Allar fréttir

Föstudagur, 30. janúar 2015

Mánudaginn 2. febrúar mun oddviti Hvalfjarðarsveitar vera með viðveru að Innrimel 3, Hvalfjarðarsveit, frá kl. 10:00-12:00.

Fimmtudagur, 29. janúar 2015

Félagsþjónusta Hvalfjarðarsveitar óskar eftir að ráða starfsmann í félagslegri heimaþjónustu. Um er að ræða tímavinnu sem snýr að almennum heimilisþrifum en verkefnin geta verið mjög einstaklingsbundin allt eftir þörfum þjónustuþega. Mikilvægt er að viðkomandi starfsmaður hafi áhuga og ánægju af mannlegum samskiptum. Æskilegt væri að viðkomandi hafi reynslu af því að starfa með fólki. Hægt er að nálgast atvinnuumsókn á heimasíðu Hvalfjarðarsveitar hér.

Þriðjudagur, 27. janúar 2015

Álagningu fasteignagjalda í Hvalfjarðarsveit fyrir árið 2015 er lokið. Álagningarseðlar fasteigna eru einungis sendir út til 67 ára og eldri og fyrirtækja.  Aðrir geta nálgast álagningarseðil sinn rafrænt á vefnum www.island.is

1. Velja skal efst til hægri á vefsíðunni: ,,Mínar síður“
2. Til að skrá sig inn skal nota annað hvort rafræn skilríki eða Íslykli.
3. Þegar komið er inn á ,,þína síðu" birtist pósthólf þar sem smellt er á „skjöl frá opinberum aðilum“ en þar birtist álagningarseðil 2015.

Þriðjudagur, 27. janúar 2015

Kvenfélagið Lilja vill þakka sveitungum fyrir frábærar móttökur við harðfisks- og hákarlssölu kvenfélagskvenna um síðustu helgi. Allur ágóði af sölunni rennur í Hjálparsjóð kvenfélagsins, en sá sjóður hefur það að markmiði að styðja fjárhagslega þær fjölskyldur og einstaklinga sem orðið hafa fyrir áföllum og þurfa á stuðningi að halda. Enn er hægt er að panta harðfisk hjá Heiðu í síma 893-8952, en hákarlinn er uppseldur.

Afhendur styrkur
Föstudagur, 23. janúar 2015

Hvalfjarðarsveit óskar eftir að ráða starfsmann í hlutastarf til að annast ræstingar o.fl. í Stjórnsýsluhúsi sveitarfélagsins.

Um er að ræða hlutastarf 1 dag í viku á skrifstofutíma. 

Umsækjandi þarf að geta hafið störf sem fyrst.

Æskilegt er að umsækjandi hafi áður unnið við sambærileg störf.

Umsóknareyðublað má nálgast á hér á vef sveitarfélagsins.

Umsóknafrestur er til og með 10. febrúar nk.

Föstudagur, 23. janúar 2015

Þriðjudaginn 27. janúar verður haldinn 189. fundur sveitarstjórnar Hvalfjarðarsveitar. Fundurinn verður haldinn í stjórnsýsluhúsinu Innrimel 3, og hefst hann kl. 16:00. Hér er hægt að nálgast hann    

 

Miðvikudagur, 21. janúar 2015

Kvenfélagið Lilja verður á ferðinni dagana 23. - 25. janúar að selja harðfisk og hákarl. Með von um góðar móttökur :) Kær kveðja Dúfa og Heiða. Verða ekki með posa !

Þriðjudagur, 20. janúar 2015

Við Heiðarskóla vantar til starfa frá 1. febrúar 2015: Almennur starfsmaður Heiðarskóla. Auglýst er eftir starfsmanni í almenn störf í þrifum í 50% starfshlutfall. Laun samkv. viðkomandi stéttarfélagi

Fimmtudagur, 15. janúar 2015

Þorrablót á Hlöðum 31. janúar 2014. Húsið opnar kl. 20:00 og borðhald hefst stundvíslega kl. 20:30. Meistararnir á Galito sjá um matinn og hljómsveitin Meginstreymi heldur uppi gleði og glaum fram á nótt. Veislustjóri verður enginn annar en alþingismaðurinn og kúabóndinn Haraldur Benediktsson en stjórn Ungmenna- og íþróttafélags Hvalfjarðarsveitar mun bjóða upp á óborganleg skemmtiatriði og annál ársins 2014.

Fimmtudagur, 15. janúar 2015

Í dag þann 15. janúar  afhenti Skúli Þórðarson, sveitarstjóri Steinunni Sigurðardóttur, formanni stjórnar Hollvinasamtaka Heilbrigðisstofnunar Vesturlands styrk frá Hvalfjarðarsveit að fjárhæð kr. 1.000.000-. Mun styrkur Hvalfjarðarsveitar renna í fjársöfnun hollvinasamtakanna til kaupa á sneiðmyndatæki sem afhent verður Heilbrigðisstofnun Vesturlands til eignar.

Pages