Fræðslunefnd

a) Varaformaður
Lögð fram tillaga um Elínu Ósk Gunnarsdóttur sem varaformann nefndarinnar. Samþykkt samhljóða.

b) Ritari
Lögð fram tillaga um Berglindi Ósk Jóhannesdóttur sem ritara nefndarinnar. Samþykkt samhljóða.

Fræðslunefnd fór yfir og uppfærði reglur Frístundar Heiðarskóla og felur frístunda- og menningarfulltrúa að vinna áfram að uppfærðum reglum.

Fræðslunefnd hafnar beiðni um viðauka en samþykkir tilfærslu fjárheimilda milli einstakra liða undir rekstri Heiðarskóla samkvæmt ákvörðun skólastjóra vegna þessa kostnaðar.

Fræðslunefnd vísar málinu til afgreiðslu sveitarstjórnar.

Vegna breytinga sem hafa orðið á barnafjölda hefur útreikningur á stöðugildaþörf í Skýjaborg breyst og leggur Fræðslunefnd til við sveitarstjórn að samþykkja breytta áætlaða stöðugildaþörf í Skýjaborg fyrir skólaárið 2023-2024 í samræmi við þau gögn sem leikskólastjóri lagði fram.

Skólastjóri Heiðarskóla fór yfir drög að haustönn Heiðarskóla.

Farið yfir fjölda nemenda, starfsmanna sem og verkefni vetrarins.

Leikskólastjóri Skýjaborgar fór yfir áætluð verkefni vetrarins, starfsmannahald og fjölda barna sem skráð eru í leikskólann í haust.

Skólastjóri Heiðarskóla fór yfir starfsmannahald og starfsemi SumarGaman 2023. Starfið fer vel af stað, mörg börn skráð til þátttöku og mikil ánægja er meðal þeirra.

SumarGaman er í þróun og telur Fræðslunefnd gagnlegt að gerðar verði skýrari reglur fyrir starfið næstu ár eftir reynslu sumarsins.

Skólastjóri Heiðarskóla fór yfir samantekt á Frístund síðasta skólaárs, 2022-2023. Gagnlegt og fróðlegt er að fá slíka samantekt og vill Fræðslunefnd þakka skólastjóra fyrir yfirferðina.

Lagt fram til kynningar.

Fræðslunefnd þakkar vinnuhópi sem lokið hefur störfum við að leiða innleiðingarstarfið á samþættri þjónustu í þágu farsældar barna fyrir vel unnin störf. Samþætting þjónustu mun hefjast í Hvalfjarðarsveit haustið 2023.