfærðum gögnum frá Eflu Verkfræðistofu, og samþykkir jafnframt að gildistaka deiliskipulagsins verði send til staðfestingar í B-deild Stjórnartíðinda að undangenginni athugun Skipulagsstofnunar. Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar staðfestir bókun nefndarinnar og samþykkir deiliskipulag Hafnarbergs með áorðnum breytingum og að gildistaka þess verði send til staðfestingar í B-deild Stjórnartíðinda að undangenginni athugun Skipulagsstofnunar."
  Tillagan borin undir atkvæði og samþykkt með 7 atkvæðum.
• 3.10 2412013 Umsókn um byggingarheimild eða -leyfi - Birkihlíð 24 - Flokkur 1
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags- náttúruverndar- og landbúnaðarnefnd gerir ekki athugasemd við að byggingarfulltrúi veiti byggingarleyfi á grundvelli niðurstöðu grenndarkynningar sem framkvæmd var sbr. 44. grein skipulagslaga nr. 123/2010.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.11 2411007 Umsókn um byggingarheimild eða -leyfi - Birkihlíð 23 - Flokkur 1
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags- náttúruverndar- og landbúnaðarnefnd gerir ekki athugasemd við að byggingarfulltrúi veiti byggingarleyfi á grundvelli niðurstöðu grenndarkynningar sem framkvæmd var sbr. 44. grein skipulagslaga nr. 123/2010.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.12 2503019 Umsókn um byggingarheimild eða -leyfi - Sólheimar 5 - Flokkur 1
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd telur að umrædd stækkun sé umfram það sem áður hafi verið samþykkt í frístundabyggðinni og hafnar erindinu en vill benda framkvæmdaraðila / lóðarhafa á að óska breytingar á deiliskipulagi í samráði við hagsmunaðila svæðisins.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.13 2502026 Umsókn um byggingarheimild eða -leyfi - Sjávartröð 7 - Flokkur 1
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd samþykkir að grenndarkynna erindið fyrir nágrönnum aðliggjandi lóða og landeiganda.
  Þ.e. Sjávartröð 5, Leirutröð 6 og landeiganda Beitistaðalands Lnr. 191280.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar staðfestir bókun nefndarinnar og samþykkir að grenndarkynna erindið fyrir aðliggjandi lóðahöfum og landeigendum, þ.e. Sjávartröð 5, Leirutröð 6 og landeiganda Beitistaðalands lnr. 191280."
  Tillagan borin undir atkvæði og samþykkt með 7 atkvæðum.
• 3.14 2501032 Frumvörp, reglur og þingsályktunartillögur til umsagnar 2025.
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd gerir ekki athugasemd við tillögurnar.
  Lagt fram. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.16 2501032 Frumvörp, reglur og þingsályktunartillögur til umsagnar 2025.
  Umhverfis- skipulags- náttúruverndar- og landbúnaðarnefnd - 47 Umhverfis-, skipulags-, náttúruverndar- og landbúnaðarnefnd gerir fyrir sitt leyti ekki athugasemd við tillögurnar. Bókun fundar Varaoddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.

2503005

2406020

2503041

2503042

2503014

2503034

2503029

2503036

2503037

2503035

2503046

2501032

2503039

2503032

2503040

2503018

2502003