Menningar- og markaðsnefnd

Fjórar umsóknir bárust um styrk í Menningarsjóð Hvalfjarðarsveitar.

Kirkjukór Saurbæjarprestakalls var með tónleika 24. febrúar sl. og með haustinu er vonast til að geta verið með Gospel tónleika. Kórin biður um styrk í þessi verkefni að upphæð 500.000 kr.
Sumartónleikar Hallgrímskirkju í Saurbæ sækir um 300.000 kr. styrk fyrir tónleikastarfsemi sumarið 2023.
Ravísa ehf biður um styrk að upphæð 217.000 kr. til að vera með tónleika í sundlauginni að Hlöðum á Hvalfjarðardögum.
Foreldrafélag Leik- og grunnskóla Hvalfjarðarsveitar sækir um 400.000 kr. styrk fyrir sumargleði og jólaballi.

Menningar- og markaðsnefnd samþykkir að veita kórnum 200.000 kr. styrk, Sumartónleikum Hallgrímskirkju í Saurbæ 250.000 kr. styrk, Ravísu ehf 100.000 kr. styrk og Foreldrafélagi Leik- og grunnskóla Hvalfjarðarsveitar 200.000 kr. styrk.

Nefndin lýsir ánægju sinni yfir fjölda umsókna.

Nefndin vísar afgreiðslu málsins til sveitarstjórnar.

Nefndin fór yfir verkefnalistann og er undirbúningur fyrir Hvalfjarðardaga kominn vel á veg.

Menningar- og markaðsnefnd styrkir Skógræktarfélag Skilmannahrepps til að vera með páskaeggjaleit í Álfholtsskógi um páskahelgina. Nefndin þakkar Skógræktarfélagi Skilmannahrepps fyrir að halda utanum viðburðinn og hvetur íbúa til að mæta og eiga góðar samverustundir í skóginum.

Lokahönd var lögð á texta fimmta skiltisins og búið er að fá leyfi landeiganda til að setja það niður.

Nefndin er mjög ánægð að sveitarfélagið er að fara af stað í þessa vegferð og hlakkar til að takast á við þetta verkefni.