Sveitarstjórn

2305006F

2305004F

• 2.3 2305053 Verklagsreglur um hreinsunarátak
  Umhverfis- skipulags- náttúruverndar- og landbúnaðarnefnd - 20 Umhverfisfulltrúi fór yfir nauðsynlegar breytingar á verklagsreglum um hreinsunarátak, m.a. tímasetningar og fyrirkomulag.
  Samþykkt að vísa breyttum verklagsreglum um hreinsunarátak til sveitarstjórnar. Bókun fundar Varaoddviti lagði fram eftirfarandi tillögu:
  "Sveitarstjórn samþykkir framlagðar verklagsreglur um hreinsunarátak í Hvalfjarðarsveit."
  Tillagan borin undir atkvæði og samþykkt með 7 atkvæðum.
• 2.8 2305052 Qair, umsögn um matsskyldu vegna vetnisframleiðslu.
  Umhverfis- skipulags- náttúruverndar- og landbúnaðarnefnd - 20 Qair Iceland og Íslenska vetnisfélagið undirbúa framleiðslu á rafeldsneyti á Grundartanga. Framkvæmdin er sjálfstætt verkefni, en er tilraunaframleiðsla sem tengist stærri áformum Qair, sem fjallað er um í matsáætlun fyrir framleiðslu rafeldsneytis á sömu lóð. Um er að ræða tilraunaframleiðslu á vetni með rafgreiningu.
  
  Framleiðslubúnaðurinn kemst fyrir í tveimur 40 feta gámum sem staðsettir verða á steyptri plötu, ásamt hjálparbúnaði sem tilheyrir framleiðslunni. Stækkunarmöguleiki er til að unnt verði að mæta eftirspurn eftir vetni í samgöngum ef til þess kemur. Að mati Hvalfjarðarsveitar mætti koma skýrar fram hverjir mögulegir stækkunarmöguleikar framleiðslunnar eru.
  
  Helstu áhrifaþættir verkefnisins eru framkvæmdir við að setja upp starfsemina og á rekstrartíma búnaður og rekstur stöðvarinnar. Áhrifin eru helst rask og ásýndarbreytingar. Losun í andrúmsloft er hreint súrefni og ekki verður losun í jörð eða vatn. Umhverfisþættir sem fjallað er um eru loftgæði, hljóðvist, gróðurfar, ásýnd, vatn, lífríki, menningarminjar, loftslag, öryggi og heilsa.
  
  Fyrir vetnisframleiðslu með 5 MW rafgreini er ársframleiðsla um 750 tonn og mikilvægustu aðföng eru rafmagn og vatn og skv. magntölum (tafla 2 í skýrslunni) er talað um allt að 12 MW og 2.000 lítra af vatni á klst. Hvalfjarðarsveit bendir á, að þrátt fyrir góða innviði á Grundartanga þá er ekki um ótakmarkaðar auðlindir að ræða og því m.a. nauðsynlegt að gera betur grein fyrir vatnsöflun og öflun raforku fyrir verkefnið.
  
  Hvalfjarðarsveit bendir einnig á verndarsvæði í nágrenni framkvæmdarsvæðisins en þar eru svæði á náttúruminjaskrá vegna fjölbreytts landslag, fuglalífs, fjöruvistgerða og sela. Einnig er Hvalfjörður skilgreindur alþjóðlega mikilvægt fuglasvæði (Important Bird Areas). Að mati Hvalfjarðarsveitar þarf álit sérfræðinga á því hvort fyrirhuguð framleiðsla hafi áhrif lífríki og/eða vistgerðir.
  
  Hvað varðar hljóðvist, þá er tekið fram að hávaði frá tækjabúnaði verði undir viðmiðunarmörkum reglugerða. Hvalfjarðarsveit vill beina því til Skipulagsstofnunar að gerðar verði hljóðvistarmælingar á Grundartanga en talsvert hefur borið á því að kvartanir berist vegna hávaðamengunar frá svæðinu. Það er því ljóst að þó hávaði sé innan skilgreindra marka, þá hefur hann áhrif og veldur óþægindum langt útfyrir framkvæmdasvæðið.
  
