Sveitarstjórn

2303007F

2303008F

• 2.1 2303043 Aðalskipulagsbreyting í Reykjavík - Skotíþróttasvæði á Álfsnesi.
  Umhverfis- skipulags- náttúruverndar- og landbúnaðarnefnd - 18 Umhverfis-, skipulags-, náttúruverndar- og landbúnaðarnefnd gerir ekki athugasemd við framlögð gögn vegna fyrirhugaðra breytinga á starfsemi skotæfingasvæðis á Álfsnesi. Endanlegri afgreiðslu vísað til sveitarstjórnar Hvalfjarðarsveitar. Bókun fundar Oddviti lagði fram eftirfarandi tillögu:
  “Sveitarstjórn gerir ekki athugasemd við framlögð gögn vegna fyrirhugaðra breytinga á starfsemi skotæfingasvæðis á Álfsnesi."
  Tillagan borin undir atkvæði og samþykkt með 7 atkvæðum.
• 2.2 2302030 Gandheimar, efnistaka - umsögn um matsáætlun.
  Umhverfis- skipulags- náttúruverndar- og landbúnaðarnefnd - 18 Umhverfis-, skipulags-, náttúruverndar- og landbúnaðarnefnd felur starfsfólki tæknideildar sveitarfélagsins að svara erindinu á grundvelli umræðna um málið og þeirra áherslna sem fram komu í kynningu umhverfisfulltrúa vegna málsins.
  Endanlegri afgreiðslu vísað til sveitarstjórnar.
  Bókun fundar Námufjélagið ehf. hefur sent Skipulagsstofnun matsáætlun um efnistöku í Gandheimum í Hvalfjarðarsveit. Skipulagsstofnun óskar eftir að gefin verði umsögn um matsáætlun ofangreindrar framkvæmdar skv. 21. gr. laga um umhverfismat framkvæmda og áætlana nr. 111/2021 og 12. gr. reglugerðar nr. 1381/2021 um umhverfismat framkvæmda og áætlana.
  Í umsögninni þarf eftir því sem við á að koma fram hvort umsagnaraðili hafi athugasemdir við það hvernig framkvæmdaraðili hyggst vinna að umhverfismati framkvæmdarinnar, út frá sínu starfssviði, svo sem um skilgreiningu valkosta, gagnaöflun, úrvinnslu gagna, umhverfismat og framsetningu umhverfismatsskýrslu. Einnig, ef á skortir, hvaða atriðum umsagnaraðili telur að gera þurfi frekari skil eða hafa sérstaklega í huga við umhverfismat framkvæmdarinnar. Leyfisveitendur skulu í umsögn sinni gera grein fyrir þeim leyfum sem eru á starfssviði þeirra og framkvæmdin er háð.
  
  Oddviti lagði fram eftirfarandi tillögu:
  “Sveitarstjórn samþykkir eftirfarandi umsögn:
  Ekki er gert ráð fyrir fyrirhuguðu efnistökusvæði í aðalskipulagi Hvalfjarðarsveitar, hvorki því sem er í gildi, né nýju (óstaðfestu) aðalskipulagi 2022-2032. Þar kemur fram varðandi stefnu sveitarfélagsins um efnistöku- og efnislosunarsvæði að,"efnistaka verður takmörkuð við núverandi staði til að vernda sem mest lítt raskað land í sveitarfélaginu".
  
  Samkvæmt 5. kafla matsáætlunar, er gert ráð fyrir að taka jarðfræði, ásýnd og vatnafar til umfjöllunar. Hvalfjarðarsveit gerir ekki athugasemdir við það og telur afar brýnt og mikilvægt að í ásýndarkaflanum sé einnig tekið tillit til áhrifa á landslag og sjónræn áhrif fyrirhugaðrar framkvæmdar metin, enda mun áhrifa svæðisins gæta umfram hið eiginlega framkvæmdasvæði. Meta þarf hvar áhrifanna gætir helst og einnig gera grein fyrir því hvernig svæðið mun líta út að lokinni efnistöku og að loknum frágangi. Hvalfjarðarsveit bendir á gerð líkanmynda í því sambandi, ásamt ljósmyndum og kortagögnum. Í nágrenni fyrirhugaðs framkvæmdasvæðis eru friðlýstir jökulgarðar. Þetta eru umfangsmiklir jökulgarðar og bera vitni um jarðfræðisögu svæðisins. Því tekur Hvalfjarðarsveit undir það að jarðfræðingur skoði svæðið m.a. í þeim tilgangi að greina áhrif efnistökunnar á jarðfræði og jarðmyndanir svæðisins (bls. 8). Þá eru vatnsból í grennd við fyrirhugað efnistökusvæði og samkvæmt aðalskipulagi Hvalfjarðarsveitar verða engar framkvæmdir eða starfsemi sem ógnað geta brunnsvæðum leyfðar í nágrenni þeirra.
  
