Sveitarstjórn

2211001F

2211004F

• 2.2 2211017 Erindi - ósk um aukafjárveitingu vegna sérfræðiþjónustu
  Fræðslunefnd - 45 Fræðslunefnd leggur til við sveitarstjórn að gerður verði viðauki við fjárhagsáætlun 2022 að upphæð kr. 730.000,- á lið 4391 Önnur sérfræðiþjónusta. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar ásamt framlögðum viðauka nr. 24 við fjárhagsáætlun ársins 2022 til aukafjárveitingar að fjárhæð 730þús.kr. á deild 04012, lykil 4391, auknum útgjöldum verður mætt með lækkun fjárheimilda á deildum 06011 og 06089, ýmsum lyklum, þar sem fyrirséð er að fjármagn á þeim deildum verður ekki fullnýtt á árinu."
  Tillagan borin undir atkvæði og samþykkt með 7 atkvæðum.
• 2.3 2210046 Erindi frá skólastjóra Heiðarskóla
  Fræðslunefnd - 45 Fræðslunefnd leggur til við sveitarstjórn að gerður verði viðauki við þessa tvo liði, annars vegar vegna kostnaðar við þvott og hreingerningar, kr. 600.000 og hins vegar vegna sérmerkingar á húsnæði og skólalóð, kr. 510.000. Bókun fundar Oddviti lagði fram eftirfarandi tillögu:
  "Sveitarstjórn samþykkir tillögu nefndarinnar ásamt framlögðum viðauka nr. 25 við fjárhagsáætlun ársins 2022 til aukafjárveitingar að fjárhæð 1.110þús.kr. á deild 04022, lykla 2890 og 4960, auknum útgjöldum verður mætt með lækkun á handbæru fé."
  Tillagan borin undir atkvæði og samþykkt með 7 atkvæðum.

2211002F

• 3.2 2210038 Úrgangsmál í Hvalfjarðarsveit
  Umhverfis- skipulags- náttúruverndar- og landbúnaðarnefnd - 9 Umhverfisfulltrúi fór yfir það helsta sem tengist þeirri vinnu sem fram hefur farið undanfarnar vikur og greindi m.a. frá:
  - Ráðstefnu um úrgangsmál á vegum SSV og fram fór mánudaginn 14. nóvember sl.
  - Helstu forsendum við uppreiknaða gjaldskrá fyrir úrgangshirðu og urðun úrgangs í Hvalfjarðarsveit.
  - Tilboði frá Íslenska Gámafélaginu í viðbótartunnur fyrir heimili í sveitarfélaginu ásamt kynningarefni í tengslum við breytta úrgangsstjórnun í samræmi við lagabreytingar sem taka gildi um næstu áramót.
  - Samstarfi sveitarfélaga og Sambandi íslenskra sveitarfélaga í málaflokknum.
  - Drögum að samþykkt um meðhöndlun úrgangs í Hvalfjarðarsveit.
  
