Fræðslunefnd

Fræðslunefnd leggur til við sveitarstjórn að samþykkja stefnu Skýjaborgar í stuðnings- og sérkennslumálum með áorðnum breytingum.

Það staðfestist hér með að umbótaáætlun sveitarfélagsins og Heiðarskóla í kjölfar úttektarskýrslu á starfsemi skólans er lokið. Líkt og fram kemur í svari skólastjóra eru samt sem áður margir matsþættir í viðvarandi vinnslu og verða áfram metnir í sjálfsmati skólans. Umbótavinnan hefur gengið mjög vel og hefur verið faglega unnin af starfsfólki skólans. Úttektin hefur verið mjög gagnleg fyrir sveitarfélagið og skólastarfið í Heiðarskóla.

Í gangi er endurskoðun á skólastefnu Hvalfjarðarsveitar. Staða vinnunnar var kynnt fyrir nefndarmönnum. Liður í endurskoðuninni er að óska eftir yfirlestri og álitum frá hagsmunaaðilum, starfsfólki skólanna, foreldrum, börnunum sjálfum og nefndum sveitarfélagsins sem málin varða, á nokkrum stigum málsins. Fræðslunefnd óskar eftir því að skólastefnan fari til yfirlestrar og umsagnar í Fjölskyldu- og frístundanefnd og Mannvirkja- og framkvæmdanefnd um þá hluta er snúa að þeim nefndum.

Skólastjórar fara yfir breytingar á nemendafjölda og starfsmannahaldi.

Lagt fram til kynningar og leikskólastjóra falið að kanna áhuga hjá sínu starfsfólki.