Fjölskyldu- og frístundanefnd

Knattspyrnufélagi ÍA er þakkað fyrir erindið.
Vilji er fyrir samstarfi og óskað hefur verið eftir að knattspyrnufélagið komi og kynni starfsemina fyrir börnum í Hvalfjarðarsveit.
Nefndin felur frístunda- og menningarfulltrúa að vinna málið áfram í samstarfi við Knattspyrnufélagið.

Á 24. fundi nefndarinnar var farið yfir drög að nýjum reglum um stuðnings- og stoðþjónustu í Hvalfjarðarsveit. Nefndin hefur yfirfarið reglurnar og samþykkir þær.

Nefndin vísar nýjum reglum um stuðnings- og stoðþjónustu í Hvalfjarðarsveit til samþykktar hjá sveitarstjórn og leggur til að reglur Hvalfjarðarsveitar um félagslega liðveislu, reglur um félagslega heimaþjónustu og reglur um akstursþjónustu verði felldar úr gildi.

Á 24. fundi nefndarinnar var erindið lagt fyrir og félagsmálastjóra ásamt formanni var falið að funda með bréfritara og fór sá fundur fram þann 19. maí sl. Erindið fjallar í stuttu máli um stuðning og ráðgjöf náms- og starfsráðgjafa við ungmenni og forráðamenn eftir grunnskóla. Tilgangurinn er að aðstoða ungmenni við að átta sig á styrkleikum sínum, færni og áhuga til að eiga auðveldara með að ákveða stefnu í námi eða starfi.

Nefndin ætlar að taka þennan hluta erindis Katrínar til frekari skoðunar.

Erindi Katrínar fjallar einnig um náms- og starfsráðgjöf við starfslok íbúa Hvalfjarðarsveitar. Þar fjallar Katrín um þörfina á því að efla upplýsingar og þjónustu við eldra fólk m.a. við undirbúning starfsloka og lífið eftir starfslok til að auka lífsgæði.

Nefndin leggur til í samstarfi við Katrínu Rós að hún verði með fræðsluerindi um náms- og starfsráðgjöf við starfslok fyrir eldri íbúa í Hvalfjarðarsveit. Frístunda- og menningarfulltrúa var falið að sjá um skipulagninguna.

Umsóknarfrestur var framlengdur til 28. maí sl. og liggur fyrir ein umsókn frá Foreldrafélagi leik- og grunnskóla Hvalfjarðarsveitar. Í umsókninni er óskað eftir 150,000 kr. styrk til sumarhátíðar fyrir fjölskyldur í Hvalfjarðarsveit og uppfyllti umsóknin skilyrði sjóðsins.

Nefndin ákvað að styrkja Foreldrafélag leik- og grunnskóla Hvalfjarðarsveitar um 150,000 kr. og vísar afgreiðslu málsins til sveitarstjórnar.

Afgreiðsla málsins færð í trúnaðarbók.

Afgreiðsla málsins færð í trúnaðarbók.

Afgreiðsla málsins færð í trúnaðarbók.

Afgreiðsla málsins færð í trúnaðarbók.

Félagsmálastjóri fór yfir drög að nýjum reglum um stuðningsfjölskyldur.

Umræður voru um nýju reglurnar og lagt til að lokaútgáfa þeirra væri klár á næsta fundi nefndarinnar.

Ekki er unnt að bjóða upp á leikjanámskeið í júní. Umræður um mögulegt leikjanámskeið í tvær vikur í ágúst áður en skólastarf hefst. Frístunda- og menningarfulltrúa falið að skipuleggja starfið nánar.