Sveitarstjórn

2502001F

2501007F

2501006F

• 3.1 2407026 Landeldi í Hvalfirði - umsagnarbeiðni.
  Umhverfis- skipulags- náttúruverndar- og landbúnaðarnefnd - 46 Með ódagsettu bréfi hefur Skipulagsstofnun leitað umsagnar Hvalfjarðarsveitar um matsáætlun vegna umhverfismats fyrirhugaðs landeldis Aurora fiskeldi ehf. á Grundartanga, þar sem ætlunin er að framleiða 28.000 tonn af laxi árlega. Það er mat umhverfis-, skipulags-, náttúruverndar- og landbúnaðarnefndar Hvalfjarðarsveitar að í matsáætluninni sé gerð fullnægjandi grein fyrir því hvernig staðið verði að umhverfismati. Því telur nefndin ekki tilefni til að gera athugasemdir við matsáætlunina. Nefndin vill þó leggja áherslu á nauðsyn þess að í umhverfismatsskýrslu komi skýrt fram hver sé heildarferskvatnsþörf framleiðslunnar og hversu margir sekúndulítrar þar af þurfi að koma frá vatnsveitu (eða úr sjó með RO-síun), ásamt nákvæmri lýsingu á því hvernig þess vatns verður aflað. Einnig er ástæða til að skýra hvernig komið verður í veg fyrir slysasleppingar við flutning sláturfisks, svo sem frá kerjum til skips. Þá bendir nefndin á að eins og fram kemur í matsáætlun er framkvæmdasvæðið í jaðri svæða á Náttúruminjaskrá og hverfisverndarsvæðis samkvæmt aðalskipulagi. Gera þarf skýra grein fyrir áhrifum framkvæmdarinnar á þessi svæði og hvernig reynt verður að lágmarka þau. Þessu til viðbótar minnir nefndin á, að eins og fram kemur í matsáætlun er framkvæmdin háð framkvæmdaleyfi sveitarstjórnar, mannvirki á framkvæmdasvæðinu eru háð byggingarleyfi og framkvæmdin kallar á breytingar á aðalskipulagi Hvalfjarðarsveitar og deiliskipulagi hafnar-, iðnaðar-, og athafnasvæðis á Grundartanga, austursvæði. Bókun fundar Oddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.2 2502007 Umsagnarbeiðni vegna vísindarannsókna.
  Umhverfis- skipulags- náttúruverndar- og landbúnaðarnefnd - 46 Umhverfis-, skipulags-, náttúruverndar- og landbúnaðarnefnd Hvalfjarðarsveitar leggst ekki gegn því að Utanríkisráðuneytið veiti Röst sjávarrannsóknasetri leyfi til rannsókna á basavirkni sjávar í Hvalfirði, sbr. umsagnarbeiðni ráðuneytisins dags. 4. febrúar 2025. Út frá fyrirliggjandi gögnum telur nefndin mjög ólíklegt að rannsóknin hafi neikvæð áhrif á lífríki í Hvalfirði, nema þá mjög tímabundið í 0-100 m fjarlægð frá losunarstað. Hönnun rannsóknarinnar miðast við að losun natríumhýdroxíðs verði þannig stýrt að öruggum pH-mörkum verði viðhaldið og í umsókninni er sett fram ítarleg áhættugreining og viðbragðsáætlun sem fylgt verður ef eitthvað fer úrskeiðis. Þá hefur umsækjandi lagt til að Umhverfis- og orkustofnun hafi eftirlit með rannsókninni, þrátt fyrir að slíkt sé ekki skylt skv. lögum. Loks bendir nefndin á að rannsóknin er til þess fallin að auka þekkingu á basavirkni sjávar og mögulegri nýtingu þessarar virkni í þágu loftslagsmála og viðhalds lífríkis í sjó. Bókun fundar Varaoddviti lagði fram eftirfarandi tillögu:
  "Sveitarstjórn samþykkir og staðfestir bókun nefndarinnar. Hins vegar vill sveitarstjórn árétta til ráðuneytisins að þessi ákvörðun verði tekin að vel ígrunduðu máli".
  Tillagan borin undir atkvæði og samþykkt með 6 atkvæðum.
  
