Umhverfis- skipulags- og náttúruverndarnefnd 2013-2022

Hafdís Hafliðadóttir frá Skipulagsstofnun boðaði forföll vegna slæmrar veðurspár.
Stefnt er að fundi með Hafdísi þriðjudaginn 12. febrúar n.k kl. 16:00.

USN nefnd ræddi helstu áherslur fyrir komandi vinnu við Aðalskipulagsgerð.

Fyrirhugaður er fundur með nokkrum aðilum sem mögulega gætu komið að vinnu við gerð Aðalskipulags fyrir Hvalfjarðarsveit.

Afgreiðslu frestað þar til svar frá Skipulagsstofnun hefur borist.

Nefndin felur skipulagsfulltrúa að grenndarkynna samkv. 43.gr nr. 123/2010 skipulagslaga byggingarleyfið fyrir aðliggjandi lóðarhöfum.

Nefndin hefur farið yfir umhverfisstefnu Hvalfjarðarsveitar leggur til við sveitarstjórn að setja þau markmið sem eru í stefnunni inn í endurskoðun á aðalskipulagi sveitarfélagsins.
Í umhvefisstefnunni eru margir þættir sem hefur verið unnið að og eru í vinnslu, enda er um góða stefnumörkun að ræða sem nýtist vel í vinnslu á enduskoðun aðalskipulags.
Þar með yrði umhverfisstefnu Hvalfjarðarsveitar gerð góð skil og yrði hluti af aðalskipulagstillögunni og þeirri stefnumörkun lokið.

Nefndin leggur til við sveitarstjórn að endurnýja ekki samning við Hrossaræktunarsamband Vesturlands varðandi hagagögnu í landi Stóru Fellsaxlar.
Svæðið er skilgreint þynningarsvæði flúors og brennisteins norðvestan við iðjuverin á Grundatanga og einnig inn á aðalskipulagi sveitarfélagsins.„
Úr Aðalskipulagi:
Fram kemur að innan þynningarsvæðis megi gera ráð fyrir að mengunarefni í gróðri fari upp fyrir umhverfismörk og geti jafnvel verið skaðleg gróðri og dýrum. Almennt miði Hollustuvernd ríkisins við að ekki skuli stundaður hefðbundinn landbúnaður, heynytjar eða beit innan þynningarsvæðis stóriðju“.

USN nefnd felur umhverfis- og skipulagsfulltrúa að kanna hvaða kostir eru í stöðunni í samræmi við umræður á fundinum.

Verksamningur við Hreinsitækni ehf gildir til ársloka 2019.

Nefndin leggur til að hafin verður undirbúningsvinna á nýjum útboðsgögnum til að bjóðja út á vormánuðum um reglubundna tæmingu á rotþróm í Hvalfjarðarsveit.

Umhverfis- og skipulagsfulltrúa falið að hefja vinnu við gerð útboðsgagna.

Niðurstöður frá Trivium ráðgjöf um hljóðmælingar á fjórum stöðum í grennd við æfingasvæðið. Hljóðmælingar fóru fram þann 23.janúar 2019 með Norsonic 140 hljóðmæli við góð veðurskilyrði. Þær mælingar sem gerðar voru á ytri svæðum frá skotsvæði, sjá meðfylgjandi uppdrátt,liggja innan hámarksviðmiðunargilda fyrir bæði íbúðarbyggð og útivistarsvæði
Á reiðveginum eru hávaðatopparnir 25 - 35 dB(A) yfir viðmiðunarmörkum og því þyrfti
sérstaklega að skoða hvernig nýtingu á honum fyrir reiðmennsku og aðra slíka skilgreinda útivist er háttað með hliðsjón af æfingum skotfélagsins þar sem skyndilegir háværir hvellir geta fælt hesta.

USN nefnd beinir því til landeiganda að deiliskipuleggja þurfi svæðið eigi viðkomandi starfsemi að vera staðsett þarna áfram.

Nefndin hafnar umsókn um leyfi til að reka gististarfsemi í húsinu, (hostel) þar sem gert er ráð fyrir 31 gestum á grundvelli afsals 467/2013 og meðfylgjandi yfirlýsingar á fylgiskjali nr. 7 dags, 28.mars 2013. Einnig er tekið fram í greinagerð deiliskipulagsins dags, 23.júlí 2013 : „ Fyrirliggjandi aðalskipulag gerir ráð fyrir að á lóðinni verðu starfræktar þjónustustofnanir“.

Nefndin leggur til við sveitarstjórn að veita jákvæða umsögn við Aðalskipulag Akranes,
br. aðalskipulags og deiliskipulag skógarhverfis.