Allar fréttir

Mánudagur, 1. desember 2014

Síðastliðinn föstudag var undirriðuð viljayfirlýsing um stofnun samstarfsvettvangs á Grundartanga, sjá meðfylgjandi myndir sem voru teknar þá.

 

sunnudagur, 30. nóvember 2014
1. sunnudagur í aðventu - upphaf nýs kirkjuárs
 
Guðþjónusta verður í
Hallgrímskirkju í Saurbæ
sunnudaginn 30. nóv. kl. 14.00.
 
Kór Saurbæjarprestakalls syngur undir stjórn Zsuzsönnu Budai.
 
Allir velkomnir.
 
Sóknarprestur
 
Fimmtudagur, 27. nóvember 2014

Kæru sveitungar í Hvalfjarðarsveit.
Stjórn Tónlistarfélags Hvalfjarðarsveitar heldur ótrauð áfram að stefna að því að reyna að kynda undir áhuga og samstöðu um tónlistarlíf og tónlistarflutning innansveitar. Á stjórnarfundi á dögunum var samþykkt að stefna áfram að tónlistardegi eða einskonar tónlistarhátíð á vordögum undir heitinu „Tónlistarvor í Hvalfjarðarsveit.“ Til þess að hægt verði að koma því í framkvæmd þurfum við að finna fyrir stuðningi samfélagsins og biðlum því til ykkar sem hafa áhuga á að starfa með okkur að skrá ykkur í félagið.

Miðvikudagur, 19. nóvember 2014

Miðvikudaginn 19 nóvember 16:00-18:00 verður opið hús  í Fannahlíð fyrir eldri borgara í Hvalfjarðarsveit. M.a.  segir Þórdís Þórisdóttir frá leikskólastarfi í Hvalfjarðarsveit., frásagnir af mannlífinu í Hvalfjarðarssveit , lestur ljóða og fleira .   Vonumst til þess að sjá sem flesta.

Fimmtudagur, 13. nóvember 2014

Fimmtudaginn 13. nóvember nk. verður lögbundin hundahreinsun í Hvalfjarðarsveit. Hreinsunin fer fram að Skipanesi á milli kl. 17:00 – 19:00.Samkvæmt 15. kafla hollustuháttareglugerðar nr. 941/2002, er hunda- og kattaeigendum skylt að láta ormahreinsa dýrið árlega. Skylt er að ormahreinsa alla hunda og ketti 4 mánaða og eldri, og nýgotnar tíkur. Skulu 3-4 vikna hvolpar spóluormahreinsaðir sérstaklega samkvæmt leiðbeiningum dýralæknis.  Gunnar Gauti Gunnarsson, dýralæknir Borgarfjarðar- og Mýrasýslu,  annast hreinsunina.

sunnudagur, 2. nóvember 2014

Allra heilagra messa sunnudaginn 2. nóvember kl. 11.00 í Innra-Hólmskirkju. Sr. Gunnar Björnsson prédikar en sóknarpresturinn, sr. Kristinn JensSigurþórsson þjónar fyrir altari. Að messu lokinni verður hressing í safnaðarheimilinu. Allir hjartanlega velkomnir. Sóknarprestur

Saurbæjarkirkja í Hvalfirði
Fimmtudagur, 30. október 2014

Á fundi sveitarstjórnar Hvalfjarðarsveitar  þann 14. október sl. var samþykkt að fela fræðslu- og skólanefnd að vinna að mótun stefnu í íþrótta- æskulýðs- og tómstundamálum fyrir sveitarfélagið.
Nefndin hefur þegar hafið vinnu við verkefnið en stefnt er að ljúki því eigi síðar en 1. febrúar nk.

Miðvikudagur, 26. mars 2014

Fyrirkomulag ljósleiðaratenginga í Hvalfjarðarsveit. Á fundi sveitarstjórnar Hvalfjarðarsveitar þann 25. mars var samþykkt að taka upp fyrri ákvörðun sveitarstjórnar  frá 23. apríl 2013 varðandi fyrirkomulag ljósleiðaratenginga í Hvalfjarðarsveit og rýmka skilyrði fyrir tengingum vegna íbúðarhúsa.

Fyrirkomulag ljósleiðaratenginga í Hvalfjarðarsveit skal vera þannig:

Rýmkuð skilyrði ljósleiðaratenginga
Miðvikudagur, 26. mars 2014

Kvenfélagið Lilja í Hvalfjarðarsveit afhenti  þann 24. mars sl.  félagsmiðstöðinni 301,  hátalarastöð fyrir iPod tónlistarspilara.   Sigríður Kristjánsdóttir afhenti gjöfina og veitti Vigdís Erla Sigmundsdóttir formaður nemendaráðs Heiðarskóla gjöfinni viðtöku.  Þessi glæsilega gjöf mun koma að mjög góðum notum fyrir félagsmiðstöðina og er kvenfélagskonum færðar bestu þakkir.

Kvenfélagið Lilja færir félagsmiðstöðinni 301, gjöf

Pages