  Í tilkynningunni er talað um að gengið verði frá hættulegum efnum þannig að ekki sé hætta á að þau berist út í umhverfið og valdi mengunaróhöppum. Það mætti koma skýrar fram um hvaða hættulegu efni er verið að ræða.
  
  Þá er rætt um fornleifar og þjóðminjavernd og það orðað sem svo að ólíklegt sé að þær minjar sem fyrir eru raskist. Hvalfjarðarsveit finnst mikilvægt að framkvæmdaraðili tryggi að ekki verði röskun minja við framkvæmdina og að náið samráð verði haft við Minjastofnun Íslands þar sem staðsetning framleiðslunnar gæti haft áhrif á fornminjar.
  
  Vegna sprengihættu leggur Hvalfjarðarsveit ríka áherslu á að gert verði áhættumat fyrir framleiðsluna. Einnig þarf að staðsetja útblástur súrefnis þannig að ekki skapist hætta fyrir fólk og dýr, en hreint súrefni er varasamt fyrir lífverur.
  
  Í umfjölluninni er vísað í aðalskipulag Hvalfjarðarsveitar 2008-2020. Nýtt aðalskipulag hefur öðlast gildi og því mikilvægt að uppfæra upplýsingar til samræmis við það.
  
  Í deiliskipulagi er afmarkaður byggingarreitur og falla mannvirkin undir skilmála sem þar eru settir fram. Rætt er um að mögulega verði valin staðsetning utan byggingareitar en þá þarf að óska eftir breytingu á deiliskipulagi.
  
  Sækja þarf um byggingarleyfi til Hvalfjarðarsveitar.
  
  Að þessum skilyrðum uppfylltum telur Hvalfjarðarsveit ólíklegt að framkvæmdin valdi verulegum neikvæðum umhverfisáhrifum í skilningi laga nr. 111/2021 um umhverfismat framkvæmda og áætlana.
  
