Fjölskyldunefnd 2015-2018

Félagsmálastjóri leggur fram drög að reglum um sérstakan húsnæðisstuðning. Sérstakur húsnæðisstuðningur er fjárhagsstuðningur sem ætlaður er til að lækka greiðslubyrði vegna húsnæðiskostnaðar hjá einstaklingum og fjölskyldum sem ekki eru á annan hátt færir um að sjá sér fyrir húsnæði eða eru með íþyngjandi húsnæðiskostnað sökum
lágra launa og þungrar framfærslubyrðar og/eða annarra félagslegra erfiðleika. Nefndin fór yfir drög að reglum um sérstakan húsnæðisstuðning og felur félagsmálastjóra að vinna áfram að drögum og þeim athugasemdum sem gerðar voru.

Félagsmálastjóri gerir grein fyrir kynningarfundi um málefni húsnæðisáætlana sem Íbúðalánasjóður stóð fyrir þann 28. febrúar sl.

Félagsmálastjóri og formaður fara yfir stöðuna í búsetuþjónustu fatlaðs fólks.

Félagsmálastjóri og formaður fara yfir ársyfirlit vegna ársins 2016. Ennfremur farið yfir stöðu á fjárhagsáætlun 2017 og einstaka liðir áætlunar ræddir.

Formaður fer yfir önnur mál.