Fræðslunefnd

Fræðslunefnd samþykkir samhljóða ósk um færslu á skipulagsdegi í Skýjaborg frá föstudeginum 14. febrúar til mánudagsins 17. febrúar n.k.

Fræðslunefnd leggur til við sveitarstjórn að samþykkja umsókn um leikskóladvöl barna Soffíu Önnu Sveinsdóttur og Guðmundar G. Brynjólfssonar til þriggja mánaða í samræmi við 5. gr. Reglna Hvalfjarðarsveitar um kostnaðarþátttöku og leikskóladvöl barna utan lögheimilissveitarfélags. Með þeim fyrirvara að leikskólinn geti tekið á móti börnunum. Fyrir liggur samþykki á kostnaðarþátttöku lögheimilissveitarfélags.

Fræðslunefnd er falið að tilnefna í stýrihóp um endurskoðun á skólastefnu Hvalfjarðarsveitar. Fræðslunefnd leggur til að stýrihópurinn verði skipaður af skólastjórnendum, tveimur fulltrúm foreldra leik- og grunnskóla, tveimur starfsmönnum leik- og grunnskóla, tveimur fulltrúum fræðslunefndar og tveimur fulltrúum nemenda. Fræðslunefnd felur skólastjórnendum að finna fulltrúa starfsfólks og nemenda auk þess er foreldrafélaginu falið að finna fulltrúa foreldra. Fulltrúar fræðslunefndar munu boða til fyrsta fundar stýrihópsins í byrjun febrúar.Fulltrúar Fræðsunefndar verða Elín Ósk Gunnarsdóttir og Dagný Hauksdóttir og munu þær boða til fyrsta fundar stýrishópsins í byrjun febrúar.

Fræðslunefnd hefur áhuga á að fara stefnumótunarvinnu er snýr að Félagsmiðstöðinni 301 og Frístund. Nefndin leggur til við sveitarstjórn að fela Fræðslunefnd og Fjölskyldunefnd að móta stefnu í íþrótta-, æskulýðs- og tómstundarmálum.

Nefndin stefnir að því að leggja viðhorfskönnun fyrir foreldra, starfsfólk og nemendur á næstu vikum, Farið var yfir drög að spurningum fyrir könnunina og frístunda- og menningarfulltrúa falið að vinna málið áfram.

SLG fer yfir niðurstöður Skólapúlsins 2019.

Í ljósi þess að erfiðlega hefur gengið að ráða í 50% stöðu matráðs við Leikskólann Skýjaborg og vegna þeirrar þróunar sem verið hefur í fækkun barna bæði í leik- og grunnskóla vill fræðslunefnd kanna möguleika á því að leysa málið á annan hátt. Ef ekki tekst að manna leggur fræðslunefnd til að gerð verði tímabundinn tilraun til að elda hádegisverðinn fyrir leikskólann í mötuneyti í Heiðarskóla og hann fluttur í hitakössum á milli starfsstöðva.
Nefndin leggur til að unnin verði að gerð verklags og það kostnaðarametið.

Um er að ræða samning sem gerður er á milli UMSB og Hvalfjarðarsveitar til að gæta jafnræðis allra íbúa á starfssvæði UMSB til að nýta sér þjónustu sambandsins. Starfssvæði UMSB nær yfir þrjú sveitarfélög; Borgarbyggð, Hvalfjarðarsveit og Skorradalshrepp. Samningur lagður fram til kynningar.

Lagt fram til kynningar.