  Endanlegri afgreiðslu vísað til sveitarstjórnar Hvalfjarðarsveitar.
  Bókun fundar Varaoddviti lagði fram eftirfarandi tillögu:
  "Sveitarstjórn samþykkir umsögn umhverfis-, skipulags-, náttúruverndar- og landbúnaðarnefndar og gerir hana að sinni. Að mati sveitarstjórnar Hvalfjarðarsveitar mætti koma skýrar fram hverjir mögulegir stækkunarmöguleikar framleiðslunnar eru. Sveitarstjórn Hvalfjarðarsveitar bendir á, að þrátt fyrir góða innviði á Grundartanga þá er ekki um ótakmarkaðar auðlindir að ræða og því m.a. nauðsynlegt að gera betur grein fyrir vatnsöflun og öflun raforku fyrir verkefnið. Sveitarstjórn Hvalfjarðarsveitar bendir einnig á verndarsvæði í nágrenni framkvæmdarsvæðisins en þar eru svæði á náttúruminjaskrá vegna fjölbreytts landslag, fuglalífs, fjöruvistgerða og sela. Einnig er Hvalfjörður skilgreindur alþjóðlega mikilvægt fuglasvæði (Important Bird Areas). Að mati sveitarstjórnar Hvalfjarðarsveitar þarf álit sérfræðinga á því hvort fyrirhuguð framleiðsla hafi áhrif á lífríki og/eða vistgerðir. Hvað varðar hljóðvist, þá er tekið fram að hávaði frá tækjabúnaði verði undir viðmiðunarmörkum reglugerða. Sveitarstjórn Hvalfjarðarsveitar vill beina því til Skipulagsstofnunar að gerðar verði hljóðvistarmælingar á Grundartanga en talsvert hefur borið á því að kvartanir berist vegna hávaðamengunar frá svæðinu. Í tilkynningunni er talað um að gengið verði frá hættulegum efnum þannig að ekki sé hætta á að þau berist út í umhverfið og valdi mengunaróhöppum. Það mætti koma skýrar fram um hvaða hættulegu efni er verið að ræða. Sveitarstjórn Hvalfjarðarsveitar finnst mikilvægt að framkvæmdaraðili tryggi að ekki verði röskun minja við framkvæmdina og að náið samráð verði haft við Minjastofnun Íslands þar sem staðsetning framleiðslunnar gæti haft áhrif á fornminjar. Vegna sprengihættu leggur Hvalfjarðarsveit ríka áherslu á að gert verði áhættumat fyrir framleiðsluna. Einnig þarf að staðsetja útblástur súrefnis þannig að ekki skapist hætta fyrir fólk og dýr. Í umfjölluninni er vísað í aðalskipulag Hvalfjarðarsveitar 2008-2020. Nýtt aðalskipulag hefur öðlast gildi og því mikilvægt að uppfæra upplýsingar til samræmis við það. Í deiliskipulagi er afmarkaður byggingarreitur og falla mannvirkin undir skilmála sem þar eru settir fram. Rætt er um að mögulega verði valin staðsetning utan byggingarreitar en þá þarf að óska eftir breytingu á deiliskipulagi. Að þessum skilyrðum uppfylltum telur Hvalfjarðarsveit ólíklegt að framkvæmdin valdi verulegum neikvæðum umhverfisáhrifum í skilningi laga nr. 111/2021 um umhverfismat framkvæmda og áætlana."
  Tillagan borin undir atkvæði og samþykkt með 7 atkvæðum.
• 2.14 2305035 Ás - stofnun vegsvæðis
  Umhverfis- skipulags- náttúruverndar- og landbúnaðarnefnd - 20 Umhverfis-, skipulags-, náttúruverndar- og landbúnaðarnefnd leggur til við sveitarstjórn að samþykkja stofnun lóðanna. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og stofnun lóðanna."
  Tillagan borin undir atkvæði og samþykkt með 7 atkvæðum.
• 2.15 2305036 Ásland Sómastaðir - stofnun vegsvæðis
  Umhverfis- skipulags- náttúruverndar- og landbúnaðarnefnd - 20 Umhverfis-, skipulags-, náttúruverndar- og landbúnaðarnefnd leggur til við sveitarstjórn að samþykkja stofnun lóðanna. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og stofnun lóðanna."
  Tillagan borin undir atkvæði og samþykkt með 7 atkvæðum.
• 2.16 2305037 Melar - stofnun vegsvæðis
  Umhverfis- skipulags- náttúruverndar- og landbúnaðarnefnd - 20 Umhverfis-, skipulags-, náttúruverndar- og landbúnaðarnefnd leggur til við sveitarstjórn að samþykkja stofnun lóðanna. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og stofnun lóðanna."
  Tillagan borin undir atkvæði og samþykkt með 7 atkvæðum.
• 2.18 2102006 Vestri Leirárgarðar - Deiliskipulagsbreyting
  Umhverfis- skipulags- náttúruverndar- og landbúnaðarnefnd - 20 Umhverfis-, skipulags-, náttúruverndar- og landbúnaðarnefnd fór yfir þær athugasemdir sem bárust á kynningartímanum og er öllum athugasemdum sem bárust frá eigendum Eystri-Leirárgarða og frá Veiðifélagi Leirár hafnað af nefndinni og er skipulagsfulltrúa falið að svara bréfriturum.
  
