Nú eru síðustu forvör að skrá barnið sitt í ungabarnasund. Það er fyrir börn 0-2 ára í Heiðarborg ef næg þátttaka næst.  Kennsla verður í höndum Ingu Bryndísar Ingvarsdóttur en hún er menntaður íþróttakennari og hefur tekið námskeið í kennslu á ungbarnasundi ásamt því að hafa kennt það síðastliðinn vetur í Reykjavík.

Ungbarnasundið hefst á morgun laugardaginn 4. september.  Um er að ræða 8 skipti frá kl. 10:00 til 10:40.

Ungbarnasundið kostar 10.000 kr á barn og hægt er að nota tómstundaávísun Hvalfjarðarsveitar sem greiðslu.

Meira...

Námskeið í SKEMMTILEGRI KVIKMYNDAGERÐ fyrir unglinga á Akranesi  og í Hvalfjarðarsveit verður haldið í Þorpinu, Akranesi, á miðvikudagskvöldum milli kl. 18:30 og 21 frá 8. september fram í nóvember.

Kennarar eru Anna Leif Elídóttir og Kristinn Pétursson.

Skráning stendur yfir til 3. september. Námskeiðsgjald er 1.500 kr. Hægt er að skrá sig á vef námskeiðsins eða hjá Heiðrúnu í Þorpinu í síma 433 1251.

Nánari upplýsingar um námskeiðið eru á vef námskeiðsins:

www.minervamidlun.is/kvik

Meira...

Heiðarskóli var settur þriðjudaginn 24. ágúst og í gær hófu 94 börn skólagöngu.  Það var spenningur og tilhlökkun meðal barnanna að hefja skólagönguna og sérstaklega meðal þeirra sem voru að koma í skólann í fyrsta sinn.

Þetta starfsár eru allir kennarar skólans með kennsluréttindi og er það nokkuð sem Heiðarskóli getur verið stoltur af.

Við óskum bæði börnum og starfsfólki skólans hjartanlega velkomin til starfa og óskum þeim velfarnaðar á komandi skólaári.

Meira...

Á þriðjdaginn fékk Hvalfjarðarsveit heimsókn frá Tékklandi, um var að ræða 20 manna hóp tékkneskra sveitarstjórnarmanna sem voru að kynna sér vinnu sveitarfélaga á Vesturlandi í umhverfismálum. (sjá frétt www.environice.is)

Laufey Jóhannsdóttir sveitarstjóri tók á móti hópnum ásamt Sigurði Sigurjónssyni leikskólastjóri, Söru Margréti Ólafsdóttur aðstoðarleikskólastjóri og Arnheiði Hjörleifsdóttur sveitarstjórnarfulltrúa.

Laufey kynnti sveitarfélagið fyrir gestunum, samfélagsgerð þess og sérstöðu.

Meira...