Menningar- og markaðsnefnd

Magnús Ver Magnússon sat fundinn undir þessum dagskrárlið og þakkar nefndin honum fyrir góða kynningu um verkefnið Víkingurinn 2024, keppni sterkustu manna landsins, sem fara mun fram á Vesturlandi dagana 28.-30. júní. nk.

Góðar umræður fóru fram um verkefnið sem felur í sér að Hvalfjarðarsveit verði eitt af fjórum sveitarfélögum sem keppnin fari fram í og keppt verði í tveimur greinum í Hvalfjarðarsveit. Auk sjónvarpsútsendingar frá keppninni sjálfri er birting sjónvarpsefnis hjá ríkissjónvarpinu sem skilað hefur góðri umfjöllun um hvern stað, staðhætti, sögu og annað menningartengt.

Menningar- og markaðsnefnd leggur til við sveitarstjórn að samþykkja þátttöku í verkefninu Víkingurinn 2024 með styrkveitingu að fjárhæð kr. 250.000 auk kvöldmáltíðar fyrir þátttakendur, tökumann og stjórnanda. Verkefnið rúmast innan fjárhagsáætlunar ársins.

Umsóknir lagðar fram. Afgreiðslu umsókna í Menningarsjóð Hvalfjarðarsveitar frestað til næsta fundar.

Menningar- og markaðsnefnd felur formanni og oddvita að vinna málið og senda inn umsókn í samvinnu við mannvirkja- og framkvæmdanefnd.

Jón Allansson deildarstjóri við Byggðasafnið í Görðum mun afhjúpa sögu- og merkistaðaskiltið við Hléseyjarveg á Uppstigningardag, fimmtudaginn 9. maí nk. kl. 13:00. Á skiltinu er fjallað um kafbátagirðingu bandamanna sem lá á botni Hvalfjarðar í seinni heimsstyrjöldinni, Katanesdýrið og hvalbein í Akrafjalli. Að afhjúpun lokinni verður boðið upp á veitingar á Byggðasafninu í Görðum á Akranesi þar sem hvalbeinin eru varðveitt.

Frístunda- og menningarfulltrúi fór yfir stöðuna á skilti sex.

Miðvikudaginn 27. mars síðastliðinn fór fram vel heppnuð páskaeggjaleit í Álfholtsskógi í Hvalfjarðarsveit.

Menningar- og markaðsnefnd Hvalfjarðarsveitar þakkar öllum þeim sem komu og tóku þátt í páskaeggjaleitinni kærlega fyrir komuna og forsvarsmönnum Skógræktarfélags Skilmannahrepps eru færðar bestu þakkir fyrir að skipuleggja og halda utan um páskaeggjaleitina.

Erindi frá Forsætisráðuneyti fyrir hönd afmælisnefndar 80 ára afmælis lýðveldisins þar sem fylgt er eftir bréfi til sveitarfélaganna dags. 5. febrúar sl. lagt fram til kynningar.

Umræður um skipulag og framkvæmd Hvalfjarðardaga 2024 fóru fram. Unnið verður áfram í skipulagi á milli funda.