  Deiliskipulagið hefur verið auglýst samkvæmt 43. gr skipulagslaga nr. 123/2010.
  Umhverfis-, skipulags-, náttúrverndar- og landbúnaðarnefnd leggur til við sveitarstjórn að samþykkja deiliskipulagið og auglýsa staðfestingu þess í B-deild Stjórnartíðinda.
  Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og samþykkir deiliskipulagið, sem auglýst hefur verið skv. 43. gr. skipulagslaga nr. 123/2010, og að staðfesting þess efnis verði auglýst í B-deild Stjórnartíðinda."
  Tillagan borin undir atkvæði og samþykkt með 7 atkvæðum.
• 2.19 2112022 Hafnarfjall 2-tillaga á breytingu á deiliskipulagi
  Umhverfis- skipulags- náttúruverndar- og landbúnaðarnefnd - 20 Fyrirhugaðar framkvæmdir eru á jaðri birkiskógar svæðisins, á svæði þar sem þegar hafa verið byggð nokkur hús og er hluti fyrirhugaðs framkvæmdasvæðis á lítt vöxnu trjásvæði.
  Engu að síður tekur umhverfis-, skipulags-, náttúruverndar- og landbúnaðarnefnd undir ábendingar Umhverfisstofnunar um að röskun á náttúrulegum birkiskógum verði haldið í lagmarki og hvetur landeiganda/framkvæmdaraðila til mótvægisaðgerða vegna þess.
  Deiliskipulagið hefur verið auglýst samkvæmt 43. gr skipulagslaga nr. 123/2010.
  Umhverfis-, skipulags-, náttúrverndar- og landbúnaðarnefnd leggur til við sveitarstjórn að samþykkja deiliskipulagið og staðfesta gildistöku þess í B-deild Stjórnartíðinda. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og samþykkir deiliskipulagið, sem auglýst hefur verið skv. 43. gr. skipulagslaga nr. 123/2010, og að staðfesting þess efnis verði auglýst í B-deild Stjórnartíðinda."
  Tillagan borin undir atkvæði og samþykkt með 7 atkvæðum.
• 2.21 2303025 Brekka í Hvalfirði, breyting á deiliskipulagi
  Umhverfis- skipulags- náttúruverndar- og landbúnaðarnefnd - 20 Umhverfis-, skipulags-, náttúruverndar- og landbúnaðarnefnd vísar til fyrri afgreiðslu vegna málsins og telur að umrædd útleiguhús skv. skipulagstillögunni séu frístundahús, utan þéttbýlis sem nýtt séu til tímabundinnar dvalar og skuli skilgreina fjarlægðir þeirra frá stofn- og tengivegum skv. 1. málsgrein d. liðar greinar 5.3.2.5 í skipulagsreglugerð nr. 90/2013.
  Samkvæmt greininni er ekki heimilt að byggja umrædd hús nær stofn- og tengivegum en 100 m eins og þeir eru skilgreindir í aðalskipulagi.
  
  d-liður greinar 5.3.2.5 í skipulagsreglugerð: Fjarlægð milli bygginga og vega.
  
  1. mgr. Utan þéttbýlis skal ekki staðsetja íbúðir eða frístundahús nær stofn- og tengivegum en 100 m og ekki nær öðrum þjóðvegum eða almennum vegum en 50 m eins og þeir eru skilgreindir í aðalskipulagi.
  2. mgr. Aðrar byggingar skal ekki staðsetja nær stofn- og tengivegum og öðrum þjóðvegum og almennum vegum en 50 m eins og þeir eru skilgreindir í aðalskipulagi.
  3. mgr. Heimilt er að víkja frá þessum ákvæðum þegar um er að ræða verslunar- og þjónustubyggingar en gæta skal ákvæða vegalaga um veghelgunarsvæði.
  4. mgr. Óheimilt er að færa þjóðveg eða byggja nýjan veg utan þéttbýlis þannig að fjarlægð milli bygginga og vega verði minni en framangreind mörk segja til um án undangenginnar málsmeðferðar um deiliskipulag.
  
