Fræðslu- og skólanefnd 2014-2018

JRH kynnti skóladagatalið fyrir nefndinni. Fræðslu- og skólanefnd leggur til við sveitarstjórn að samþykkja skóladagatal Heiðarskóla fyrir skólaárið 2015-2016.

JRH kynnti skóladagatal Skýjaborgar fyrir nefndinni. Fræðslu- og skólanefnd leggur til við sveitarstjórn að samþykkja skóladagatal Skýjaborgar fyrir skólaárið 2015-2016.

Farið yfir útleigureglur Heiðarskóla. Formanni nefndarinnar falið að gera breytingar á reglum er varða framleigu húsnæðisins, að þeim breytingum gerðum samþykkir nefndin útleigureglurnar.

Farið yfir útleigureglur Heiðarborgar. Reglurnar samþykktar samkvæmt bókun síðasta fundar nr. 118.

JRH kynnti starfsmannamál og stöðugildi Skýjaborgar. Fræðslu- og skólanefnd leggur til við sveitarstjórn að auka stöðugildi í Skýjaborg um 0,4 fyrir næsta skólaár í samráði við útreikninga verklagsreglna um barngildi, þar sem það er stefna sveitarfélagsins að taka inn börn frá 12 mánaða aldri að því gefnu að það sé laust pláss á leikskólanum.