Umhverfis- skipulags- náttúruverndar- og landbúnaðarnefnd

Þann 13. nóvember 2023 var haldin vinnustofa um aðgerðaráætlun stjórnvalda í loftslagsmálum. Tilgangur vinnustofunnar var að ná fram sjónarmiðum sveitarfélaganna varðandi skilgreiningu á aðgerðum sem ætlað er að tryggja samdrátt í samfélagslosun landsins. Meðfylgjandi eru niðurstöður vinnuhópanna ásamt glærum fyrirlesara vinnustofunnar.

Lokaskýrsla Umhverfisstofunar vegna vinnu sjálfboðaliða sumarið 2023.

Drög að gjaldskrá fyrir meðhöndlun úrgangs í Hvalfjarðarsveit.

Samband íslenskra sveitarfélaga óskar eftir áhugasömum sveitarfélögum til þátttöku í verkefni um kostnað og tekjur sveitarfélaga vegna meðhöndlunar úrgangs.



Kostnaður sveitarfélaga er að aukast verulega í tengslum við meðhöndlun úrgangs og er markmið verkefnisins að ná betri yfirsýn yfir kostnað sveitarfélaga í málaflokknum, hvernig hann hefur verið að þróast síðastliðin ár og út frá niðurstöðum leggja fram tillögur að hagræðingu í rekstri.

Sótt er um leyfi fyrir stofnun nýrrar lóðar, Lindás 1 úr landi Lindáss landeignanúmer 133705, stærð 3.389 m2.

Um er að ræða eignarlóð í hlutfallslegri eigu matshluta 01 og 02.

Í gildi er eignaskiptayfirlýsing fyrir matshluta 01 og 02 þar sem húshlutanum er skipt upp í þrjá eignarhluta.

Matshluti 01 er íbúðarhús á tveimur hæðum. Tvær íbúðir, á neðri og efri hæð, ásamt bílskúr sem fylgir matshluta 01.

Matshluti 02 er húsnæði sem áður hýsti alifuglahús, geymslu og trésmíðaverkstæði.

Erindi er varðar breytingu á deiliskipulagi frístundabyggðar í landi Hafnar II en umrætt svæði er innan Frístundabyggðar F27 í aðalskipulagi Hvalfjarðarsveitar 2020-2032.

Breytingin tekur til lóðar nr. 73 og felur í sér að heimila megi útleigu frístundahúss með tilskyldu rekstrarleyfi til samræmis við nýtt aðalskipulag Hvalfjarðarsveitar 2020-2032.

Erindi frá Skipulagsstofnun.

Svæðisskipulagsnefnd um svæðisskipulag Suðurhálendis hefur óskað eftir umsögn sveitarfélagsins vegna Svæðisskipulags Suðurhálendis, nr. 0862/2023.

Kynningartími er til 14.01.2024.



Í svæðisskipulagi Suðurhálendis 2022-2042 er mótuð framtíðarsýn fyrir Suðurhálendið um sterka innviði, umhyggju fyrir auðlindum, ábyrga nýtingu auðlinda, aðgerðir fyrir loftslagið og góða samvinnu. Tillögunni fylgir greinargerð um landslagsgreiningu fyrir Suðurhálendi, sem er fylgirit svæðisskipulagsins.



Tillagan nær yfir hálendishluta sveitarfélaganna Skaftárhrepps, Mýrdalshrepps, Rangárþings eystra, Rangárþings ytra, Ásahrepps, Skeiða- og Gnúpverjahrepps, Hrunamannahrepps, Bláskógabyggðar, og Grímsnes- og Grafningshrepps. Auk þeirra hafa sveitarfélögin Flóahreppur og Árborg tekið þátt í verkefninu.



Tillaga að svæðisskipulagi fyrir Suðurhálendi til ársins 2042, ásamt umhverfisskýrslu, er nú til kynningar og umsagnar í skipulagsgátt Skipulagsstofnunar.

Auglýsing tillögunnar og tilheyrandi umhverfismatsskýrslu er á grundvelli 24. gr. skipulagslaga nr. 123/2010 og 15. gr. laga um umhverfismat framkvæmda og áætlana nr. 111/2021.

Úrskurður frá Úrskurðarnefnd umhverfis- og auðlindamála þar sem tekin var fyrir kæra á ákvörðun byggingarfulltrúa Hvalfjarðarsveitar frá 30. júní 2023 um að kæranda verði gert að fjarlægja frístundahús af landi Þórisstaða.

Úrskurður frá Úrskurðarnefnd umhverfis- og auðlindamála þar sem tekin var fyrir kæra á ákvörðun byggingarfulltrúa Hvalfjarðarsveitar frá 16. júní 2023 um að fella niður byggingarleyfi fyrir einbýlishúsi með bílgeymslu á lóðinni nr. 5. við Lækjarmel í Melahverfi.