Allar fréttir

Mánudagur, 22. desember 2014

Sveitarstjórn Hvalfjarðarsveitar samþykkti 11. nóvember 2014 að auglýsa tillögu að deiliskipulagi íbúðarbyggðar í Bjarkarási í Hvalfjarðarsveit sbr. 1. mgr. 41. gr. skipulagslaga nr. 123/2010.  Skipulagssvæðið tekur til 28,9 ha svæðis úr landi Beitistaða.  Innan skipulagssvæðisins eru skilgreindar 12 íbúðarlóðir á 11 ha landi og einnig er skilgreint um 16 ha svæði sem landbúnaðarland.

Deiliskipulag þetta byggir á deiliskipulagstillögu frá 2002 sem öðlaðist ekki gildi. Uppbygging er hafin á svæðinu þar sem talið var að tillagan frá 2002 væri í gildi. 

Mánudagur, 22. desember 2014

Sveitarstjórn Hvalfjarðarsveitar samþykkti þann 8. júlí 2014 að auglýsa tillögu að breytingu á deiliskipulagi Eyrarskógar frá 1990 samkvæmt 1. mgr. 43. gr. skipulagslaga nr. 123/2010. Breytingin felur í sér að skipta lóð nr. 0 í fjóra hluta sem fá númerin 101, 102, 103 og 104.

Breytingin byggir á deiliskipulagstillögu Hrísabrekkna frá 1995. Skipulag Hrísabrekkna öðlaðist gildi, en ekki ofangreind breyting.  Úthlutun lóðanna fjögurra hefur átt sér stað og uppbygging er hafin á svæðinu þar sem talið var að tillaga breytingar frá 1995 væri í gildi. 

Mánudagur, 22. desember 2014

Stefnumörkun um iðnaðarsvæði

Sveitarstjórn Hvalfjarðarsveitar samþykkti þann 4. desember 2014 tillögu að breytingu á Aðalskipulagi Hvalfjarðarsveitar 2008-2020 samkvæmt 1. mgr. 26. gr. skipulagslaga nr. 123/2010 er varðar stefnumörkun um iðnaðarsvæði.  Tillagan var auglýst frá 29. ágúst til og með 10. október 2014. Að mati sveitarstjórnar gáfu innsendar athugasemdir ekki tilefni til breytinga á tillögunni og hefur hún verið send Skipulagsstofnun til staðfestingar.  Þeir sem óska nánari upplýsinga geta snúið sér til skipulagsfulltrúa Hvalfjarðarsveitar.

Föstudagur, 19. desember 2014

Fjárhagsáætlun Hvalfjarðarsveitar fyrir árið 2015 ásamt þriggja ára áætlun áranna 2016-2018 var samþykkt á fundi sveitarstjórnar þann 15. desember sl. Samkvæmt fjárhagsáætluninni er gert ráð fyrir að á árinu 2015 verði rekstrarniðurstaða samstæðu A og B hluta jákvæð um 30,1 millj. króna.

Fimmtudagur, 18. desember 2014

Messur um jól og áramót
24. des. – aðfangadagur
Hallgrímskirkja í Saurbæ
Miðnæturguðþjónusta kl. 23.00

25. des. – jóladagur
Leirárkirkja - hátíðarguðþjónusta kl. 13.30
Innri-Hólmskirkja - hátíðarguðþjónusta kl. 15.00

31. des. – gamlársdagur
Innri-Hólmskirkja - messa kl. 13.30
Leirárkirkja - messa kl. 15.00

Miðvikudagur, 17. desember 2014

Á morgun, fimmtudag, ætlum við í Sveitinni milli stranda að halda jólatónleika í Hallgrímskirkju í Saurbæ. Á efnisskránni verða falleg jólalög úr ýmsum áttum, bæði gömul og ný. Með okkur á tónleikunum verða ungar og hæfileikaríkar söngkonur héðan úr sveitinni. 
Við ætlum að eiga notalega og fallega kvöldstund saman með ljúfri tónlist í kirkjunni okkar. 

Staður: Hallgrímskirkja í Saurbæ á Hvalfjarðarströnd
stund: 18. desember kl. 20:30

Aðgangur verður ókeypis en tekið verður við frjálsum framlögum frá þeim sem það kjósa. :)

Þriðjudagur, 16. desember 2014

Skrifstofa Hvalfjarðarsveitar verður lokuð á aðfangadag og gamlársdag.

Þriðjudagur, 16. desember 2014
Auglýsing um óverulega breytingu Aðalskipulags Hvalfjarðarsveitar 2008-2020 á þéttbýlisuppdrætti Melahverfis.
Um er að ræða breytta landnotkun í Melahverfi.
Sveitarstjórn Hvalfjarðarsveitar samþykkti þann 11. nóvember 2014 tillögu að óverulegri breytingu Aðalskipulags Hvalfjarðarsveitar 2008-2020  á þéttbýlisuppdrætti Melahverfis sbr. 2. mgr. 36. gr. skipulagslaga 123/2010. 
Mánudagur, 15. desember 2014

Á fundi sveitarstjórnar Hvalfjarðarsveitar þann 4. desember sl. var samþykkt að ráða Arndísi Höllu Jóhannesdóttur í starf félagsmálastjóra. Um er að ræða 50% stöðugildi. Arndís Halla hóf störf hjá Hvalfjarðarsveit þann 10. desember.

Aðrir umsækjendur um stöðu félagsmálastjóra voru:

Auður Herdís Sigurðardóttir.
Íris Eik Ólafsdóttir.
Jóhanna Hildiberg Haraldsdóttir.
Kristín Sævarsdóttir.
Lilja Guðrún Guðmundsdóttir.
Vilborg Oddsdóttir.
 

Föstudagur, 12. desember 2014

Næsti sveitarstjórnarfundur verður haldinn að Innrimel 3, mánudaginn 15. desember kl. 16:00. Það er hægt að sjá fundarboðið hér !

Pages