Fjölskyldu- og frístundanefnd

Trúnaðarmál tekin fyrir í Fjölskyldu- og frístundanefnd.

Farið yfir niðurstöður frumkvæðisathugunar Gæða- og eftirlitsstofnunar á reglum sveitarfélaga um stoð og stuðningsþjónustu. Félagsmálastjóra falið að vinna áfram með niðurstöðurnar.

Abler er kerfi sem er ætlað þjálfurum, iðkendum, foreldrum, forráðamönnum og öðru starfsfólki. Abler einfaldar skipulag, samskipti, greiðslur og yfirsýn. Í byrjun árs gerði Hvalfjarðarsveit samning til reynslu í eitt ár við Abler ehf. um notkun Hvata styrkjakerfis ásamt skráningar- og greiðslukerfinu Abler (áður Sportabler). Markmiðið með slíkum samning var að einfalda íbúum Hvalfjarðarsveitar að nýta tómstundastyrkinn sem og að auðvelda afgreiðslu tómstundastyrkja. Abler hefur reynst vel á reynslutímanum og eru merki um að fleiri séu að nýta tómstundastyrkina. Með nýjum samningi við Abler mun einnig bætast við fleiri möguleikar á nýtingu kerfisins.

Fjölskyldu- og frístundanefnd leggur því til við sveitastjórn að semja við Abler um áframhaldandi þjónustu.

Samkvæmt Jafnréttisstefnu Hvalfjarðarsveitar hefur nefndin m.a. það hlutverk að kanna árlega kynjahlutfall í nefndum, ráðum og stjórnum á vegum Hvalfjarðarsveitar. Við skipan í stjórnir, ráð og nefndir á vegum sveitarfélagsins skal hlutfall kynjanna vera sem jafnast og ekki undir 40% kynjahalli.

Kynjahlutföll nefndarmanna í stjórnum, ráðum og nefndum, bæði aðal- og varamanna árið 2024, eru karlar, 58 og 64 konur.
Kynjahlutfallið er því þannig að karlar eru 48% og konur eru 52% í stjórnum, nefndum og ráðum á vegum Hvalfjarðarsveitar. Nefndin gerir ekki athugasemdir til sveitarstjórnar við stöðu mála.

Fjölskyldu- og frístundanefnd gerir ekki athugasemdir við drög að samningi milli þjónustukerfa og starfsreglum samhæfingarteyma. Nefndin samþykkir að veita félagsmálastjóra umboð til undirritunar samningsins. Erindinu vísað til sveitarstjórnar.

Lagt fram.

Lagt fram.

Lagt fram. Félagsmálastjóra og Frístunda- og menningafulltrúa falið að vinna áfram að fjárhagsáætlun útfrá umræðum á fundi.

Farið var yfir rekstur á sundlauginni að Hlöðum sumarið 2024. Umræða var á fundinum um skipulag og framtíðarsýn sundlaugarinnar.

Lagt fram til kynningar.

Ungmennaþing Vesturlands verður haldið í Ölver, Hvalfjarðarsveit dagana 25.-27. október. Fjölskyldu- og frístundanefnd hvetur ungmenni í sveitarfélaginu að taka þátt.