  Andrea Ýr Arnardóttir vék af fundi undir umræðum og afgreiðslu málsins.
• 3.3 2409001 Kúludalsá - Skipulagslýsing.
  Umhverfis- skipulags- náttúruverndar- og landbúnaðarnefnd - 46 Umrætt svæði er skv. aðalskipulagi Hvalfjarðarsveitar 2020-2032 skilgreint annars vegar sem úrvals landbúnaðarland L1 með takmörkuðum byggingarheimildum og hinsvegar sem frístundasvæði F35. Um landbúnaðarland L1 gildir að eingöngu er að jafnaði heimilt að byggja til landbúnaðar eða í tengslum við rekstur bús s.s. minni háttar rekstur með landbúnaði, til að auðvelda kynslóðaskipti eða byggingar til landbúnaðar. Heimilt er að byggja upp í tengslum við núverandi bæjartorfur eða í jaðri svæða.
  Skv. kafla 2.2.1 um íbúðabyggð segir í aðalskipulagi Hvalfjarðarsveitar 2020-2032, í almennum skilmálum fyrir dreifbýli, að ekki sé gert ráð fyrir nýjum íbúðasvæðum í dreifbýli á skipulagstímanum, umfram Hlíðarbæ (ÍB1) og Bjarkarás (ÍB2).
  Umhverfis-, skipulags-, náttúruverndar- og landbúnaðarnefnd samþykkir að um sé að ræða verulega breytingu á aðalskipulagi Hvalfjarðarsveitar 2020-2032 í ljósi þess að umrædd breyting sé ekki í samræmi við meginmarkmið aðalskipulags Hvalfjarðarsveitar 2020-2032.
  Hinsvegar telur nefndin að breytingartillaga aðalskipulagsins sem snýr að breytingu landbúnaðarlands í íbúðarbyggð, á svæði sem er deiliskipulagt sem frístundabyggð, sé að stóru leyti leiðrétting á misræmi sem sé að finna í skipulagi svæðisins.
  Vill nefndin árétta eftirfarandi atriði og tefla fram sem rökstuðningi fyrir umræddum breytingum:
  
  a)
  
  Skv. töflu 3, um skilmála fyrir frístundabyggð í kafla 2.2.2, segir í aðalskipulagi Hvalfjarðarsveitar 2020-2032 að gert sé ráð fyrir tveimur frístundabyggðasvæðum í landi Kúludalsár, en um sé að ræða svæði F34 sem er 14 ha að stærð, ofan þjóðvegar og gerir ráð fyrir 24 frístundahúsalóðum og svæði F35 sem er 18 ha að stærð, neðan þjóðvegar og gerir ráð fyrir 18 frístundahúsalóðum. Samtals er því um að ræða 32 hektara af frístundabyggð og 42 frístundahúsalóðum, umfram það svæði sem þegar sé deiliskipulagt sem frístundasvæði, en er landbúnaðarland skv. aðalskipulagi. Engum lóðum hefur verið úthlutað / engin lóð verið seld það sem af er skipulagstímabilinu og skv. þeirri tillögu sem hér um ræðir er frístundasvæðið neðan þjóðvegar, þ.e. F35, fellt út úr skipulagi sem frístundasvæði og því breytt að hluta til aftur í landbúnaðarland og að hluta til í aðra landnotkun þ.e. athafnasvæði.
  Telur nefndin að umrædd breyting sé ekki óeðlileg sé raunin sú að ekki hafi verið eftirspurn eftir frístundahúsalóðum á svæðinu.
  
  b)
  
  Í gildi er deiliskipulag frístundabyggðar í landi Kúludalsár, reitur E, frá árinu 1998. Þar kemur fram að á svæðinu séu 5 frístundahúsalóðir.
  Ljóst er því að deiliskipulag svæðisins er á skjön við gildandi aðalskipulag sveitarfélagsins, en landnotkun þess lands sem skilgreint er deiliskipulag frístundabyggðar sbr. reitur E, frá árinu 1998, er landbúnðarland skv. gildandi aðalskipulagi Hvalfjarðarsveitar 2020-2032.
  
  c)
  
  Sú landnotkunarbreyting sem tillagan hefur í för með sér (íbúðabyggð), hefur óveruleg áhrif á umhverfið þegar horft er til þess að landið er að stórum hluta til þegar byggt og þegar séu íbúðarhús og sumarhús byggð á svæðinu, fyrir sé vegtenging við þjóðveg 1 og vegagerð til staðar milli húsa í hverfinu, lagnir á svæðinu ofl. Ekki er talið að breytingin hafi áhrif á einstaka aðila s.s. nágranna eða hafi áhrif á stórt svæði.
  
  d)
  
  Ákveðið misræmi er í því fólgið að landið, þar sem þegar eru komnar byggingar, sé skráð sem L1 í aðalskipulagi Hvalfjarðarsveitar. Svæðið er þegar raskað og ljóst að ekki er um að ræða afturkræfar framkvæmdir og landið því ekki nýtanlegt sem landbúnaðarland.
  
  e)
  
  Skv. kafla 2.2.1 um íbúðarbyggð segir í aðalskipulagi Hvalfjarðarsveitar 2020-2032 að sveitarfélagið leggi áherslu á að skilgreind íbúðarsvæði verði í góðum tengslum við núverandi veitukerfi s.s. vegi, rafmagns- og ljósleiðaratengingar. Við skipulag þeirra skuli tryggja aðkomu og flóttaleiðir út frá öryggissjónarmiðum. Að mati nefndarinnar er þessi breyting á aðalskipulagi Hvalfjarðarsveitar gerð með hliðsjón af þessu.
  
