Sveitarstjórn

2201003F

2201002F

• 2.1 2201017 Leynileikhúsið
  Fjölskyldu- og frístundanefnd - 30 Nefndin óskar eftir endurgjaldslausum afnotum af Heiðarborg fyrir Leynileikhúsið við sveitarstjórn á þriðjudögum frá klukkan 16:00-18:00 frá 1. febrúar til 15. mars. Afnotin verða bókuð til tekna á Íþróttamiðstöðina Heiðarborg og til gjalda sem styrkveiting til Æskulýðs- og íþróttamála. Bókun fundar Oddviti lagði fram eftirfarandi tillögu:
  "Sveitarstjórn samþykkir beiðni nefndarinnar um endurgjaldslaus afnot af Íþróttamiðstöðinni Heiðarborg á þeim tímum sem fram kemur í bókun nefndarinnar. Afnotin verða bókuð til tekna á Íþróttamiðstöðina Heiðarborg og til gjalda sem styrkveiting til Æskulýðs- og íþróttamála."
  Tillagan borin undir atkvæði og samþykkt með 7 atkvæðum.
• 2.2 2002002 Reglur um fjárhagsaðstoð
  Fjölskyldu- og frístundanefnd - 30 Nefndin fór yfir reglur um fjárhagsaðstoð og gerði nokkrar breytingartillögur.
  
  Lagt er til að grunnfjárhæð fjárhagsaðstoðar einstaklings skv. 1. mgr. 9. gr. reglna um fjárhagsaðstoð verði hækkuð úr 186,750 kr. í 196,272 kr.
  
  Nefndin vísar breytingartillögunum til samþykktar hjá sveitarstjórn.
  Bókun fundar Oddviti lagði fram eftirfarandi tillögu:
  "Sveitarstjórn samþykkir breyttar reglur um fjárhagsaðstoð, jafnframt samþykkir sveitarstjórn tillögu nefndarinnar um hækkun grunnfjárhæðar fjárhagsaðstoðar einstaklings skv. 1. mgr. 9. gr. reglna um fjárhagsaðstoð. Breytingin felur í sér hækkun úr 186.750 kr. í 196.272 kr."
  Tillagan borin undir atkvæði og samþykkt með 7 atkvæðum.

2201004F

2201005F

• 4.1 2201012 Matfugl að Hurðarbaki - Matsáætlun-Starfsleyfi.
  Umhverfis- skipulags- og náttúruverndarnefnd - 152 Umhverfis,-skipulags- og náttúruverndarnefnd ítrekar fyrri afstöðu sína um að uppfæra þurfi gildandi deiliskipulag svæðisins.
  Nefndin tekur undir ábendingar frá Hafrannsóknarstofnun um vöktun á lífríki Laxár. Einnig að ávallt verði notuð besta fáanlega tækni vegna útblásturs frá eldishúsunum til að sporna við því að lyktarmengun berist yfir nálæga byggð. Nefndin vill einnig benda á að hauggeymslur séu þannig úr garði gerðar að búpeningur og vargfuglar komist ekki í þær.
  
