Skýjaborg auglýsir eftir deildarstjóra og þroskaþjálfa
Leikskólinn Skýjaborg óskar eftir að ráða deildarstjóra í 100% ótímabundna stöðu og þroskaþjálfa í 100% ótímabundna stöðu frá 5. ágúst 2025 eða eftir samkomulagi.
Skýjaborg er tveggja deilda leikskóli í Melahverfi, Hvalfjarðarsveit með allt að 40 börn. Í Skýjaborg er lögð áhersla á umhverfismennt, útinám, snemmtæki íhlutun í máli og læsi og sjálfsprottinn leik. Skólinn er grænfánaskóli og gildi skólans eru: Vellíðan, virðing, metnaður og samvinna.
Í Skýjaborg gefst tækifæri til að takast á við fjölbreytt og skemmtileg verkefni sem tengjast þróun leikskólastarfs, samvinnu við Heiðarskóla og fleiri stofnanir.
Heimasíða leikskólans er: https://skoli.hvalfjardarsveit.is/
Deildarstjóri:
Helstu verkefni og ábyrgð
- Vinnur með og undir stjórn leikskólastjóra.
- Ber ábyrgð á stjórnun og skipulagningu starfsins á deildinni.
- Sér um foreldrasamstarf á deildinni.
- Vinnur að uppeldi og menntun leikskólabarna samkvæmt starfslýsingu deildarstjóra.
- Ath. Önnur deildin er með börn á aldrinum 1-3 ára og hin deildin er með börn á aldrinum 3-6 ára. Deildarstjóri er ekki ráðin við aðra hvora deildina, heldur gæti starfið flust á milli deilda.
Menntunar- og hæfniskröfur
- Leyfisbréf til kennslu*
- Reynsla af starfi á leikskólastigi
- Góð íslenskukunnátta
- Góð samskiptahæfni
- Góðir skipulagshæfileikar
- Góð tölvukunnátta
*Ef ekki fæst til starfa leikskólakennari (með leyfisbréf til kennslu) verður horft til menntunar og reynslu.
Þroskaþjálfi
Helstu verkefni og ábyrgð
- Vinnur að uppeldi og menntun barnanna.
- Veitir börnum sem þurfa á sérkennslu að halda sérstaka aðstoð og kennslu.
- Vinnur í nánu samstarfi við foreldra/forráðamenn barna sem njóta sérkennslu, fagaðila og aðra ráðgjafa og situr fundi og viðtöl með þeim.
- Sinnir þeim verkefnum er varða sérkennslu, uppeldi og menntun barnanna sem yfirmaður felur honum.
- Starfar í sérkennsluteymi leikskólans.
Menntunar- og hæfniskröfur
- Starfsleyfi sem þroskaþjálfi*
- Reynsla af vinnu með börnum
- Reynsla af skipulagningu sérkennslu og þjálfunar
- Góð íslenskukunnátta
- Góð samskiptahæfni
- Sjálfstæð og skipulögð vinnubrögð
*Ef ekki fæst þroskaþjálfi verður horft til menntunar og reynslu.
Hlunnindi í starfi
- 35 klst. vinnuvika / 7 klst. vinnudagur. Afleysing er í húsi fyrir styttingunni.
- Opnunartími leikskólans er 7:30-16:30.
- 6 skipulagsdagar á ári.
- Veittur er styrkur til náms í leikskólakennaranámi.
Umsóknarfrestur til og með 13. apríl 2025. Um er að ræða 100% starfshlutfall í báðar stöður og eru þær lausar frá 5. ágúst 2025.
Nánari upplýsingar um störfin veitir Eyrún Jóna Reynisdóttir í síma 4338530 / 8925510 eða með því að senda fyrirspurn á eyrun@hvalfjardarsveit.is.
Launakjör er samkvæmt kjarasamningi Sambands íslenskra sveitarfélaga og viðkomandi stéttarfélags.
Áhugasamir einstaklingar, án tillits til kyns, eru hvattir til að sækja um og skal umsókn ásamt starfsferilskrá og leyfisbréfs skilað í gegnum Alfreð eða í tölvupósti til leikskólastjóra á netfangið: eyrun@hvalfjardarsveit.is.