Fjölskyldu- og frístundanefnd

Nefndin ræddi hvernig haga ætti stefnumótun í íþrótta- og tómstundamálum. Stefnumótun þessara mála er samvinnuverkefni með fræðslunefnd og felur nefndin frístundafulltrúa að skipuleggja vinnufund.

Nefndin ræddi um hvernig ráðstafa ætti úr forvarnarsjóði ársins 2020. Nefndin ákvað að fjármunir úr þeim sjóði rynni í forvarnir í skólasamfélagi Hvalfjarðarsveitar.

Nefndin fól frístundafulltrúa að kanna möguleika á samstarfi við skólastjórnendur og fræðslunefnd.

Ákveðið var í samráði við fræðslunefnd að endurskoða og uppfæra forvarnarstefnu Hvalfjarðarsveitar. Ljóst er að um samvinnuverkefni nefndanna að ræða og felur nefndin frístundafulltrúa að skipuleggja vinnufund.

Nefndin fór yfir reglur Vinnuskóla Hvalfjarðarsveitar og gerði töluverðar breytingar á þeim. Lagt er til að reglurnar verði tilbúnar til afgreiðslu á næsta fundi nefndarinnar.

Samkvæmt reglum sjóðsins skal árlega auglýsa eftir styrkbeiðnum, eigi síðar en 1. mars og úthlutun skal lokið 1. júní.

Nefndin felur frístundafulltrúa að auglýsa með hefðbundnum hætti eftir styrkbeiðnum.

Nefndin fór yfir reglur um heimagreiðslur og gerði minniháttar breytingar. Engin breyting var gerð á krónutölu styrks.

Nefndin vísar endurskoðuðum reglum um heimagreiðslur til afgreiðslu hjá sveitarstjórn.

Nefndin fór yfir reglur um fjárhagsaðstoð en skv. 9. gr. ber að endurskoða grunnfjárhæð ár hvert og hafa almennt til hliðsjónar hækkun á neysluvísitölu milli ára við ákvörðun hækkunar á krónutölu.

Nefndin ákvað að ekki væri tilefni til að hækka fjárhagsaðstoðina árið 2020.

Nefndin vísar endurskoðuðum reglum um fjárhagsaðstoð til afgreiðslu sveitarstjórnar.

Nefndin endurskoðaði reglur um akstursþjónustu eldri borgara og gerði minniháttar breytingar á reglunum.

Nefndin vísar endurskoðuðum reglum um akstursþjónustu eldri borgara til afgreiðslu hjá sveitarstjórn.

Nefndin lýsir ánægju sinni með hvernig fyrrgreindur samningur hefur reynst frá undirritun síðan 27.06.2019. Nefndin telur að vel sé staðið að fagþjónustu til sveitarfélagsins með þessum samningi.

Nefndin hvetur sveitarstjórn til að endurnýja samninginn til lengri tíma.

Frístunda- og menningarfulltrúa er falið að klára samninginn í samræmi við umræður á fundinum.

Nefndin leggur til við sveitarstjórn að gengið verður frá samstarfssamningi við UMSB samkvæmt framlögðum samningi.

Nefndin þakkar erindið en getur ekki orðið við því.

Nefndin tók fyrir til umræðu 2. lið fundargerðarinnar sem ber heitið Auglýsing um tómstundir með eftirfarandi bókun: “Ungmennaráð Hvalfjarðarsveitar ræðir um fjölbreytni í íþrótta- og tómstundastarfi sem er í boði í nágrenni Hvalfjarðarsveitar. Búa til auglýsingu um það sem er í boði sem mun fara inn á netið til upplýsinga."

Nefndin er sammála ungmennaráði að kynna vel þær íþróttir og tómstundir sem í boði eru hverju sinni. Nefndin felur frístundafulltrúa að koma upp verklagi í samstarfi við ungmennaráð og draga saman allar tómstundir og íþróttir á svæðinu sem styrkhæfar eru undir tómstundaávísun. Gert er ráð fyrir að auglýsa þær síðan með skilvirkum hætti m.a. með dreifibréfi, á internetinu og á samfélagsmiðlum amk. 2 sinnum á ári.