Menningar- og markaðsnefnd

Tvær umsóknir bárust um styrk í Menningarsjóð Hvalfjarðarsveitar. Kirkjukór Saurbæjarprestakalls hyggur á tónleikahald í haust og biður um styrk vegna þess verkefnis og Foreldrafélag Leik- og grunnskóla Hvalfjarðarsveitar sækir um 300.000 kr. styrk fyrir sumargleði. Menningar- og markaðsnefnd samþykkir að veita kórnum 250.000 kr. styrk og Foreldrafélagi Leik- og grunnskóla Hvalfjarðarsveitar 250.000 kr. styrk.

Unnið að skipulagningu Hvalfjarðardaga og farið yfir hvernig staðan er á ýmsum verkefnum sem nefndarmenn hafa tekið að sér.

Farið yfir stöðu á Markaðs- og kynningarátaki í Hvalfjarðarsveit. Myndbandið "Að búa í Hvalfjarðarsveit" hefur nú verið í birtingu á samfélagsmiðlum í rúman mánuð og myndbandið var birt í sjónvarpi í apríl mánuði. Myndbandið "Að ferðast um Hvalfjarðarsveit" verður í birtingu í sjónvarpi og á samfélagsmiðlum í maí mánuði.

Nefndin fór yfir stöðu á skiltum þrjú og fjögur. Afhjúpun á skilti þrjú verður á sumardaginn fyrsta kl. 12:00 á Leirá. Auglýsingastofan mun skila próförk að skilti fjögur þann 25. apríl. Nefndin vonast til að hægt verði að setja niður skilti fjögur fyrir lok kjörtímabils.

Katrín Jakobsdóttir forsætisráðherra mun afhjúpa söguskiltið á Leirá á sumardaginn fyrsta, fimmtudaginn 21. apríl nk. kl. 12:00. Á skiltinu er farið yfir sögu Leirárkirkju, prentsmiðjuna á Leirárgörðum og Beitistöðum og sagt frá Magnúsi Stephensen og Jóni Thoroddsen. Að afhjúpun lokinni mun Ásgeir Kristinsson frá Leirá segja frá sögu staðarins. Kór Saurbæjarprestakalls syngur nokkur lög og boðið verður upp á veitingar sem sóknarnefnd Innra-Hólmskirkju sér um.

Menningar- og markaðsnefnd hvetur sveitunga til að fjölmenna á afhjúpunina. Það eru allir velkomnir.

Lagt fram.