Menningarsjóður og Íþrótta- og æskulýðssjóður Hvalfjarðarsveitar - óskað eftir umsóknum

Samkvæmt samþykktum sveitarstjórnar Hvalfjarðarsveitar er hér með auglýst eftir umsóknum í ofangreinda sjóði Hvalfjarðarsveitar.
Styrkumsóknir skulu vera í samræmi við reglur sjóðanna sem finna má á heimasíðu Hvalfjarðarsveitar: https://www.hvalfjardarsveit.is/
is/thjonusta/ithrottir-og-tomstundamal/ithrotta-aeskulyds-og-menningarmal-samthreglur

Umsóknir skulu undirritaðar af umsækjanda og/eða aðila sem heimild hefur til að undirrita umsókn fyrir hönd umsækjanda ef um félag eða hópa er að ræða. Mikilvægt er að greinargóðar upplýsingar komi fram í umsókninni og fylgigögnum hennar, eins og óskað er eftir sbr. reglur sjóðanna.

Til að uppfylla skilyrði styrkveitingar þarf eftirfarandi að koma fram í umsókn:
Markmið, lýsing og tilefni umsóknar
Styrkupphæð sem óskað er eftir
Tíma- og verkáætlun
Kostnaðaráætlun
Önnur fjármögnun
Félög og/eða hópar sendi inn ársreikning síðastliðins árs og fjárhagsáætlun yfirstandandi árs.
Heimilt er að vísa frá umsóknum ef fullnægjandi gögn/upplýsingar koma ekki fram.

Umsóknarfrestur í sjóðina er til og með 1. apríl 2025.
Úthlutun verður lokið fyrir 1. júní 2025 skv. reglum sjóðanna.