Allar fréttir

Föstudagur, 12. desember 2014

Næsti sveitarstjórnarfundur verður haldinn að Innrimel 3, mánudaginn 15. desember kl. 16:00. Það er hægt að sjá fundarboðið hér !

Föstudagur, 5. desember 2014

Sveitarstjórn Hvalfjarðarsveitar staðfesti skipulagsáætlanir varðandi iðnaðar- og athafnasvæðið við Grundartanga á fundi í gær, 4. desember 2014. Upphaf þess að farið var í þessar skipulagsbreytingar voru áform Silicor Materials um að reisa sólarkísilverksmiðju við Grundartanga. Í vor komst Skipulagsstofnun að þeirri niðurstöðu að sólarkísilverið þætti ekki líklegt til þess að hafa í för með sér umtalsverð umhverfisáhrif og verkefnið væri því ekki háð mati á umhverfisáhrifum.

Miðvikudagur, 3. desember 2014
Skógræktarfélag Skilmannahrepps býður íbúum í Hvalfjarðarsveit að koma og kaupa jólatré á skógræktarsvæði félagsins við Furuhlíð. 
Verið velkomin í skóginn helgina 13. og 14. desember nk.   Kl. 11 -16.00.  Menn mega velja sér tré í skóginum í samráði við félagsmenn, sem verða á staðnum til að aðstoða.  Aðallega er um að ræða sitkagreni. Lítið er til af góðum furutrjám. Reiknað er með að menn sagi sjálfir upp sitt tré. (hafið sögina með). Einnig má taka tré með hnaus, en þá þarf að hafa rúmgott farartæki og góða skóflu. 
Miðvikudagur, 3. desember 2014
Við Heiðarskóla vantar til starfa frá 1. janúar 2015:
Almennur starfsmaður Heiðarskóla. Auglýst er eftir starfsmanni í almenn störf í þrifum í 50% starfshlutfall
Laun samkv. viðkomandi stéttarfélagi
Mánudagur, 1. desember 2014

Síðastliðinn föstudag var undirriðuð viljayfirlýsing um stofnun samstarfsvettvangs á Grundartanga, sjá meðfylgjandi myndir sem voru teknar þá.

 

sunnudagur, 30. nóvember 2014
1. sunnudagur í aðventu - upphaf nýs kirkjuárs
 
Guðþjónusta verður í
Hallgrímskirkju í Saurbæ
sunnudaginn 30. nóv. kl. 14.00.
 
Kór Saurbæjarprestakalls syngur undir stjórn Zsuzsönnu Budai.
 
Allir velkomnir.
 
Sóknarprestur
 
Fimmtudagur, 27. nóvember 2014

Kæru sveitungar í Hvalfjarðarsveit.
Stjórn Tónlistarfélags Hvalfjarðarsveitar heldur ótrauð áfram að stefna að því að reyna að kynda undir áhuga og samstöðu um tónlistarlíf og tónlistarflutning innansveitar. Á stjórnarfundi á dögunum var samþykkt að stefna áfram að tónlistardegi eða einskonar tónlistarhátíð á vordögum undir heitinu „Tónlistarvor í Hvalfjarðarsveit.“ Til þess að hægt verði að koma því í framkvæmd þurfum við að finna fyrir stuðningi samfélagsins og biðlum því til ykkar sem hafa áhuga á að starfa með okkur að skrá ykkur í félagið.

Miðvikudagur, 19. nóvember 2014

Miðvikudaginn 19 nóvember 16:00-18:00 verður opið hús  í Fannahlíð fyrir eldri borgara í Hvalfjarðarsveit. M.a.  segir Þórdís Þórisdóttir frá leikskólastarfi í Hvalfjarðarsveit., frásagnir af mannlífinu í Hvalfjarðarssveit , lestur ljóða og fleira .   Vonumst til þess að sjá sem flesta.

Fimmtudagur, 13. nóvember 2014

Fimmtudaginn 13. nóvember nk. verður lögbundin hundahreinsun í Hvalfjarðarsveit. Hreinsunin fer fram að Skipanesi á milli kl. 17:00 – 19:00.Samkvæmt 15. kafla hollustuháttareglugerðar nr. 941/2002, er hunda- og kattaeigendum skylt að láta ormahreinsa dýrið árlega. Skylt er að ormahreinsa alla hunda og ketti 4 mánaða og eldri, og nýgotnar tíkur. Skulu 3-4 vikna hvolpar spóluormahreinsaðir sérstaklega samkvæmt leiðbeiningum dýralæknis.  Gunnar Gauti Gunnarsson, dýralæknir Borgarfjarðar- og Mýrasýslu,  annast hreinsunina.

sunnudagur, 2. nóvember 2014

Allra heilagra messa sunnudaginn 2. nóvember kl. 11.00 í Innra-Hólmskirkju. Sr. Gunnar Björnsson prédikar en sóknarpresturinn, sr. Kristinn JensSigurþórsson þjónar fyrir altari. Að messu lokinni verður hressing í safnaðarheimilinu. Allir hjartanlega velkomnir. Sóknarprestur

Saurbæjarkirkja í Hvalfirði

Pages