  Land sem skipulagstillagan tekur til, er landbúnaðarland L2 skv. gildandi aðalskipulagi Hvalfjarðarsveitar 2020-2032.
  Skv. aðalskipulaginu er heimilt að byggja til landbúnaðar eða í tengslum við rekstur bús s.s. minni háttar rekstur með landbúnaði.
  Heimilt er að byggja upp á stökum landspildum, 2 ha eða stærri til fastrar búsetu.
  Heimilt er að byggja stök frístundahús á 0,25 - 2 ha lóðum. Verði frístundalóðir 4 eða fleiri samliggjandi skal skilgreina svæðið sem frístundabyggð.
  
  Að mati nefndarinnar fellur frístundahús til útleigu undir d-lið greinar 5.3.2.5 í skipulagsreglugerð, hvort heldur sem það sé á skilgreindu frístundabyggðasvæði eða landbúnaðarsvæði eins og raunin er skv. aðalskipulagi.
  
  Að mati nefndarinnar falla skemmur og útihús undir aðrar byggingar skv. 2. mgr. d-liðar greinar 5.3.2.5 í skipulagsreglugerð.
  
  Umhverfis-, skipulags-, náttúruverndar- og landbúnaðarnefnd vill benda á, að skv. 3. mgr. d-liðar greinar 5.3.2.5 í skipulagsreglugerð, segir að heimilt sé að víkja frá ákvæðum um fjarlægðir frá stofn- og tengivegum þegar um sé að ræða verslunar- og þjónustubyggingar, en nefndin vill í því sambandi benda á að skv. almennum skilmálum um landbúnaðarsvæði í aðalskipulagi Hvalfjarðarsveitar 2020-2032, segi að þar sem sé föst búseta, sé heimilt að stunda frístundabúskap eða minniháttar atvinnustarfsemi ótengdri landbúnaði, m.a. með gistingu fyrir allt að 15 gesti.
  
  Umhverfis-, skipulags-, náttúruverndar- og landbúnaðarnefnd tekur ekki afstöðu til annarra atriða í tillögunni.
  Umsókninni er hafnað. Endanlegri afgreiðslu vísað til sveitarstjórnar Hvalfjarðarsveitar. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar og hafnar umsókninni."
  Tillagan borin undir atkvæði og samþykkt með 7 atkvæðum.

2305007F

• 3.1 2001042 Íþróttahús - undirbúningur framkvæmda.
  Mannvirkja- og framkvæmdanefnd - 61 Mannvirkja- og framkvæmdanefnd leggur til við sveitarstjórn að slíta viðræðum við GG verk og að forsendur fyrir því að bjóða verkið út að nýju verði metnar í haust. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar um viðræðuslit og að forsendur fyrir að bjóða verkið út að nýju verði metnar í haust."
  Tillagan borin undir atkvæði og samþykkt með 7 atkvæðum.
• 3.2 2001040 Göngu og reiðhjólastígar í sveitarfélaginu
  Mannvirkja- og framkvæmdanefnd - 61 Tilboðin hafa verið yfirfarin án athugasemda.
  Mannvirkja- og framkvæmdanefnd leggur til við sveitarstjórn að gengið verði til samninga við lægstbjóðanda Jónas Guðmundsson ehf
  og verkefnastjóra framkvæmda og eigna verði falið að ganga frá verksamningi. Bókun fundar Varaoddviti lagði fram eftirfarandi tillögu:
  "Sveitarstjórn samþykkir bókun nefndarinnar að gengið verði til samninga við lægstbjóðanda, Jónas Guðmundsson ehf. og felur verkefnastjóra framkvæmda og eigna að ganga frá verksamningi þar um og undirritun hans."
  Tillagan borin undir atkvæði og samþykkt með 7 atkvæðum.

2305012F

2306002F

2305009F

• 6.11 2305056 Öldungaráð
  Fjölskyldu- og frístundanefnd - 46 Lagt fram fundargerð 1. fundar Öldungaráðs sem fram fór þann 30.05.2023. Bókun fundar Fundargerðin framlögð.
  

2306011

2207015

2306010

2306009

2305057

2305040

2302008

2305038

2305039

2305041

2306004

2306005

2306007