  Í kafla 5.2 er umfjöllun um umhverfisþætti sem ekki verða til umfjöllunar í umhverfismati. Hvalfjarðarsveit óskar eftir nánari rökstuðningi við hvers vegna fuglalíf er ekki hluti af fyrirhuguðu umhverfismati, þar sem fyrirhugað framkvæmdasvæði er í nágrenni við svæði þar sem er mjög auðugt fuglalíf. Í matsáætluninni er ekki fjallað um útivist og ferðamennsku og óskar Hvalfjarðarsveit eftir umfjöllun um þann þátt, þar sem svæðið mun sjást víða að, m.a. frá vinsælum göngu- og útivistarleiðum í Skarðsheiði. Þá liggur reiðleið og/eða göngustígur um svæðið skv. gildandi aðalskipulagi, sem þverar fyrirhugað efnistökusvæði.
  
  Að lokum vill Hvalfjarðarsveit benda á að í Hvalfjarðarsveit eru mörg stór efnistökusvæði. Reynslan hefur sýnt að ónæði getur myndast og kvartanir hafa borist vegna þátta eins og umferðar, foks og hávaða í grennd við slík svæði. Því leggur Hvalfjarðarsveit til að slíkir samfélagslegir þættir séu hluti af matsferlinu."
  
  Tillagan borin undir atkvæði og samþykkt með 7 atkvæðum.
• 2.4 2303049 Stefna vegna þynningarsvæðis - Fellsendi og Galtalækur.
  Umhverfis- skipulags- náttúruverndar- og landbúnaðarnefnd - 18 Umhverfis-, skipulags-, náttúruverndar- og landbúnaðarnefnd leggur til að lögmanni sveitarfélagsins verði falið að taka til varnar fyrir sveitarfélagið í málinu. Endanlegri afgreiðslu vísað til sveitarstjórnar Hvalfjarðarsveitar. Bókun fundar Oddviti lagði fram eftirfarandi tillögu:
  “Sveitarstjórn felur lögmanni sveitarfélagsins að taka til varnar fyrir sveitarfélagið í málinu."
  Tillagan borin undir atkvæði og samþykkt með 7 atkvæðum.

2303011F

• 3.1 2303055 Menningarsjóður Hvalfjarðarsveitar 2023
  Menningar- og markaðsnefnd - 39 Fjórar umsóknir bárust um styrk í Menningarsjóð Hvalfjarðarsveitar.
  
  Kirkjukór Saurbæjarprestakalls var með tónleika 24. febrúar sl. og með haustinu er vonast til að geta verið með Gospel tónleika. Kórin biður um styrk í þessi verkefni að upphæð 500.000 kr.
  Sumartónleikar Hallgrímskirkju í Saurbæ sækir um 300.000 kr. styrk fyrir tónleikastarfsemi sumarið 2023.
  Ravísa ehf biður um styrk að upphæð 217.000 kr. til að vera með tónleika í sundlauginni að Hlöðum á Hvalfjarðardögum.
  Foreldrafélag Leik- og grunnskóla Hvalfjarðarsveitar sækir um 400.000 kr. styrk fyrir sumargleði og jólaballi.
  
  Menningar- og markaðsnefnd samþykkir að veita kórnum 200.000 kr. styrk, Sumartónleikum Hallgrímskirkju í Saurbæ 250.000 kr. styrk, Ravísu ehf 100.000 kr. styrk og Foreldrafélagi Leik- og grunnskóla Hvalfjarðarsveitar 200.000 kr. styrk.
  
  Nefndin lýsir ánægju sinni yfir fjölda umsókna.
  
  Nefndin vísar afgreiðslu málsins til sveitarstjórnar.
  Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar við afgreiðslu umsókna í Menningarsjóð og samþykkir sveitarstjórn því að veita kirkjukór Saurbæjarprestakalls 200.000 kr. styrk vegna gospeltónleika, Sumartónleikum Hallgrímskirkju í Saurbæ 250.000 kr. styrk vegna átta sumartónleika, Ravísu ehf. 100.000 kr. styrk vegna tónleika á Hvalfjarðardögum við sundlaugina á Hlöðum og Foreldrafélagi Leik- og grunnskóla Hvalfjarðarsveitar 200.000 kr. styrk vegna sumarhátíðar og jólaskemmtunar."
  Tillagan borin undir atkvæði og samþykkt með 7 atkvæðum.

2002048

2304007

2304008

2204048

2303051

2303054

2206005

2303053

2304009

1905006

2303052

2304002

2304003

2304004

2204059

2303040

2303041

2303036