  USNL-nefnd hefur farið yfir þau gögn sem borist hafa í tengslum við breytta úrgangsstjórnun og þær lagabreytingar sem taka gildi um næstu áramót. Framundan er enn frekari vinna og samstarf sveitarfélaga í tengslum við þessar breytingar og nýjar upplýsingar berast reglulega.
  USNL-nefnd vísar drögum að nýrri samþykkt um meðhöndlun úrgangs í Hvalfjarðarsveit til sveitarstjórnar ásamt þeim forsendum sem nefndin hefur tekið saman í tengslum við breytingarnar og uppfærða gjaldskrá í tengslum við breytta úrgangshirðu í sveitarfélaginu. Bókun fundar Vísað er til dagskrárliða 4 og 5, þar sem málin verða afgreidd.
• 3.4 2211013 Tilnefning fulltrúa í vatnasvæðanefnd í samræmi við lög nr. 36-2011 og reglugerð nr. 935-2011 um stjórn vatnamála.
  Umhverfis- skipulags- náttúruverndar- og landbúnaðarnefnd - 9 Samþykkt að tilnefna Ásu Hólmarsdóttur sem fulltrúa sveitarfélagsins í vatnasvæðanefnd.
  Endanlegri afgreiðslu vísað til sveitarstjórnar. Bókun fundar Oddviti lagði fram eftirfarandi tillögu:
  "Sveitarstjórn samþykkir tilnefningu frá nefndinni, að Ása Hólmarsdóttir verði fulltrúi sveitarfélagsins í vatnasvæðanefnd og Helga Harðardóttir varafulltrúi. Fundir hjá Vatnasvæðanefnd falla undir reglur sveitarstjórnar og ákvörðun sveitarstjórnar um fundi eða ráðstefnur utan Hvalfjarðarsveitar en greiðsla er háð skilum fundargerðar með skráðri mætingu."
  Tillagan borin undir atkvæði og samþykkt með 7 atkvæðum.
• 3.6 1909045 Vatnaskógur-Br.-deiliskipulagi
  Umhverfis- skipulags- náttúruverndar- og landbúnaðarnefnd - 9 Núverandi matskáli í Vatnaskógi var tekinn í notkun árið 1968. Húsið var byggt fyrir sumarstarfsemi og hentar ekki vel til vetrarnotkunar. Þörf er á stærri og rúmbetri matsal og fleiri snyrtingum til að tryggja aðgengi allra. Eldhúshúsið uppfyllir ekki nútíma kröfur með tilliti til vinnuaðstöðu og hefur Heilbrigðiseftirlit Vesturlands gert athugasemdir þar um. Einnig vantar geymslurými tengt eldhúsinu.
  
  Í ljósi m.a. þessa, leitaði forsvarsfólk Vatnsskógar til Guðmundar Gunnlaugssonar arkitekts hjá Archus og var hann beðinn að hanna endurbætur á núverandi matskála.
  Í kjölfarið voru gerðar tillögur að endurbótum núverandi matskála en niðurstaða arkitektsins var að heppilegra væri að byggja nýtt hús m.a. til að mæta áðurnefndum þörfum.
  Eftir að hafa skoðað málið betur var það niðurstaða Skógarmanna KFUM að fylgja ráðum arkitektsins og var hann fenginn til þess að hanna nýjan matskála á nýjum stað.
  
  Arkitektinn staðsetti húsið til móts við núverandi matskála og eru helstu rök hans og Skógarmanna KFUM fyrir staðsetningu hússins eftirfarandi:
  1) Frábært útsýni yrði úr matsal yfir Eyrarvatn og til Skarðsheiðarinnar og fyrir sunnan nýjan matskála mun myndast sólríkt svæði í skjóli fyrir ríkjandi vindátt á staðnum.
  2) Húsið yrði í línu við „Gamla skála“, elsta hús staðarins og „andlit“ hans. Staðsetning hússins tengir vel saman starfsemi beggja vegna þess.
  3) Anddyri nýja hússins bæri svip af anddyri Gamla skála og þannig munu húsin „tengjast“.
  4) Nýr matskáli yrði miðpunktur staðarins eins og núverandi matskáli er nú, þar sem auðvelt verður að tryggja aðgengi allra að húsinu á þessum stað.
  5) Staðsetning hússins er innan Lindarrjóðurs, þess hluta Vatnaskógar sem KFUM fékk afhent á sínum tíma.
  6) Hægt yrði að ljúka við byggingu nýs matskála án þess að skerða starfsemi núverandi matskála og vinna við byggingu hússins á þessum stað myndi hafa í för með sér lágmarks truflun á annarri starfsemi á staðnum.
  7) Vörumóttaka nýs matskála yrði staðsett þannig að flutningabílar ækju styttri leið um hlað staðarins.
  8) Húsið yrði vel staðsett m.t.t. brunahættu vegna skógarelda og aðkoma neyðarbíla að húsinu yrði tryggð úr tveimur áttum.
  9) Hægt verður að tengja húsið núverandi fráveitukerfi staðarins.
  10) Staðsetning hússins mun falla vel að því sem þegar hefur verið gert varðandi endanlegan yfirborðsfrágang á hlaði og stígum.
  
