Menningar- og markaðsnefnd

Unnið var að skipulagningu Hvalfjarðardaga sem verða haldnir helgina 19.-21. júní 2020.

Farið var yfir stöðu mála. Nefndin fagnar 600.000 kr. styrk til verkefnisins frá Uppbyggingarsjóði Vesturlands. Beðið er eftir fundi með fulltrúa Vegagerðarinnar varðandi staðsetningu skilta en ekki er hægt að ráðast í hönnun skiltanna fyrr en svör frá Vegagerðinni liggja fyrir.
Einnig er búið að senda inn styrktarumsókn til Styrktarsjóðs EBÍ.

Kvenfélagið Lilja hefur tekið að sér að sjá um hátíðarhöld og kaffiveitingar á 17. júní.

Rætt um möguleika á að standa fyrir tónleikum á góunni.

Nefndin tekur undir með Ungmennaráði Hvalfjarðarsveitar að markaðsetja þurfi sveitarfélagið betur og með markvissari hætti. Ungmennaráð bendir í því sambandi á að nota samfélagsmiðla betur. Menningar- og markaðsnefnd vill í því sambandi minna á tillögur sínar varðandi facebook síðu fyrir sveitarfélagið þar sem starfsmenn og stofnanir kæmu að jákvæðum fréttum úr sveitarfélaginu.