Fjölskyldu- og frístundanefnd

Nefndin tilnefnir Sigríði Elínu Sigurðardóttur og Þorstein Ólafsson í ungmennaráð Hvalfjarðarsveitar. Nefndin vísar tilnefningu þeirra til afgreiðslu hjá sveitarstjórn.

Vegna forvarnarverkefnis er lagt til við sveitarstjórn að samþykkja viðauka að upphæð 100,000 kr. inn á forvarnarlið nr. 02033. Beiðni nefndarinnar er vísað til afgreiðslu hjá sveitarstjórn.

Kynjahlutfall tilnefndra fulltrúa af sveitarstjórn í nefndum, ráðum og stjórnum Hvalfjarðarsveitar ásamt kjörnum fulltrúum sveitarstjórnar er eftirfarandi: Aðalmenn 27 kk eða 53% og 24 kvk eða 47%. Varamenn 25 kk eða 50% og 25 kvk eða 50%.

Nefndin telur ánægjulegt hve vel hefur tekist til að halda góðu jafnvægi á kynjahlutfalli en í eldri jafnréttisstefnu er kveðið á um að hlutfall kynjanna eigi að vera eins jafnt og hægt er og aldrei undir 40%.

Nefndin vann að nýrri jafnréttisstefnu Hvalfjarðarsveitar og leggur hana til afgreiðslu hjá sveitarstjórn.

Erindi fært í trúnaðarbók.

Erindi fært í trúnaðarbók

Erindi fært í trúnaðarbók

Nefndin fór yfir fjárhagsáætlun fjölskyldu- og frístundanefndar árið 2018. Núverandi staða var greind og voru umræður varðandi fjárhagsáætlun ársins 2019.

Lagt fram til kynningar

Formaður greindi frá forvarnarsamningi sem er í vinnslu. Nefndin felur formanni að halda áfram við vinnslu samningsins og afgreiðslu hans.

Formaður greindi frá fundi sem fulltrúar Hvalfjarðarsveitar áttu með fulltrúum Borgarbyggðar varðandi barnaverndarmál.

Engin önnur mál voru tekin fyrir.