Umhverfis- skipulags- náttúruverndar- og landbúnaðarnefnd

Tillaga að deiliskipulagi fyrir Melahverfi, 3. áfanga, frá Eflu verkfræðistofu.

Á fundinn mættu Ásgeir Jónsson og María Björk Gunnarsdóttir og fóru yfir tillöguna.

Erindi frá Jóni Sveinssyni og Guðrúnu Sigríði Magnúsdóttur.

Ósk um umsögn vegna stofnunar lögbýlis í Skorholtsnesi og í eyjunni Akurey í Grunnafirði.

Nafn lögbýlisins verður Akurey.

Stærð fyrirhugaðs lands verður um 21,4 hektarar.

Fyrirhuguð starfsemi verður einkum Skógrækt og æðar- og dúnrækt.

Erindi frá Magnúsi Inga Hannessyni, Eystri-Leirárgörðum.

Með erindinu óskar Magnús eftir að breyta heiti á íbúðarlóðinni Eystra-Leirárgarðalandi, landeignanúmer 199966, í Mið-Leirárgarða.

Skv. erindinu er þetta nafn með tilvísun til heitis á annarri Leirárgarðajörðinni áður en þær voru sameinaðar eftir 1918.

Stærð lóðarinnar er 5.017 m2 og er hún í eigu þriggja aðila.

Erindi frá Thorwald Westmaas hjá Naturally Iceland.

Sótt er um leyfi til að breyta skipulagi á svæði úr landi Litla-Botnslands, landeignanúmer 224375.

Fyrirhuguð er starfsemi m.a. vegna gistireksturs.

Erindi frá Arnhöfða ehf. varðandi spilduna Læk Hafnarlandi, landeignanúmer L210327

Gerð er fyrirspurn um hvort heimilað væri að breyta landnotkun aðalskipulags vegna fyrirhugaðrar ferðaþjónustustarfsemi og gera deiliskipulag vegna þess.

Aðalskipulag Hvalfjarðarsveitar 2020-2032 gerir ráð fyrir frístundabyggð á svæðinu en ekkert deiliskipulag er fyrir hendi.

Erindi frá frá Ríkey Ástu Þorsteinsdóttur f.h. landeiganda og Yggdrasill Carbon.

Sótt er um framkvæmdaleyfi til skógræktar á Leirá, landeignarnúmer 133774.

Um er að ræða 34,3 ha skógrækt á 38,8 ha landsvæði.

Með erindinu fylgdi m.a. umsögn um verkefnið, ræktunaráætlun og umsögn Minjastofnunar vegna verkefnisins.

Svæðið er á skilgreindu landbúnaðarlandi L2 og á frístundasvæði F36.

Erindi frá Heilbrigðisnefnd Vesturlands.



Á 126. fundi Umhverfis-, skipulags- og náttúrverndarnefndar Hvalfjarðarsveitar var fjallað um ósk Líflands ehf, um staðfestingu vegna nýrrar verksmiðju.

Eftirfarandi bókun var gerð:



"Umhverfis-, skipulags- og náttúruverndarnefnd tekur jákvætt í erindið en vill minna á að svæðið er innan þynningarsvæðis sem sjá má á sveitarfélagsuppdrætti í gildandi aðalskipulagi sveitarfélagsins vegna stóriðjunnar á Grundartanga. Í gildandi aðalskipulagi er þynningarsvæðið undir eftirliti Umhverfisstofnunar en er víkjandi í endurskoðun á aðalskipulagi 2020-2032.

Nefndin leggur til við málsaðila að leita umsagnar viðeigandi stofnana í matvælaiðnaði."



Með tölvupósti dags. 8. nóvember 2023 kom fram eftirfarandi:

Heilbrigðisnefnd Vesturlands hefur móttekið erindi frá Líflandi þar sem óskað var eftir endurupptöku vegna synjunar á starfsleyfi fyrir hveitimyllu á Grundartanga.



Á 165. fundi Heilbrigðisnefndar Vesturlands þann 10. febrúar 2021 var fjallað um málið.



Beiðni um endurupptöku kemur til af því að fyrirtækinu hefur verið sagt upp lóðinni þar sem hveitimyllan er starfrækt í Reykjavík og sér fyrir sé samlegðaráhrif ef leyfi fæst til að færa starfsemina á Grundartanga þar sem fyrirtækið rekur fóðurverksmiðju og þar sem einnig er geymsla á uppskipuðu hveiti. Fyrirtækið hefur óskað eftir að Heilbrigðisnefnd svari erindinu eins hratt og verða mál. Því er óskað eftir að svar berist sem fyrst. Faxaflóahafnir og Hvalfjarðarsveit gáfu á sínum tíma jákvæðar umsagnir og er spurt hvort einhverjar forsendur hafi breyst frá því að leyfið var tekið síðast fyrir.

Drög að reglum um skilti í Hvalfjarðarsveit.