  Bókun fundar Oddviti lagði fram eftirfarandi tillögu:
  "Sveitarstjórn tekur undir afstöðu Umhverfis-, skipulags- og náttúruverndarnefndar og ítrekar að hún telur að fullt tilefni sé til að farið verði í endurskoðun deiliskipulags á svæðinu en gildandi skipulag er frá árinu 1999 og hafa ýmsar forsendur breyst frá þeim tíma. Gangi útgáfa starfsleyfisins eftir er um að ræða 70% stækkun búsins í fyrsta áfanga frá núverandi starfsleyfi, komi til síðari heimildar sem starfsleyfisdrögin gera ráð fyrir að 2 árum liðnum þá er um að ræða 140% stækkun frá núverandi leyfi.
  Sveitarstjórn vill ennfremur taka undir ábendingar sem fram koma í umsögn Hafrannsóknarstofnunar varðandi vöktun á lífríki Laxár í Leirársveit. Rétt er að benda á í því sambandi að vatnasvæði Laxár endar í Grunnafirði sem er friðlýstur og er á lista yfir svæði sem eru vernduð og viðkvæm skv. 25. gr. laga nr. 36/2011 um stjórn vatnamála. Grunnafjörður hefur einnig verið samþykktur sem Ramsarsvæði frá árinu 1996.
  Sveitarstjórn lýsir yfir verulegum áhyggjum sínum með aukna lyktarmengun frá búinu við stækkun þess en þekkt er að lykt frá þauleldisrekstri berist langar leiðir í lofti frá búunum og valdi íbúum og útivistarfólki óþægindum. Vert er í því sambandi að benda á að ekki eru miklar vegalengdir í bæði verðmæt útivistarsvæði við Laxá í Leirársveit og að híbýlum fólks á næstu bújörðum. Þá er einnig mikil og þétt frístundabyggð í nálægð við búið. Telur sveitarstjórn því eðlilegt að farið verði fram á ítrustu kröfur um hreinsun á útblásturslofti frá búinu.
  Sveitarstjórn vill líka ítreka kröfu um að hauggeymslur á búinu og hjá þeim aðilum sem búið er með samninga við um móttöku skíts, sé með þeim hætti að búpeningur og vargfuglar eigi ekki aðgang að.
  Sveitarstjórn áréttar áhyggjur sínar af áhrifum stækkunar búsins á nærsamfélag þess. Að auki vill sveitarstjórn benda á nauðsyn þess að samhliða stækkun búsins þarf að ráðast í endurbætur á veginum frá Hvalfjarðarvegi, vegamótum við Galtarholt og að Tungu en stækkun búsins mun skapa verulega aukna umferð á þeim vegi, bæði á uppbyggingartíma sem og þegar rekstur er kominn í gang."
  Tillagan borin undir atkvæði og samþykkt með 7 atkvæðum.
• 4.2 2109025 Sameiginleg svæðisáætlun um meðhöndlun úrgangs 2021-2032.
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd gerir ekki athugasemd við tillöguna og leggur til við sveitarstjórn að samþykkja hana formlega. Bókun fundar Oddviti lagði fram eftirfarandi tillögu:
  "Sveitarstjórn samþykkir framlagða tillögu sameiginlegrar svæðisáætlunar um meðhöndlun úrgangs fyrir tímabilið 2022-2033."
  Tillagan borin undir atkvæði og samþykkt með 7 atkvæðum.
• 4.4 2012054 Holtavörðuheiðarlína 1
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd álítur að línuleið Holtavörðuheiðarlínu 1 verði best fyrir komið meðfram núverandi lagnaleið Vatnshamralínu. En verði Bjarnarholtsleið fyrir valinu að þá verði strengur lagður í jörðu.
  Í tillögu að aðalskipulagi Hvalfjarðarsveitar 2020-2032 er fjallað um Holtavörðuheiðarlínu 1, m.a. í forsendum skipulagstillögunnar, sem er undirstaðan fyrir ákvarðanatöku um landnotkun og þróun byggðar í Hvalfjarðarsveit.
  Bókun fundar Oddviti lagði fram eftirfarandi tillögu:
  "Sveitarstjórn tekur undir bókun nefndarinnar og álítur að línuleið Holtavörðuheiðarlínu 1 sé best fyrir komið samhliða núverandi Vatnshamralínu. Komi til þess að Bjarnarholtsleið verði fyrir valinu verði að leggja strengi í jörðu. Í tillögu að aðalskipulagi Hvalfjarðarsveitar 2020-2032 er fjallað um Holtavörðuheiðarlínu 1, m.a. í forsendum skipulagstillögunnar, sem er undirstaðan fyrir ákvarðanatöku um landnotkun og þróun byggðar í Hvalfjarðarsveit."