  f)
  
  Eins og fram hefur komið segir í kafla 2.2.1 um íbúðarbyggð, í aðalskipulagi Hvalfjarðarsveitar 2020-2032, í almennum skilmálum fyrir dreifbýli, að ekki sé gert ráð yfir nýjum íbúðarsvæðum í dreifbýli á skipulagstímanum, umfram Hlíðarbæ (ÍB1) og Bjarkarás (ÍB2). Í Hlíðarbæ er skipulagssvæðið fullbyggt, en í Bjarkarási hefur þeim lóðum sem til reiðu voru við gerð aðalskipulags Hvalfjarðarsveitar 2020-2032, ýmist verð úthlutað eða þær verið byggðar.
  
  Umhverfis-, skipulags-, náttúruverndar- og landbúnaðarnefnd samþykkir að auglýsa lýsingu vegna breytingar á aðalskipulagi Hvalfjarðarsveitar 2020-2032 í samræmi við 1. mgr. 30. gr. skipulagslaga nr. 123/2010 í landi Kúludalsár í Hvalfjarðarsveit. Lýsingin er samþykkt með áorðnum breytingum og er Umhverfis- og skipulagsdeild falið að koma þeim breytingum á framfæri við skipulagshöfund.
  Í afgreiðslu nefndarinnar felst m.a. að leita umsagnar um lýsinguna hjá Skipulagsstofnun og umsagnaraðilum og kynna hana fyrir almenningi.
  Endanlegri afgreiðslu vísað til sveitarstjórnar Hvalfjarðarsveitar.
  Bókun fundar Oddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 6 atkvæðum.
  
  Ómar Örn Kristófersson vék af fundi undir umræðum og afgreiðslu málsins.
• 3.4 2411019 Hafnarberg Hafnarland L 208217 - deiliskipulag
  Umhverfis- skipulags- náttúruverndar- og landbúnaðarnefnd - 46 Umhverfis-, skipulags-, náttúruverndar- og landbúnaðarnefnd samþykkir fyrir sitt leyti deiliskipulag Hafnarbergs með áorðnum breytingum og að gildistaka þess verði send til staðfestingar í B-deild Stjórnartíðinda að undangenginni athugun Skipulagsstofnunar eftir auglýsingu.
  Endanlegri afgreiðslu vísað til sveitarstjórnar Hvalfjarðarsveitar.
  Bókun fundar Oddviti lagði fram eftirfarandi tillögu:
  "Sveitarstjórn Hvalfjarðarsveitar staðfestir bókun nefndarinnar og samþykkir deiliskipulag Hafnarbergs með áorðnum breytingum og að gildistaka þess verði send til staðfestingar í B-deild Stjórnartíðinda að undangenginni athugun Skipulagsstofnunar eftir auglýsingu."
  Tillagan borin undir atkvæði og samþykkt með 7 atkvæðum.
• 3.5 2501004 Umsókn um byggingarheimild eða -leyfi - Vallarás.
  Umhverfis- skipulags- náttúruverndar- og landbúnaðarnefnd - 46 Umhverfis-, skipulags-, náttúruverndar- og landbúnaðarnefnd samþykkir að grenndarkynna erindið.
  Grenndarkynnt verði m.a. hjá aðliggjandi lóðarhöfum.
  Vellir 7 L219979, Reynivellir L219975, Vellir 4 L219976, Vellir 6 L219978, Vellir 2 L219974, auk upprunajarðar Vellir 1 L219973.
  Endanlegri afgreiðslu vísað til sveitarstjórnar.
  
  Sæmundur Víglundsson vék af fundi við afgreiðslu málsins. Bókun fundar Oddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.
• 3.8 2502017 Styrkvegasjóður Vegagerðarinnar.
  Umhverfis- skipulags- náttúruverndar- og landbúnaðarnefnd - 46 USNL-nefnd samþykkir að fela Umhverfis- og skipulagsdeild og eftir atvikum í samstarfi við landeigendur/veghaldara á hverjum stað, að sækja um verkefni skv. umræðum á fundinum. Fram kom að sækja um vegna liða 5) og 8), en um er að ræða vegi að fjallskilaréttum og skógræktarsvæði. Bókun fundar Oddviti lagði fram eftirfarandi tillögu:
  "Sveitarstjórn Hvalfjarðarsveitar samþykkir og staðfestir bókun nefndarinnar."
  Tillagan borin undir atkvæði og samþykkt með 7 atkvæðum.

2204043

2206005

2406004

2103114

2502028

2502027

2501032

2502019

2502003