Jólagleði á Vinavelli
12. desember 2023
Þann 9. desember síðastliðinn fór fram vel heppnuð jólagleði á Vinavelli í Melahverfi.
Boðið var upp á heitt súkkulaði og piparkökur í kuldanum og sáu jólasveinar til þess að stórir sem smáir skemmtu sér vel. Jólasöngvar voru sungnir og dansað var í kringum jólatréð. Jólasveinarnir komu færandi hendi með stútfullan poka af jólanammi fyrir káta krakka.
Hvalfjarðarsveit þakkar öllum þeim sem mættu á viðburðinn kærlega fyrir komuna og er öllum sem komu að viðburðinum færðar bestu þakkir fyrir samstarfið.
