Fræðslunefnd

Fræðslunefnd leggur til við sveitarstjórn að nýta heimild til framlengingar samnings við Skagaverk ehf. um skólaakstur til eins árs og verður samningurinn þá framlengdur til júlí 2025.

Fræðslunefnd felur frístunda- og menningarfulltrúa að vinna málið áfram í samvinnu við leikskólastjóra, leikskólasérkennara og MSHA.

Fræðslunefnd barst beiðni um þátttöku nemenda á unglingastigi í Heiðarskóla í rannsókn sem ber heitið, Inngrip til að minnka notkun á snjallsímum og áhrif þess á líðan, lífsgæði og svefn. Markmið rannsóknarinnar er að kanna hvort fræðsla um snjallsímanotkun og kynning á verkfærum sem eru innbyggð í farsíma dragi úr snjallsímanotkun notanda og rímar því vel við stefnu margra grunnskóla að draga úr notkun snjallsíma hjá nemendum. Einnig mun rannsóknin gefa mikilvægar upplýsingar um hvort minnkuð notkun snjallsíma breyti líðan og bæti svefngæði unglinga.

Fræðslunefnd tekur vel í innsent erindi og samþykkir rannsóknarleyfi á meðal unglinga í 8.- 10. bekk í Heiðarskóla.

Farið var yfir drög að skóladagatali Skýjaborgar 2024-2025.

Farið var yfir drög að skóladagatali Heiðarskóla 2024-2025.

Farið var yfir skipulag og starfsmannahald fyrir SumarGaman sumarið 2024. Stefnt er að því að senda út auglýsingu til foreldra fljótlega og fá skráningu fyrir páskaleyfi.

Fræðslunefnd felur skólastjóra að vinna áfram að skipulagi fyrir SumarGaman 2024.

Skólastjóri kynnti skipulag Frístundar á haustönn 2023-2024. Frístund hefur gengið vel og börnin virðast njóta sín.

Fræðslunefnd þakkar skólastjóra fyrir góða yfirferð á frístundastarfi haustannar.

Lagt fram til kynningar.

Lagt fram til kynningar.