Stafrænt deiliskipulag

Um nokkurt skeið eða frá árinu 2020 hafa skipulagshönnuðir/skipulagsráðgjafar þurft að vinna svæðis- og aðalskipulagsgögn á stafrænu formi auk hefðbundinna skipulagsgagna.

Frá og með 1. janúar 2025 verður einnig gerð krafa um að deiliskipulagsgögn verði unnin á stafrænu formi sbr. 46. gr. skipulagslaga nr. 123/2010.

Það felur m.a. í sér að vinna þarf skipulagsgögn í landupplýsingakerfi með samræmdum hætti, auk þess að vera sett fram í skipulagsgreinargerð og á skipulagsuppdráttum eins og verið hefur.

Um er að ræða nýja nálgun sem hefur í för með sér nýjar aðferðir og verklag sem skipulagsráðgjafar og skipulagshönnuðir þurfa að tileinka sér.

Til að tryggja samræmd vinnubrögð og farsæla innleiðingu stafræns deiliskipulags hefur Skipulagsstofnun gefið út gagnalýsingu og leiðbeiningar um gerð stafræns deiliskipulags og sniðmát (.gdb og .gpkg).

Nánari upplýsingar má nálgast á vef Skipulagsstofnunar og á slóðinni Stafrænt deiliskipulag | Skipulagsstofnun og Landupplýsingar | Skipulagsstofnun .

Sveitarfélagið vill koma þessum upplýsingum á framfæri við landeigendur og skipulagsráðgjafa sem hyggjast senda sveitarfélaginu deiliskipulagsgögn eftir 1. janúar 2025.