  Umhverfis-, skipulags-, náttúruverndar- og landbúnaðarnefnd telur að sérstakar aðstæður séu fyrir hendi varðandi staðsetningu hússins í Vatnaskógi meðal annars með tilliti til eldvarna-, öryggis- og aðgengismála, auk þess sem fleiri eldri byggingar á svæðinu séu nær vatnsbakka en 50 metrar. Í ljósi þess samþykkir nefndin að óska eftir undanþágu Umhverfis-, orku- og loftslagsráðherra vegna staðsetningar hússins skv. tillögu að deiliskipulagi svæðisins þar sem fyrirhuguð bygging matskála uppfyllir ekki ákvæði 5.3.2.14 greinar skipulagsreglugerrðar nr. 90/2014.
  Endanlegri afgreiðslu vísað til sveitarstjórnar Hvalfjarðarsveitar.
  Bókun fundar Oddviti lagði fram eftirfarandi tillögu:
  "Sveitarstjórn tekur undir með Umhverfis-, skipulags-, náttúruverndar- og landbúnaðarnefnd að sérstakar aðstæður séu fyrir hendi varðandi staðsetningu hússins í Vatnaskógi meðal annars með tilliti til eldvarna-, öryggis- og aðgengismála, auk þess sem fleiri eldri byggingar á svæðinu eru nær vatnsbakka en 50 metrar. Í ljósi þessa samþykkir sveitarstjórn, með vísan til 12. mgr. 45. gr. skipulagslaga nr. 123/2010, að óska eftir undanþágu Umhverfis-, orku- og loftslagsráðherra vegna staðsetningar hússins skv. tillögu að deiliskipulagi svæðisins þar sem fyrirhuguð bygging matskála uppfyllir ekki ákvæði 5.3.2.14. greinar skipulagsreglugerðar nr. 90/2014."
  Tillagan borin undir atkvæði og samþykkt með 7 atkvæðum.
• 3.7 2102006 Deiliskipulagsbreyting-Vestri Leirárgarðar.
  Umhverfis- skipulags- náttúruverndar- og landbúnaðarnefnd - 9 Umhverfis-, skipulags-, náttúruverndar- og landbúnaðarnefnd samþykkir fyrir sitt leyti að auglýsa breytingu á deiliskipulagi fyrir Vestri-Leirárgarða skv. fyrirliggjandi tillögu, skv. 1. mgr. 43. greinar skipulagslaga nr. 123/2010.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Oddviti lagði fram eftirfarandi tillögu:
  "Sveitarstjórn samþykkir að auglýsa breytingu á deiliskipulagi fyrir Vestri-Leirárgarða skv. fyrirliggjandi tillögu, skv. 1. mgr. 43. greinar skipulagslaga nr. 123/2010."
  Tillagan borin undir atkvæði og samþykkt með 7 atkvæðum.
• 3.8 2203057 Eyrarás, umsókn um stofnun lögbýlis úr landi Eyrar
  Umhverfis- skipulags- náttúruverndar- og landbúnaðarnefnd - 9 Umhverfis-, skipulags-, náttúruverndar- og landbúnaðarnefnd samþykkir fyrir sitt leyti að gefa jákvæða umsögn um stofnun lögbýlis að Eyrarási úr landi Eyrar í Svínadal, landeignanúmer 208936 sbr. 17. gr. jarðalaga nr. 81/2004.
  Endanlegri afgreiðslu vísað til sveitarstjórnar Hvalfjarðarsveitar. Bókun fundar Oddviti lagði fram eftirfarandi tillögu:
  "Sveitarstjórn samþykkir að gefa jákvæða umsögn um stofnun lögbýlis að Eyrarási úr landi Eyrar í Svínadal, landeignanúmer 208936, sbr. 17. gr. jarðalaga nr. 81/2004."
  Tillagan borin undir atkvæði og samþykkt með 7 atkvæðum.

2210038

2210038

2208038

2204043

2205014

2211029

2211016

2211025

2211033

2211014

2211034

2204059

2211028