Fræðslu- og skólanefnd 2014-2018

Félagsmálastjóri sagði nefndarmönnum frá verklagsreglum starfsfólks leik- og grunnskóla í barnaverndarmálum.

Farið yfir drög að reglum Afrekssjóðs Hvalfjarðarsveitar. Nefndin samþykkir reglurnar með smávægilegum breytingum. Félagsmálastjóra falið að lagfæra reglurnar. Reglunum vísað til afgreiðslu sveitarstjórnar.

Meirihluti nefndar samþykkir áframhaldandi leikskóladvöl til þriggja mánaða í samræmi við 3.gr. reglna Hvalfjarðarsveitar um kostnaðarþátttöku og leikskóladvöl barna utan lögheimilissveitarfélags. Tekið skal tillit til útlagsð kostnaðar við gerð fjárhagsáætlunar 2016. Félagsmálastjóra er falið að vinna málið áfram í þeim tilgangi að upplýsa um aðstæður barns og foreldra í samræmi við reglur og umræður á fundinum.
BPFV: Ekki eru nægjanleg félagsleg rök í umsókninni um áframhaldandi leikskóladvöl á Akranesi í samræmi við reglur Hvalfjarðarsveitar um kostnaðarþátttöku og leikskóladvöl barna utan lögheimilissveitarfélags.

Umræðum um fjárhagsáætlun frestað til næsta fundar.

Umræður um stýrihóp vegna vinnu við endurskoðun á skólastefnu Hvalfjarðarsveitar. Skólastjóra falið að tilnefna fulltrúa úr leik- og grunnskóla. Formanni nefndarinnar falið að óska eftir fulltrúa úr foreldrafélaginu.

Nefndin leggur til smávægilegar breytingar að drögum að tillögu um viðmið um akstur skólabifreiða.