Ása Líndal ráðin frístundafulltrúi
Sveitarstjórn Hvalfjarðarsveitar hefur samþykkt að ráða Ásu Líndal Hinriksdóttur í nýtt starf frístundafulltrúa.
Ása er uppeldis og menntunarfræðingur og tók tómstundafræði sem aukagrein frá Háskóla Íslands.
Frá árinu 2011 hefur Ása unnið sem deildastjóri Frístundar í Grundaskóla á Akranesi.
Ása er gift Guðráði Gunnari Sigursyni sölustjóra og eiga þau þrjú börn á aldrinum 12-18 ára.
Ása mun hefja störf 3. apríl nk. og er hún hér með boðin velkomin til starfa.
Helstu verkefni og ábyrgðarsvið frístundafulltrúa eru m.a. þessi:
• Umsjón og skipulag frístundastarfs fyrir alla aldurshópa.
• Umsjón með rekstri íþróttamannvirkja og félagsmiðstöðvar.
• Skipulag og umsjón leikjanámskeiða og vinnuskóla.
• Viðburðastjórnun og kynningarstarf.
• Mótun og skipulagning forvarnarstarfs.
Skúli Þórðarson, sveitarstjóri.