Fjölskyldu- og frístundanefnd

Ein umsókn barst í afrekssjóð Hvalfjarðarsveitar frá Guðbjörgu Bjarteyju Guðmundsdóttur. Umsóknin uppfyllir skilyrði sjóðsins. Guðbjörg er hluti af afrekshópi Sundfélags Akraness, er í unglingalandsliðinu í sundi og öðlaðist nýverið þátttökurétt í æfingarbúðum erlendis. Guðbjörg hefur unnið til fjölda verðlauna í sundi undanfarin ár og nýverið hlaut hún brons verðlaun í 50 m. flugsundi og í 4*50 m. skriðsundi kvenna á íslandsmeistaramóti í 25 m. laug.

Nefndin ákvað að veita Guðbjörgu afreksstyrk að upphæð 150,000 kr. og óskar henni velfarnaðar og góðs gengis í sundinu.

Nefndin fór yfir drög að samningi Hvalfjarðarsveitar við Akraneskaupstað um kaup á þjónustu Fjöliðjunnar Vinnu- og endurhæfingarstöðvar fyrir fatlað fólk. Nefndin samþykkir samninginn og vísar samningnum til sveitarstjórnar til samþykktar.

Nefndin samþykkir uppfærðar reglur um heimagreiðslur. Breytingin felur í sér hækkun á heimagreiðslum, úr 35.000kr. í 45.000kr. ásamt öðrum minniháttar breytingum. Nefndin vísar uppfærðum reglum til samþykktar hjá sveitarstjórn.

Samkvæmt Jafnréttisstefnu Hvalfjarðarsveitar hefur nefndin m.a. það hlutverk að kanna árlega kynjahlutfall í nefndum, ráðum og stjórnum á vegum Hvalfjarðarsveitar. Við skipan í stjórnir, ráð og nefndir á vegum sveitarfélagsins skal hlutfall kynjanna vera sem jafnast og ekki undir 40% kynjahalli.

Kynjahlutföll nefndarmanna í stjórnum, ráðum og nefndum, bæði aðal- og varamanna, eru 53 karlar og 54 konur.
Kynjahlutfallið er því þannig að karlar eru 49,5% og konur eru 50,5% í stjórnum, nefndum og ráðum á vegum Hvalfjarðarsveitar. Nefndin gerir ekki athugasemdir til sveitarstjórnar við stöðu mála.

Fært í trúnaðarbók.

Fært í trúnaðarbók.

Fært í trúnaðarbók.

Fært í trúnaðarbók.

Fært í trúnaðarbók.

Félagsmálastjóri kynnti nefndinni fyrir nýju skipulagi á sviði barnaverndar.

Lagt fram.