  Tillagan borin undir atkvæði og samþykkt með 7 atkvæðum.
• 4.8 2112022 Hafnarfjall 2. Tillaga að breytingu á deiliskipulagi
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd samþykkir tillöguna með fyrirvara um lagfæringu á skipulagstillögu í samræmi við umræður á fundinum.
  Samþykkt að auglýsa breytingu á deiliskipulagi samkvæmt 1. mgr. 43. gr. skipulagslaga nr. 123/2010.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar að auglýsa breytingu á deiliskipulagi svæðisins samkvæmt 1. mgr. 43. gr. skipulagslaga nr. 123/2010."
  Tillagan borin undir atkvæði og samþykkt með 7 atkvæðum.
• 4.13 2201021 Hávarsstaðir 2 - Stækkun landeignar
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd samþykkir stofnun lóðarinnar.
  Endanlegri afgreiðslu vísað til sveitarstjórnar. Bókun fundar Oddviti lagði fram eftirfarandi tillögu:
  "Sveitarstjórn samþykkir stofnun lóðarinnar sbr. meðfylgjandi uppdrátt."
  Tillagan borin undir atkvæði og samþykkt með 7 atkvæðum.
• 4.14 2201006 Stiklur 1 - skipting lóðar
  Umhverfis- skipulags- og náttúruverndarnefnd - 152 Með erindinu fylgdi undirritað samþykki landeiganda.
  Umhverfis-, skipulags- og náttúruverndarnefnd samþykkir erindið með þeim áskilnaði að gengið verði frá kvöð um aðgengi og umferð þar sem við á, einnig kvöð um aðgengi að neysluvatni. Bókun fundar Oddviti lagði fram eftirfarandi tillögu:
  "Sveitarstjórn samþykkir skiptingu lóðar sbr. meðfylgjandi uppdrátt með þeim áskilnaði að gengið verði frá kvöð um aðgengi og umferð þar sem við á, ásamt kvöð um aðgengi að neysluvatni."
  Tillagan borin undir atkvæði og samþykkt með 7 atkvæðum.
• 4.15 2109006 Bjarkarás 11 - Grenndarkynning - byggingarleyfi
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd hafnar erindinu á grundvelli þess að umrædd bygging er ekki í samræmi við gildandi deiliskipulag.
  Endanlegri afgreiðslu vísað til sveitarstjórnar. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar um að hafna erindinu þar sem það samræmist ekki skilmálum deiliskipulags."
  Tillagan borin undir atkvæði og samþykkt með 7 atkvæðum.
• 4.18 1910074 Fagrabrekka - skipting lóðar.
  Umhverfis- skipulags- og náttúruverndarnefnd - 152 Umhverfis-, skipulags- og náttúruverndarnefnd gerir ekki athugasemd við uppdrættina og felur skipulags- og umhverfisfulltrúa að afla undirritunar aðliggjandi lóðarhafa vegna málsins. Bókun fundar Oddviti lagði fram eftirfarandi tillögu:
  "Sveitarstjórn staðfestir bókun nefndarinnar og felur skipulags- og umhverfisfulltrúa að vinna málið áfram."
  Tillagan borin undir atkvæði og samþykkt með 7 atkvæðum.
• 4.19 2201003 Hlíðarbær, lóðarblöð
  Umhverfis- skipulags- og náttúruverndarnefnd - 152 Lagt fram til kynningar.
  Umhverfis,- skipulags og náttúruverndarnefnd samþykkir framlögð lóðarblöð fyrir lóðir í landi Hlíðarbæjar og vísar til afgreiðslu í sveitarstjórn. Bókun fundar Oddviti lagði fram eftirfarandi tillögu:
  "Sveitarstjórn samþykkir framlögð lóðarblöð og felur byggingarfulltrúa að klára vinnslu málsins."
  Tillagan borin undir atkvæði og samþykkt með 7 atkvæðum.

2201006F

• 5.3 2201038 Menntastefna Hvalfjarðarsveitar - drög
  Fræðslunefnd - 36 Fræðslunefnd rýnir drög að Menntastefnu Hvalfjarðarsveitar og leggur drögin jafnframt til umsagnar í sveitarstjórn, fjölskyldu- og frístundanefnd, umhverfis- skipulags og náttúruverndarnefnd, mannvirkja- og framkvæmdanefnd, menningar- og markaðsnefnd, ungmennaráði Hvalfjarðarsveitar, nemendaráði Heiðarskóla, Foreldrafélagi Leik- og grunnskóla Hvalfjarðarsveitar, skólaráði og til starfsfólks Leik- og grunnskóla Hvalfjarðarsveitar. Bókun fundar Framlögð drög að menntastefnu Hvalfjarðarsveitar.

2201016

2112001

2201029

1806042

2106051

2201030

2201046

2201045

2201040